Kilen Bwe en Em̦m̦anl̦o̦k Wõt Ad Kwal̦o̦k Naan​—Tõpar Bũruon Rũkkatak ro kõn Bok eo, “Pãd Wõt ilo Yokwe eo an Anij”

UNIN AN AORÕK KÕL IN: Armej ro rej aikuj katak kõn kien ko an Jeova im pokaki bwe ren maroñ kabuñbũruon ñe rej kabuñ ñane. (Ais 2:3, 4) Bok eo kein karuo me jej katak ippãn rũkkatak ro ad kake etan, “Yokwe eo an Anij,” ej jipañ rũkkatak ro ñan jel̦ã ewi wãween aer maroñ l̦oore naanin kakapilõklõk ko an Anij ilo mour ko aer. (Hi 5:14) Ñe jej katak ippãer, jen kate kõj ñan tõpar bũrueer bwe en jim̦we unin aer kõm̦m̦an oktak ilo mour ko aer.​—Rom 6:17, UBS.

KILEN KÕM̦M̦ANE:

• Lukkuun kõpoojel̦o̦k im̦aan katak eo, im l̦õmn̦ak kõn aikuj eo an rũkkatak eo am̦. Bõkm̦aantak kajjitõk ko jet me renaaj jipañ eok ñan tuuri bũruon im lujur e ñan kwal̦o̦k l̦õmn̦ak ko an kõn katak eo.​—JK 20:5; be-E 259

• Kõjerbal bo̦o̦k ko ilo bok eo ñan jipañ rũkkatak eo am̦ ñan kile aorõkin an l̦oore naanin kakapilõklõk ko ilo Baibõl̦

• Jipañ rũkkatak eo am̦ ñan kõl̦mãnl̦o̦kjen̦ kõn pepe ko me rej ekkar ñan bõklõkõt eo an juon, ak jab jiroñe ta eo en kõm̦m̦ane.​—Ga 6:5

• Kõjerbal lol̦o̦kjen̦ ñan lale ñe rũkkatak eo am̦ ej aikuj l̦oore jet naanin kakapilõklõk jãn Baibõl̦. Ilo jouj, rõjañe ñan kõm̦m̦an oktak kõnke ej yokwe Jeova.​—JK 27:11; Jon 14:31