Waanjoñak ko kõn Kilen Lel̦o̦ke Bok In

Jino Katak Baibõl̦ Ippãn Armej ro ilo Jãdede eo M̦oktata ilo Juun

“Kõmij lol̦o̦k armej ro im bwebwenato ippãer kõn kajjitõk in.” [Kwal̦o̦k kajjitõk eo kein kajuon ilo peij eo ãliktata ilo Naan in Keeañ eo an Juun 1.] Ta am̦ baj l̦õmn̦ak kõn kajjitõk in?” Kõtl̦o̦k an uwaak. Komiro en etale kõmel̦el̦e ko an kajjitõk in im riiti juon iaan eoon ko. Lel̦o̦k ñane bok eo, im kõm̦m̦an karõk bwe kwõn bar jepl̦aak im etale kajjitõk eo kein karuo.

Naan in Keeañ Juun 1

“Kajjojo iiõ enañin 6,000,000 armej rej mej jãn wõt kõbaatat. Ewõr ke jabdewõt men jemaroñ kõm̦m̦ane ñan kadikl̦o̦k apañ in? [Kõtl̦o̦k an uwaak.] Elõñ armej rar bõjrak jãn aer kõbaatat kõn aer kar katak Baibõl̦. Ñan waanjoñak, eoon in ear jipañ elõñ rũkõbaatat ro bwe ren l̦õmn̦ak kõn wãween m̦anit in aer ej jelõt ro jet. [Riit 1 Korint 10:24, UBS.] Bok in ej kwal̦o̦k kõn wãween an naan in Anij maroñ jipañ armej ro bwe ren bõjrak jãn aer kõbaatat.”