Jeova Ejãmin Kõjekdo̦o̦n Ro Erup Bũrueer

Devid ear je bokin Sam 51 ãlikin an kar rũkanaan Netan kõnnaan ñane kõn an kar l̦õñ ippãn Batshiba. Ear lukkuun nana an Devid mour kõn bõd eo an, im ear kõttãik bũruon im kwal̦o̦k ruõn.​—2Sa 12:1-14.

Devid ear jerawiwi bõtab ear maroñ bar kõkajoor kõtaan eo an ippãn Anij

51:3, 4, 8-12, 17

• M̦okta jãn an kar kwal̦o̦k ruõn im ukel̦o̦k, bõklõkõt eo an ear kõm̦m̦an bwe en lukkuun nana an mour

• Joñan an kar eñtaan im bũrom̦õj kõn jerawiwi eo ekar kõm̦m̦ane im̦aan mejãn Anij ej ãinwõt ñe rar ruje di ko diin

• Ear lukkuun kõn̦aan bwe Anij en jol̦o̦k an bõd im ear kõn̦aan bwe en bar em̦m̦an kõtaan eo an ippãn im lañlõñ ãinwõt kar m̦okta

• Ear kõttãik bũruon ke ear akwel̦ap ippãn Jeova ñan jipañe bwe en wõr juon kõn̦aan ilo bũruon ñan pokake e

• Ear lukkuun tõmak bwe em̦õj an Jeova jol̦o̦k an bõd