Jeova ej Yokwe Armej ro Rerreo

“Kwal̦ peim. Karreoik m̦weo im̦õm̦. Burum̦i m̦weo im̦õm̦. Jol̦o̦k kwõpej ko.” Elõñ Jemãn im Jinen ajri ro rej katakin ro nejier ñan erreo ilo ãnbwin im men ko m̦weieer. Ijoke, naanin kakapilõk ko kõn erreo rej itok jãn Anij eo ad eokkwõjarjar. (Ex 30:18-20; Dt 23:14; 2Ko 7:1) Ñe jej dãpij wõt ad erreo im men ko m̦weied, jej kaiboojoje Jeova. (1Pi 1:14-16) Ta kõn m̦weo im̦õd im men ko ipel̦aakin? Ñe jej keidi armej ro me rej jo̦kpej ilo ial̦ ko im baak ko, reoktak jen Kũrjin ro kõnke Kũrjin ro rej kate er ñan dãpij wõt erreo eo an lal̦ in. (Sam 115:16; Rev 11:18) Meñe men jidik ko, ãinwõt kilin tõñal ko, kuwat in kol̦a ko, ak bwil ko jej memeiki, wãween ad kõm̦m̦an kõn men kein emaroñ kwal̦o̦k l̦õmn̦ak eo ad kõn erreo. Ilo aolep wãween ad mour, jekõn̦aan kwal̦o̦k bwe jej “ri-jerbal ñan Anij ilo men otemjej.”—2Ko 6:3, 4.

ALWÕJE PIJA EO ETAN GOD LOVES CLEAN PEOPLE, INNEM UWAAKI KAJJITÕK KEIN:

• Ta ko ro jet remaroñ jekpen kaki ñan jab karreoik men ko m̦weieer?

• Ewi wãween an Kien Moses kwal̦o̦k kõn l̦õmn̦ak eo an Jeova kõn erreo?

• Ewi wãween ad maroñ bõktok nõbar ñan Jeova meñe jejjab ba jabdewõt?