KATAK KO RAORÕK JÃN NAANIN ANIJ | EXODUS 35-36

Pojak ñan Kõm̦m̦ane Jerbal eo an Jeova

35:25, 26; 35:30-35, USB; 36:1, 2

Jetõb kwõjarjar eo an Jeova ear jipañ Bizalel im Oholiab ñan katõprak aolepen tipdikin laajrak ko kar lil̦o̦k kõn m̦õn kõppãd eo. (Lale pija eo ilo kilin bok in.) Jetõb kwõjarjar eo an Jeova me el̦ap an kajoor emaroñ bar jipañ ri-karejar ro an rainin. Ewi wãween jemaroñ bõk tokjãn jãne?

Jej aikuj jar kõn jetõb kwõjarjar ñan jipañ kakõm̦anm̦anl̦o̦k jabdewõt kapeel ko ewõr ippãd ilo ad jerbal ñan Jeova
Jej aikuj ekkeini ad lukkuun katak kõn Naan ko em̦õj kakũrm̦ooli an Anij
Jej aikuj likũt aolepen bũruod ilo jabdewõt jerbal ko rej litok ñan kõj

Pija ko: Ri-Kõnnaan ro an Jeova rej kõm̦m̦ani elõñ jerbal ko ilo doulul in. 1. Juon jeid im jatid kõrã ej jipañ ilo jerbalin ekkal. 2. Juon jeid im jatid em̦m̦aan ej kõpooje katak in ‘Naan in Keeañ’ eo me enaaj tõle. 3. Juon jeid im jatid em̦m̦aan ej kwal̦o̦k naan ippãn juon wiakake im juon jeid im jatid ej lale l̦o̦k ñe ewõr ri-jum̦ae. 4. Ruo rippãlele rej pãd ilo Jikuul̦ eo ñan Ri-kwal̦o̦k Naan ro an Aelõñ Eo.

Jerbal ta ko Jeova emaroñ jipañ eok ñan kõm̦m̦ani?