Kwal̦o̦k Yokwe Ilowaan Baam̦le Eo

Yokwe ej kũl̦u eo me ej kõm̦m̦an bwe juon baam̦le en eddãp wõt ñan doon. Ñe ejjel̦o̦k yokwe ilo juon baam̦le, enaaj pen aer dãpij wõt aer bõrokuk im jerbal ippãn doon. Ewi wãween an l̦eo im lio, im ro ewõr nejier maroñ kwal̦o̦k yokwe ilo baam̦le eo?

Juon em̦m̦aan me el̦ap yokwe ippãn enaaj l̦õmn̦ak kõn aikuj ko an lio ippãn, l̦õmn̦ak ko an, im eñjake ko an. (Ep 5:28, 29) Enaaj kabwe aikuj ko an baam̦le eo an ilo kanniõk im ilo jetõb, ekitibuj aer ekkeini aer kõm̦m̦ane Iien Kabuñ an Baam̦le in jota. (1Ti 5:8) Juon kõrã me el̦ap yokwe ippãn enaaj kõttãiki ñan l̦eo ippãn im enaaj “lukkuun kwal̦o̦k kautiej” ñane. (Ep 5:22, 33; 1Pi 3:1-6) Erro jim̦or ej aikuj m̦õn̦õn̦õ in jel̦ã jol̦o̦k an doon bõd. (Ep 4:32) Ro jemãn im jinen me el̦ap yokwe ippãer rej kwal̦o̦k aer itoklimo kõn kajjojo iaan ajri ro nejier im rej katakin er ñan yokwe Jeova. (Dt 6:6, 7; Ep 6:4) Ta men ko reppen ajri ro nejier rej iiooni ilo jikin jikuul̦? Ejet aer kijenmej kõn ijjiped ko ippãn ajri ro me dettaer wõt er? Ñe el̦ap yokwe ilowaan juon baam̦le, aolep ro uwaan baam̦le eo renaaj eñjake aer pãd ilo kõjparok im jokwane.

ALWÕJE PIJA EO ETAN WÕNM̦AANL̦O̦K WÕT IM KWAL̦O̦K YOKWE ÑAN BAAM̦LE EO AM̦, INNEM UWAAKI KAJJITÕK KEIN ITULAL̦:

• 

  Ewi wãween an l̦eo me el̦ap yokwe ippãn lel̦o̦k aikuj ko an kõrã eo ippãn im kaorõke?

• 

  Ewi wãween an lio me el̦ap yokwe ippãn lukkuun kwal̦o̦k an kautiej l̦eo ippãn?

• 

  Ewi wãween an ro jemãn im jinen me el̦ap yokwe ippãer kõm̦m̦an bwe Naanin Anij en pãd ilo l̦õmn̦ak ak bũruon ajri ro nejier?