Juõn Letter Jen Ra Eo

Yokwe Ri Kwalok Ro kin Ailiñ eo:

Ilo May, ke rar etale unin tel in jibboñ, aolep ri jerbal ro ilo Bethel rar kabbokbok ilo mõnõnõ ke rar readi juõn letter im ej ba: “Jej mõnõnõ in kõjelaik yuk bwe Jared im Marisa Fruciano, im Travis im Lacey Brooks, emwij kãlet ir bwe ren bõk kunair ilo jerbal in ekkal ibelakin lal. Jerbal in enaj jino jen September 1 im July 15.”

Brother Fruciano enaj jerbal einwõt eo ej lale jerbal in ekkal Kingdom Hall ko im Brother Brooks enaj ri jibañ eo an. Mõttan jidik jerbal eo ñan kalek Kingdom Hall ko, mõn missionary im office in ukok ko, kobair aolep ej jilñoul ibelakin Micronesia, enaj jinoe.

Ilo September im October, Brother Christopher Broad jen ra eo ilo Australia enaj kõmmane juõn jikuul in ukok ilo Palau. Ri ukok ro ñan Marshall im Chuuk emwij air bed ilo jikuul in ilo Hawaii. Bareinwõt ri ukok ro ilo Pohnpei, Kosrae, im Yap rar kõmmane jikuul in ilo ailiñ ko air.

Ej kab mwij an Governing Body eo kamelim ra eo ñan wiaik apartment eo iturin. Enaj jikin jokwe im office ñan kumi in ukok eo an ri Chuuk. Ri ekkal ro jiljino ekoba ri ekkal ro jen Guam renaj kõkãl apartment in. Jej kijoror in lo an ri ukok in Chuuk ro jerbal ijin mõttan jidik!

Ro jeõm im jatõm,

Ra eo ilo Guam