Kajurin Baibel eo ilo Mour eo Am

Baibel eo ear jibõñ elõñ armij ro bwe ren ukot mour ko air. Ta jet ian nan in kaiñi ko jen Baibel remaroñ jibõñ kij kamarmir abañ ko ilo ran kein elañe jej jerbali? Ejelok berre kwonaj mõnõnõ in lo uak in kajitõk in ilo am aluije pija eo etan The Bible​—Its Power in Your Life, juõn ian pija ko jilu ilo DVD eo etan The Bible​—A Book of Fact and Prophecy. Elikin am aluije pija in, kwomaroñ ke uaki kajitõk kein?

(1) Etke jemaroñ ba bwe Baibel eo ejjab baj juõn buk emõn wõt ak elaplok an aurõk? (Hib. 4:12) (2) Elañe Baibel eo emaroñ jibõñ armij ro ñõn kakõmõnmõnlok mour ko air, etke armij ro rej iion wõt elap abañ ko? (3) Ta unin konono eo elap ilo Baibel eo? (4) Ta eon ko ilo Baibel rar kajerbali ilo pija in im remaroñ jibõñ dri belele ro ñõn (a) kalaplok air konono iben dron im (b) jela drebiji air illu? (5) Ewi wãwen lemnok eo an dri Kristian ro kin mour in mare ej kakõmõnmõnlok mour in baamle ko? (Ep. 5:28, 29) (6) Ewi wãwen an kar Jeova likit joñok eo emõntata ñõn ro jemen im jinen? (Mark 1:9-11) (7) Ewi wãwen ro jemen im jinen remaroñ kõmõn bwe en kaitoktoklimo ien katak eo an baamle eo? (8) Ijellokin air katak Baibel eo, bar ta ko Nan in Anij ej kamakõt ro jemen im jinen bwe ren kabwe aikwij ko an ajiri ro nejiir? (9) Ewi wãwen nan in kakabilek ko ilo Baibel remaroñ jibõñ baamle ko ñõn jela mour ilo ien ko elap abañ ie kin jããn? (10) Ta nan in kakabilek ko jen Baibel ikijen erreo, bõk uno im dren ko rekajur, im kin inebata remaroñ jibõñ kakõmõnmõnlok ejmour eo ar elañe jej jerbali? (11) Ta kalimur ko ilo Baibel eo remaroñ jibõñ kij? (Job 33:25; Sam 145:16) (12) Ewi wãwen katak ko ilo Baibel eo rar jibõñ yuk kakõmõnmõnlok wãwen mour eo am? (13) Ewi wãwen kwomaroñ kajerbal pija in ñõn jibõñ ro jet?