Jel̦ãl̦o̦kjen̦ eo jãn Anij Ej Jol̦o̦k Kalijekl̦o̦k

Jeova ejjab kalijekl̦o̦k. (Jrb 10:34, 35, UBS) Ej m̦õn̦õn̦õ ippãn “aolep kain armej, bwij, aelõñ, im kajin.” (Rev 7:9) Kõn men in, ejjab aikuj wõr l̦õmn̦ak in kautiej jet jãn jet ak kalijekl̦o̦k ilo eklejia eo. (Jem 2:1-4) El̦ap ad kam̦m̦oolol kõn jel̦ãl̦o̦kjen̦ in jãn Anij kõnke ear jipañ armej ro an ñan aer oktak im aenõm̦m̦an ippãn doon. (Ais 11:6-9) Ilo ad kate kõj ñan jol̦o̦k jãn bũruod aolep men ko me rej kõm̦m̦an ad kalijekl̦o̦k, jej kam̦ool bwe jej kajjioñe Anij.​—Ep 5:1, 2.

ALWÕJE PIJA EO, JOHNY AND GIDEON: ONCE ENEMIES, NOW BROTHERS. INNEM UWAAKE KAJJITÕK KEIN:

• Meñe armej ro rej kate er ñan jol̦o̦k kalijekl̦o̦k, etke jel̦ãl̦o̦kjen̦ eo wõt jãn Anij emaroñ kõm̦m̦ane men in?

• Ta eo el̦ap am̦ bwilõñ kake kõn doulul in jemjein jemjati eo ad ipel̦aakin lal̦ in?

• Ñe jej kõm̦m̦an bwe en wõr wõt aenõm̦m̦an im bõrokuk, ewi wãween an men in kaiboojoj im nõbar Jeova?