“Ro Em̦õj an Anij Kobaik Er . . .”

Ekkar ñan Kien Moses, el̦aññe juon em̦m̦aan ej l̦õmn̦ak in jepel jãn lio pãleen ej aikuj kõm̦m̦an an peba in jepel. Kar kõm̦m̦ane kien in ñan bõbraik rippãlele ro bwe ren jab m̦õkaj im jepel. Bõtab ilo raan ko an Jesus, rũtõlin kabuñ ro rar kõm̦m̦an bwe en pidodo an armej ro jepel. Ekar mãlim an em̦m̦aan ro jepel jãn kõrã ro pãleer kõn jabdewõt kain un. (“peba in jepel” kõmel̦el̦e ko kõn eoon eo ilo Mt 19:7, ilo mwbr eo an Pãpode 2018.) Jesus ear lukkuun kaalikkar ñan armej ro bwe Jeova eo ear ejaake im karõk mourin pãlele. (Mark 10:2-12, UBS) Kõn men in, ãlikin an juon em̦m̦aan im kõrã m̦are, rej ‘erom juon wõt kanniõk.’ Ekkar ñan Baibõl̦, l̦õñ ej un eo wõt ej kamãlim an rippãlele ro kõm̦m̦an aer peba in jepel. Ej alikkar men in ilo ejja bwebwenato in wõt ilo bokin Matu.​—Mt 19:9.

Rainin, elõñ rej watõk mourin pãlele ãinwõt Parisi ro im jab ãinwõt kar Jesus. Ñe ewal̦o̦k apañ ko ikõtaan rippãlele ro ilo lal̦ in, em̦õkaj aer kõm̦m̦an peba in jepel. Bõtab, rippãlele ro me rej Kũrjin rej lukkuun kaorõk kallim̦ur eo aer ñan doon im kate er l̦oore naanin kakapilõklõk ko ilo Baibõl̦ ñan jipañ kõm̦adm̦õde apañ ko aer. Alwõje pija eo etan, Love and Respect Unites Families, im ãlikin, uwaaki kajjitõk kein:

• 

  Ewi wãween am̦ maroñ l̦oore Jabõn Kõnnaan 15:1 ilo mourin pãlele eo am̦, im etke eaorõk men in?

• Ewi wãween an Jabõn Kõnnaan 19:11 maroñ jipañ eok ñe ej wõr apañ ikõtaamiro eo pãleem̦?

• El̦aññe komiro eo pãleem̦ ej iioon juon apañ me joñan an l̦ap eitõn rup pãd eo amiro, ijello̦kun am̦ l̦õmn̦ak im ba, ‘Iba in jepel jãne?’ ta kajjitõk ko kwõj aikuj lukkuun l̦õmn̦ak kaki?

• El̦aññe kwõj l̦oore Matu 7:12, ewi wãween an naaj jipañ eok bwe kwõn juon l̦eo ak lio rippãlele me em̦m̦an?