Jutak Wõt Pen Kõnke Epaaktok Jem̦l̦o̦kin

UNIN AN AORÕK: Ejjabto, enaaj wal̦o̦k men ko rekanooj kaamijak me renaaj mãlejjoñe peran im lõke eo ad ilo Jeova el̦apl̦o̦k jãn kar m̦okta. Enaaj ijjino eñtaan eo el̦ap ñe naaj ko̦kkure kabuñ ko reriab. (Mt 24:21; Rev 17:16, 17) Ilo iien in me el̦ap jorrããn ko renaaj wal̦o̦k, jemaroñ naaj kwal̦o̦k juon ennaan in ekajet ekajju. (Rev 16:21) Gog jãn aelõñin Megog enaaj itõn ko̦kkure kõj. (Ezk 38:10-12, 14-16) Ñan kõjparok armej ro an, Jeova enaaj bõktok “tarin̦ae eo ilo raan eo el̦ap an Anij, eo Ekajoor Bõtata.” (Rev 16:14, 16) Bwe en kajoor ad peran ñan men kein me renaaj wal̦o̦k ilo raan ko repãd im̦aan, jej aikuj jutak pen ilo iien ko jej jelm̦ae men ko rej mãlejjoñe tõmak eo ad.

KILEN AM̦ KÕM̦M̦ANE:

• Peran in jojomare im mour ekkar ñan kien ko an Jeova kõn mour erreo.​—Ais 5:20

• Wõnm̦aanl̦o̦k wõt im kabuñ ippãn Kũrjin ro jeid im jatid.​—Hi 10:24, 25

• Pojak ñan pokake naanin tõl ko jãn doulul eo an Jeova.​—Hi 13:17

• Kõl̦mãnl̦o̦kjen̦ kõn wãween an kar Jeova lo̦mo̦o̦ren armej ro an ilo iien ko etto.​—2Pi 2:9

• Jar ñan Jeova im lõke e.​—Sam 112:7, 8

ALWÕJE PIJA EO ETAN FUTURE EVENTS THAT WILL REQUIRE COURAGE​—EXCERPT, INNEM UWAAKI KAJJITÕK KEIN:

• 

  Ta mãlejjoñ ko ikijjeen pokake me ri-kwal̦o̦k naan ro rar iioone ke eklejia ko rar koba ippãn eklejia ko jet?

• 

  Ewi wãween an peran im pokake ekkejell̦o̦k ñan doon?

• 

  Etke enaaj juon menin aikuj bwe en wõr peran ñe eitok Armagedon?

• 

  Bwebwenato ta ko ilo Baibõl̦ remaroñ jipañ kõj ñan kõkajoor tõmak eo ad ilo kajoor eo an Jeova bwe emaroñ lo̦mo̦o̦ren kõj?​—2Kr 20:1-24