Ta eo Jemaroñ Ba Kin Magazine ko

Imõniaroñroñ Apr. 1

“Elõñ armij rainin rejjab lemnak bwe eaorõk bokake. Ta kin kwe? Kwoj lemnak ke bwe bokake ej juõn men eaorõk? [Kõtlok an uak.] I kõnan kwalok ta eo Bible ej ba kin bokake. [Konono 1 Samuel 15:22, 23] Samuel, juõn emaan me ien otemjej ear bokake Anij, ear je nan kein. Magazine in ej kamelele kin jet men ko me jemaroñ katak jen book in Juõn Samuel ilo Bible. Einwõt kwoj jelã, jerbal in kwalok nan eo am ej wõnmanlok ikijen jabawõt ko an armij. Elañe kwokõnan letok jidik jabawõt ñan jibañ jerbal in, kim naj mõnõnõ in bõke.”

The Watchtower Apr. 15

“Ejjab wõr juõn joñan ejelok jemlokin kin kamelele ko me rebellok ñan kij rainin ke? [Kõtlok an uak.] Bõtab, ejelok men eaorõklok jen ta eo ej kwalok kake ilo eon in. [Konono Jon 17:3.] Magazine in ej kamelele kin ta melelen nan in ‘mour indio’ im ewi wãwen jemaroñ bõk jelãlokjen eo ej tellok ñan e.”

Awake! Apr. 22

“Meñe elaplok an Jesus Christ buñbuñ jen jabdewõt armij ro jet rar mour, elõñ armij rej lemnak kin lukkun wõn e. Kwar jelã ke bwe ri jilek ro an Jesus make rar lemnak kin men in? [Kõtlok an uak. Inem konono Mark 4:41.] Magazine in ej etale ta eo Bible ej ba kin lukkun wõn armij in Jesus.”