Kwõn Jab L̦oor Elõñ Armej

23:1-3

Naanin kakkõl eo an Jeova ñan ro rej ri-kam̦ool kab ri-ekajet ro bwe ren jab kõtl̦o̦k an ro jet kõm̦m̦an aer l̦oor naanin riab ko aer ak ekajet ilo juon wãween ejjab jim̦we ej bar jerbal ñan wãween ko jet ilo mour. Jãn iien ñan iien Kũrjin ro rej iioon ijjiped eo ñan l̦oor l̦õmn̦ak im kõm̦m̦an ko an lal̦ in.​—Rom 12:2.

Etke ejjab menin mãlõtlõt ñan l̦oor armej ro ñe

• jej roñjake bwebwenato ko rejjab m̦ool ak naanin kõnanaik ko?

• jej kããlõt nuknuk ko jej kõn̦aki, wãween ad kõm̦m̦ane bõrad ak m̦wijbar, ak menin kam̦õn̦õn̦õ ko?

• jej l̦õmn̦ak im kõm̦m̦an ñan armej ro me eoktak aelõñ ko aer, m̦anit ko aer, ak joñan men ko ewõr ippãer?