Ta eo Jemaroñ Ba kin Book In

Imõniaroñroñ Jãnwõde-Maaj 2011

“Armij ro ilo kabuñ ko kajjojo ibelakin lal in rej jar. Kwoj ke tõmak bwe Anij ej lukkun roñjake im uake jar ko an armij rein? [Roñjake an uak.] Baibel eo ej rejañ kij bwe jen jar. [Riit Dri Pilippai 4:​6, 7.] Book in ej kwalok uak ko jen Baibel eo kin kajitõk ko jiljilimjuõn im ekkã an armij ro kajitõk kaki kin jar.”

Imõniaroñroñ Jãnwõde-Maaj 2011

“Elõñ armij ro ibelakin lal in rej kajerbale ‘Jar eo an Iroij,’ im rej eliji jar in elõñ alen. Ilo am baj lemnak, jej aikwij ke eliji jar in aolep ien? [Roñjake an uak.] Jen lale ta eo Jisõs ear ba. [Riit Matu 6:​7.] Book in ej kemelele kin unin an kar Jisõs ba nan kein, im book in ej bar kwalok uak ko jen Baibel kin kajitõk ko jiljilimjuõn im ekkã an armij ro kajitõk kaki kin jar.”

Imõniaroñroñ Jãnwõde-Maaj 2011

“Elõñ armij rej lemnak bwe dri tel ro an kabuñ ko remaroñ kemour ir jen nañinmij ko air. Ilo am baj lemnak, Anij ej ke kamaroñ rein bwe ren kõmmane men kein? [Roñjake an uak.] Jen lale ta eo Jisõs ear ba kin jet armij ro im rar kõmman menin bwilõñ ko. [Riit Matu 7:⁠22, 23.] Katak eo ilo peij 13 ej kwalok kin wãwen jemaroñ kile elañe menin bwilõñ kein rej jen Anij ke ak jaab.”

Imõniaroñroñ Jãnwõde-Maaj 2011

“Anij ej ke kea elañe armij ro rej buromõj ak iion wãwen ko rekabwerer ilo mour ko air? Ta baj lemnak eo am? [Roñjake an uak. Inem riiti Sam 34:18.] Katak eo ilo peij 19 ej kwalok kin wãwen armij ro remaroñ jolok eñjake ko rekabwerer im jab narueir make, lemnak bwe ejelok tokjeir, im buromõj ele jen joñan.”