Box In Kajitõk

◼ Ekkar ke bwe juõn ian Ri Kennan ro an Jehovah en bõk jibañ kin ejmour eo an jen juõn hospital ak jikin lale ritto ro im dolul in kabuñ eo ej lolorjake?

Elõñ kain dolul in kabuñ ko rej lolorjake hospital ko ak jikin ko rej lale ritto ro ñan kejbãrok ro ri nañinmij. Ilo mol, rar jab kajutak jikin kein ñan kowõnmanlok kabuñ ko an Babylon eo Elap. (Rev. 18:2, 4) Bõlen ilo jinoin, juõn kabuñ ear kajutake bwe en juõn jikin business bwe en kõmman money. Rainin, jet hospital ko rej baj etnake wõt etan kabuñ ko, im ewõr jet ian ri tel in kabuñ ko rej jerbal ilo jikin kein.

Elañe juõn ian Ri Kennan ro an Jehovah ej aikwij bõk jibañ ilo juõn hospital ak juõn jikin rej lale ritto ro, enaj make beek elañe enaj bõk jibañ jen jikin in me ej mõttan juõn dolul in kabuñ. Bõklikit eo an juõn emaroñ kõtloke, ak bõklikit eo an juõn emaroñ bõprae. (1 Tim. 1:5) Ewõr jet un ko emaroñ jelet bebe eo an juõn, im enaj emõn ñan etale men kein.

Ñan wanjoñok, juõn hospital ak jikin lale ritto ro im ej etnake etan juõn kabuñ emaroñ e wõt ebaktata. Ak elañe ebar wõr juõn ebak, im ej ekkejellok ibben juõn kabuñ emaroñ eo emõntata ilo kilen lale ri nañinmij ro. Hospital in im etan ej jen juõn kabuñ emaroñ jikin eo wõt ekabel kein kamadmõd ko ie ñan jibañ ri nañinmij eo, ak emaroñ hospital eo wõt me doctor eo am ak ijo wõt ewõr doctor in mwijmwij ie. Bareinwõt, jet ian hospital ko an juõn kabuñ remaroñ kautiej tõmak eo am einwõt juõn Ri Christian kin kajerbal bõtõktõk, ak jikin kejmour ak hospital ko jet an armij ak kien remaroñ jumaiki. Inem eñin jet un ko unin kwonaj aikwij in lemnak kaki ñe kwoj bebe kin hospital ta eo kwonaj etal ñane.

Elañe bebe eo am ej ñan kajerbal juõn hospital ak jikin lale ritto ro im rej ekkejellok ibben juõn kabuñ, kwomaroñ watõke bwe kwoj kõllã wõnãn air jerbal ñan kejbarõk ejmour eo am. Kwomaroñ watõke einwõt ñe juõn dolul in kabuñ ej lale juõn business, im ilo am kõllã lok kwojjab jabawõt ñan jurake juõn kabuñ ewan. Ak kwoj kõllã wõt kin jibañ eo air rar lewõj.

Ilo mol, einwõt juõn Ri Christian, ilo wãwen kein kwonaj aikwij kejbãrok im jab bõk kunam ilo jabdewõt manit an kabuñ wan. Bareinwõt, kwoj jab aikwij naetan ri jerbal ro ie kin title ko einwõt “Father” ak “Sister.” (Mat. 23:9) Kwonaj aikwij kile bwe wãwen eo ej juõn lajrak kin business wõt bwe kwon bõk jibañ kin ejmour eo am im ebar ejelok un ko jet.

Ñe kwoj deloñ ilo hospital eo, kwomaroñ kalikar bwe kwoj juõn ian Ri Kennan ro an Jehovah im kwokõnan kamelim an elder ro lowõj yuk jen congregation eo ebak. Men in enaj kõmman bwe kwon bõk jibañ ilo jitõb ilo ien eo kwoj bed ijo.​​—1 Tes. 5:14.

Ej kunan ro nukõm ilo tõmak, elder ro, im ro jet ilo congregation eo bwe ren lale aikwij ko ilo jitõb an ritto ro jeid im jatid me rej jokwe ilo jikin lale ritto ro, elaptata ñe juõn kabuñ ej lolorjake jikin in. Ad niknik ilo wãwen kein enaj lukkun juõn menin kõketak ritto rein im enaj bar jibañ ir bwe ren jab bõk kunair ilo manit ko an kabuñ, kwojkwoj ko, ak jabdewõt men rej kõmmane ilo jikin kein ilo air jaje kake.

Kin melele kein, kajjojo iad enaj aikwij lemnak im joñe wãwen kein im make bebe kin hospital ta eo ak jikin lale ritto ro ta eo enaj bebe kake ñan bed ie.​​—Gal. 6:5.