Ewi Wãwen Jemaroñ Jibañ?
1 Ri Kennan ro an Jehovah ekkã air bõkmantak kajitõk in “Ewi wãwen kim maroñ jibañ?” ñe rej roñ bwe ear walok juõn jorrãn ilo lal in. Einwõt an Jerbal 11:27-30 kwalok, Ri Christian ro ilo ebeben eo kein kajuõn rar lelok jibañ ñan ro jeiir im jatiir ilo Judea kinke ear walok juõn ñitta ijo.
2 Ilo ran kein, karõk ko an dolul in ad kar kõtlok bwe ren maroñ kajerbal money ñan lelok jibañ ñan ro rej eñtan jen jorrãn ko rej walok im kin aikwij ko jet.
3 Ñan wanjoñok, yiõ eo lok elõñ brother ro rar lelok jabawõt ñan jibañ ro me rar jorrãn jen juõn no elap eo ear walok ilo tu-rak in Asia. Dolul in ewõr an kamolol kin mõnõnõ eo an elõñ ñan lelok jabawõt kin money in jibañ kin jorrãn ko rej walok. Bõtab, ñe armij rej kalikar jorrãn et eo rej jabawõt kake, ilo jet ailiñ ko ej juõn men in aikwij bwe ren kajerbali ñan un eo wõt im iumin juõn ien ewõr joñan, meñe ro jeid im jatid ilo bukwon eo ededelok air kar kabwe aikwij ko air.
4 Kin men in, kimij rejañ bwe jabawõt ko ñan jibañ jikin ko rejorrãn ren liloki ñan jerbal eo ibelakin lal. Money kein rej kajerbali ñan jibañ jikin ko rejorrãn im bareinwõt ñan kabwe aikwij ko ñan kakajur tõmak eo an Christian ro jeid im jatid. Elañe juõn armij ekõnan lelok jããn in jibañ ñan jorrãn ko wõt im ejenolok jen jabawõt ko ñan jerbal eo ibelakin lal, kimij mõnõnõ in bõke im kajerbale ilo jabdewõt jikin ko rej aikwij jibañ ie. Bõtab, emõn elañe jããn in jibañ in en ejelok kamelele kin ia eo ak ewi wãwen ren kajerbale.
5 Ñe rej lelok jabawõt ko ñan jerbal eo ibelakin lal, men in ej kõmman bwe ren maroñ kajerbal money kein ñan jabdewõt wãwen ko kin jerbal eo an Ailiñ eo im jab kakone ñan ien ko wõt im ej walok jorrãn ko. Men in ej errã ibben Dri Epesõs 4:16, ilo an ba bwe jej jerbal ibben don ñan lelok men in aikwij eo ñan kakajurlok “enbwin ñõn an mõke kalek e ilo yokwe.”