“Jol̦o̦k Menin Eddo ko Am̦ Ioon Jeova”

Devid ear jelm̦ae elõñ kain mãlejjoñ ko reppen ilo mour eo an. Ilo iien eo ke ear kine bokin Sam 55, em̦õj an kar wal̦o̦k aolep wãween kein ñane . . .

• Rar Kajjirere Kake

• Rar Matõrtõre im Kajjioñ M̦ane

• Ear Nana An Mour kõn Jerawiwi eo Ear Kõm̦m̦ane

• Ear Mej Ajri eo Nejin

• Ear Nañinmej

• Rar Jab tiljek im m̦ool ñane

Ke mãlejjoñ ko ear iiooni rar kanooj eddo im eitõn kar bani, Devid ear kappok jipañ im ear lo wãween eo enaaj jipañe ñan kijenmej kõn men kein. Ear ba naan kein: “Kwõn jol̦o̦k menin eddo ko am̦ ioon Jeova.” Ro rej iioon ejja wãween in wõt Devid ear iioone remaroñ bõk kaenõm̦m̦an jãn naanin kakapilõk kein an.

Ewi wãween ad l̦oore eoon in ilo raan kein?

55:22

1. Jar ñan Jeova jãn aolepen bũruod bwe en jipañ kõj kõn jabdewõt apañ ak inepata

2. Kappukot naanin tõl im jipañ jãn Naanin Anij im jãn doulul eo

3. Pukot kilen bwe en jako apañ eo bõtab jaikuj in l̦oore naanin kakapilõk ko jãn Baibõl̦