Ta eo Jemaroñ Ba Kin Magazine Ko

Imõniaroñroñ Oktoba-Tijemba

“Kwonañin ke kar karõk in kõmõne juõn men ak ilo jemlokõn ejjab tõbrõk kinke eor jet men ko rar kautameik yuk? [Kõtlok bwe en uak.] Kwon lale wãwen an Baibel eo kemelele kin men in ilo Jemes 4:13, 14. [Riit.] Ilo peij 11 magazine in ej kemelele kin unin an men in walok im bareinwõt wãwen eo jemaroñ lo tõbrõk.” Kemelele kin karõk eo kin jabawõt.

Imõniaroñroñ Oktoba-Tijemba

“Kwoj lemnok ke bwe armij ro remaroñ jimjera iben Anij? [Kõtlok bwe en uak inem kwon riiti Jerbal 17:27.] Katak in ilo magazine in ej kalikar etke jejela bwe Anij ekõnan bwe jen ebake e.” Kwalok katak eo ilo peij 26.

Awake! Tijemba

“Iomin elõñ buki yiõ ko armij ro rar lemnok kin kajitõk in. [Jitõñlok ñõn kajitõk eo ituman magazine in.] Ilo am lemnok, jemaroñ bõk juõn uak emõn jen ia? [Kõtlok bwe en uak.] Lale etke jemaroñ reilok ñõn Anij kin uak in kajitõk in. [Riit Sam 100:3.] Magazine in ej kwalok kin ta eo Baibel ej ba kin kajitõk in.”