Elipaz:
Bõlen ekar itok jãn jikin eo etan Timan ilo aelõñin Idom. Bokin Jeremaia 49:7 ej kwal̦o̦k kõn Timan bwe ekar jikin eo me el̦ap mãlõtlõt im jel̦ãl̦o̦kjen̦ ie ilo Idom
Bõlen e eo utiejl̦o̦k im erũttol̦o̦k jãn l̦õm̦aro ruo me rar bar itok im kaenõm̦m̦an Job kõnke e eo m̦oktata ekar kõnono ñan Job. Jilu alen an kar Elipaz kõnono im ekar aetokl̦o̦k an kõnnaan jãn l̦õm̦aro ruo
Naan ko ekar ba ke ear n̦aruon Job:
Ear ba bwe bõlen ewõr men en̦ enana Job ear kõm̦m̦ane, im ear ba bwe Anij ejjab lõke rũkarejar ro An (Job 4, 5)
Innem ear jiroñl̦o̦k Job im ba ewel̦o̦k im nana, im ear ba bwe ejjel̦o̦k an mijak Anij ñan jidik (Job 15)
Ãliktata ear n̦aruon Job im ba ekũbbon̦ im enana an kõm̦m̦an ñan ro jet, im ear ba ejjel̦o̦k armej en̦ ewõr tokjãn ippãn Anij (Job 22)
Bildad:
Ear itok jãn baam̦le eo an Shua. Emaroñ kar bõlen jokwe iturin Reba Upretis
E eo kein karuo ear kõnono ñan Job. Kar bar jilu alen an kõnono ak ekadul̦o̦k naan ko an jãn Elipaz im el̦apl̦o̦k aer kõmmetak
Naan ko ekar ba ke ear n̦aruon Job:
Ear ba bwe bõlen l̦addik ro nejin Job rar jerawiwi n̦ae Anij im eñin unin rar mej. Im wãween an kõnnaan ej ãinwõt ñe ear ba bwe Job ej iioon eñtaan kõnke ejjab mijak Anij (Job 8)
Ear ba bwe Job ej juon armej nana (Job 18)
Ear ba bwe ejjel̦o̦k tokjãn an juon armej kõm̦m̦ani men ko rejim̦we im̦aan mejãn Anij (Job 25)
Zopar:
Ear juon RiNeamat, im emaroñ kar bõlen itok jãn jikin ko ituiõñ ilo Arebia im rej pãd iturilik.
E eo ãliktata ear kõnono ñan Job im eddotata an kõnnaan. Kar ruo wõt kõttan an kõnono
Naan ko ekar ba ke ear n̦aruon Job: