Meñe Kwõjkwõjin Kijoone eo ear jab annañel̦o̦k Kwõjkwõjin Keememej Mej eo an Jesus, ak jet iaan men ko ilo kar Kwõjkwõjin Kijoone eo ewõr mel̦el̦eir ñan kõj. Ñan waanjoñak, rijjilõk Paul ear n̦aetan Jesus “ad lamb in Kijoone.” (1Ko 5:7, UBS) Ãinwõt bõtõktõkin lamb eo ak koon in jiip eo me ear lo̦mo̦o̦ren mour ko an ro rar kabõtõktõk tõrerein kõjãm ko aer, bõtõktõkin Jesus ej bar lo̦mo̦o̦ren mour ko an elõñ armej. (Ex 12:12, 13) Bareinwõt, ejjel̦o̦k juon iaan di ko diin lamb eo ilo Kwõjkwõjin Kijoone eo rar bwilo̦k. Ejjel̦o̦k oktak jãn Jesus. Ejjel̦o̦k juon iaan di ko diin ear bwilo̦k meñe ekar juon m̦anit bwe ren bwilo̦ke diin ro rar totoik er im m̦an er.—Ex 12:46, UBS; Jon 19:31-33, 36.