Jeova Ej Kõjeraam̦m̦an Ro Rej Kwal̦o̦k Aer Tõmak

Naanin tõl ko an Jeova remaroñ ãinwõt ñe rejjab mãlõtlõt ekkar ñan l̦õmn̦ak ko an armej (Jos 3:12, 13; it-2 105; lale pija eo ilo kilin kein katak in)

Em̦m̦aan ro em̦õj jitõñ er rej aikuj likũt juon joñak em̦m̦an ilo aer l̦oori naanin tõl ko (Jos 3:14; w13 9/1 16 pãr. 17)

Jeova ej kõjeraam̦m̦an ro rej m̦õkaj im em̦m̦akũt (Jos 3:15-17; w13 9/1 16 pãr. 18)

Bũrij ro rej ineeke tõptõp eo ilo aer kijoone Reba Jordan ioon ãne em̦õrã.

Jej kõtl̦o̦k bwe Jeova en kõjeraam̦m̦an kõj ñe jej kate kõj ñan kwal̦o̦k naan, meñe jemaroñ apañ kõn ãjmour ko ad ak wãween ko jej iiooni.

Juon jeid im jatid kõrã ej kwal̦o̦k naan ñan juon kõrã ilo aerro jijet ilo juon jea im juon bwilijmããn̦ ej etetal ijo, ilo aelõñ in em̦õj aer kabõjrak jerbalin kwal̦o̦k naan eo ad ie.