Letter An Ra eo
Yokwe Ri Kwalok Ro kin Ailiñ eo:
Ilo jinoin yiõ in jerbal in ekãl, ewõr 9 circuit ko rekãl ilo territory eo iumin ra eo ilo United States, melelen ear wõr juõn joñan in 41 circuit ko rekãl ilo lalem yiõ ko rej kab motlok. Ilo circuit kein, 22 rej kajin Spain, 11 rej kajin English, im 8 rej kajin ko jet. Territory eo iumin ra eo ilo United States kiõ ej ejaak in 580 circuit ko im 45 district ko.
Juõn jerbal ekabwilõñlõñ rej kõmmane kiõ ñan kajededlok news eo emõn ilo Bermuda im ene ko ilo Turks im Caicos, me rej mõttan territory eo iumin ra eo ilo United States. Ri kwalok ro 679 rej jerbal ilo ene kein rej kõmman 536 Bible study ko ilo kajjojo alliñ, im joñan in 1,385 ro rar bed ilo Kwojkwoj eo air, ear ruo alen laplok jen oran ri kwalok ro.
Ilo Wallkill, elõñ ri lotok ro rar itok ñan air aluij jikin kõmman book ko ej kab dedelok air kõmmane. Elikin lolok eo moktata, juõn sister ear ba: “Ien aluij in emol an kar kabwilõñlõñ! Elõñ men ko I maroñ bwebwenato ibben ro jeiõ im jatiõ kaki ñe inaj rol ñan ijo jikiõ. Elañe ej ankil an Jehovah, I kõnan bar itok kajjojo yiõ.”
Laplok in jikin kõmman book eo im jerbal in ekkal ko jet ilo Bethel kar kõtõbraki, kin jibañ eo an elõñlok jen 1,500 armij ro ilo Regional Building Committee eo. Juõn brother eo ej lolorjake jerbal in ekkal eo ear ba: “Mõnõnõ eo an rein kar kirtok ir emol an kar juõn men in kõketak, im iminene eo air ear juõn tokjen elap. Kimij lukkun kamolol kin jibañ eo air.”
Kimij bareinwõt kõnan kwalok am kamolol ñan elõñ thousand brother im sister ro rar itok jen 45 state ko ñan air jibañ ro ear jorrãn ak jako moko imwiir ikijen typhoon eo ear walok ilo Florida. Elap ad jerammõn bwe jej mõttan juõn dolul in Christian ro jeid im jatid reyokwe!—1 Pit. 2:17.
Kimij aikwij nebar kom kin aolep makitkit ko rekijejeto ñan kowõnmanlok men ko an Ailiñ eo! Kimij bareinwõt kamolol kom kin jabawõt ko ami remmol. (Ken. 3:9, 10) Kimij kejatdikdik bwe Jehovah enaj wõnmanlok im kajerammõn jibadbad ko ad reburukuk ñan “nebar An aibujuij.”—Ep. 1:12.
Ro jeim im jatim,
U.S. Branch Office