Rej kwal̦o̦k naan ippãn juon armej iturin Monrovia, ilo Liberia

Waanjoñak ko kõn Kilen Bwebwenato Ippãn Armej

●○○ JINOIN AD KÕNNAAN IPPÃN ARMEJ

Kajjitõk: Ewõr ke tokjãn naanin tõl ko ilo Baibõl̦ ñan raan kein?

Eoon: 2Ti 3:16, UBS

Juon Kajjitõk Ej Ekkejell̦o̦k: Ta ennaan eo ilo Baibõl̦?

○●○ KEIN KAJUON IN AD JEPL̦AAK

Kajjitõk: Ta ennaan eo ilo Baibõl̦?

Eoon: Mt 6:10

Juon Kajjitõk Ej Ekkejell̦o̦k: Ta eo Aelõñ eo an Anij enaaj kõm̦m̦ane?

○○● KEIN KARUO IN AD JEPL̦AAK

Kajjitõk: Ta eo Aelõñ eo an Anij enaaj kõm̦m̦ane?

Eoon: Dan 2:44

Juon Kajjitõk Ej Ekkejell̦o̦k: Ewi wãween an nãj men in jelõt lal̦ in?

Jino jãn allõñ in, kweilo̦k in ad ilo lukwõl̦pãn wiik eban bar kwal̦o̦k wãween ko jilu kõn kilen ad lel̦o̦k bok ko. Ijello̦kun an nãj ãindein, Kein Katak in ad enaaj kwal̦o̦k jet waanjoñak ko kõn kilen ad bwebwenato ippãn armej ro. Enaaj kwal̦o̦k juon kajjitõk, juon eoon, im bar juon kajjitõk me jemaroñ likũti ippãn armej ro bwe jen maroñ bar jepl̦aak ippãer. Ilo kajjojo wiik, naaj kõjo̦e juon wõt pija kõn kilen ad bwebwenato ippãn armej ro. Kajjojo rukwal̦o̦k emaroñ kõjerbal jabdewõt iaan bok ko jej kõjerbali ilo kwal̦o̦k naan im bareinwõt ñããt eo ekõn̦aan kwal̦o̦k kake. Emaroñ kããlõt ñan kõjerbale ilo jinoin an kõnnaan ippãn armej ro, ak ñe ej bar jepl̦aak ippãer. Bareinwõt, kein katak in enaaj kwal̦o̦k ruo waanjoñak ko kõn kilen ad bar jepl̦aak im bwebwenato ippãn armej. Wãween in enaaj jipañ kõj ñan l̦õmn̦ak kõn mejãnkajjik eo ad ñan katak Baibõl̦ ippãn ‘ro ej tõllo̦kier ñan bõk mour indeeo.’—Jrb 13:48.

Ro Ewõr Kun̦aaer ilo Jikuul̦ Eo: Ro ewõr kun̦aaer rej aikuj l̦oore waanjoñak ko kar kõm̦m̦ani kõn kilen bwebwenato ippãn armej ro, m̦ae iien ewõr naanin jiroñ ko renaaj kaalikkar bwe rejjab aikuj l̦oori.