Kõmman Bible Study ko Rej Wõnmanlok Part 9
Keboj Ri Katak Ro ñan Kwalok Nan Ilo Ien Emõntok
1 Ke Andrew im Philip rar kile bwe Jesus ej Messiah eo kar kallimur kake, rar jab maroñ debij air jiroñ ro jet kin news in ekairujruj. (Jon 1:40-45) Eindein rainin, ke ri katak Bible ro rej jino tõmak kin ta eo rej katak, ej kamakit ir ñan konono kake. (2 Kor. 4:13) Ewi wãwen jemaroñ rejañ ir ñan kwalok nan ilo ien emõntok im keboj ir bwe en keie air kõmmane?
2 Kwomaroñ baj kajitõk ibben ri katak eo elañe ear konono ibben ro jet kin ta eo ear katak jen Bible eo. Bõlen ewõr ro jeran im ro uan family eo an me emaroñ kirtok ir ñan koba ibben ilo ien an katak. Kajitõk ibben elañe jabdewõt ian ri jerbal ro mõttan, ri school ro mõttan, ak ro jet ejelã kajjiir rar kwalok air itoklimo. Ilo wãwen in emaroñ jino kwalok nan. Jibañ e ñan melele kin aikwij eo ñan kwalok lolokjen im bwe en kwalok kautiej im joij ñe ej konono ibben ro jet kin Jehovah Anij im kin karõk ko an.—Kol. 4:6; 2 Tim. 2:24, 25.
3 Kwalok kin Tõmak ko Air: Elukkun aorõk ñan kamineneik ri katak Bible ro ñan kajerbal Nan in Anij ñe rej kwalok kin tõmak ko air. Ilo jejjet in ien ko ilo katak eo, kajitõk ibben ri katak eo: “Ewi wãwen kwonaj kar kajerbal Bible eo ñan kamelele kin mol in ñan family eo am?” ak “Ta eon eo ilo Bible kwonaj kajerbale ñan kamol men in ñan juõn jeram?” Lale wãwen an uak, im kwalok ñan e kilen kõmman bwe katak eo an en wawa ion Jeje Ko. (2 Tim. 2:15) Ilo am kõmmane, kwonaj keboj ri katak eo ñan kwalok nan jimor ilo jabdewõt ien emõntok, im ñe ej tellokin, ñan bõk kunan ilo jerbal in kwalok nan ibben congregation eo.
4 Ej men in meletlet ñan keboj ri katak Bible ro ñan jelmae jumae. (Mat. 10:36; Luk 8:13; 2 Tim. 3:12) Ñe ro jet rej bõkmantak kajitõk ko ak kwalok kin Ri Kennan ro an Jehovah, men in emaroñ kabellok juõn wãwen ri katak ro remaroñ kwalok nan. Brochure eo Jehovah’s Witnesses—Who Are They? What Do They Believe? (Ri Kennan ro an Jehovah—Wõn Ir? Ta eo Rej Tõmak?) emaroñ kamaroñ ir bwe ren “pojõk ien otemjej bwe [ren] uak.” (1 Pit. 3:15) Ewõr ie melele ko rejimwe me ro rekãl remaroñ kajerbali ñan jibañ ro jerair im ro uan family ko air ñan melele kin tõmak im makitkit ko ad me rej wawa ion Bible.