KATAK KO RAORÕK JÃN NAANIN ANIJ

Ilo Mãlõtlõt Kwõn Kããlõt eo Kwõnaaj M̦areiki

Solomon ear jab mãlõtlõt ilo an kar m̦areik kõrã ro rar kabuñ ñan anij ko rewaan (1Kñ 11:1, 2, UBS; w18.07 18 pãr. 7)

Jidik kõn jidik kõrã ro pãleen rar kajeorl̦o̦k bũruon Solomon jãn Jeova (1Kñ 11:3-6, UBS; w19.01 15 pãr. 6)

Jeova ear lukkuun illu ippãn Solomon (1Kñ 11:9, 10; w18.07 19 pãr. 9)

Pija ko: Juon jeid im jatid kõrã me ejjel̦o̦k rejetan ej katak Baibõl̦ ippãn make im ej l̦õmn̦ak kõn juon jeid im jatid em̦m̦aan me ejjel̦o̦k rejetan. 1. Em̦m̦aan eo jeid im jatid ej uwaak ilo juon kweilo̦k an eklejia. 2. Ej bõk kun̦aan ilo jerbalin kwal̦o̦k naan ilo̦bwilej. 3. Ej jipañ ilo jerbalin kõjparok Im̦õn Kweilo̦k eo.

Naanin Anij ej kakien Kũrjin ro ejjel̦o̦k rejetaer ñan “m̦are wõt ilo Irooj.” (1Ko 7:39) Bõtab, an juon peptaij ejjab mel̦el̦ein bwe ej juon eo ekkar ñan m̦areiki. Armej eo enaaj ke jipañ eok ñan wõnm̦aanl̦o̦k wõt im karejar ñan Jeova kõn aolepen am̦? Em̦õj ke an armej in kwal̦o̦k bwe ej lukkuun yokwe Jeova? M̦okta jãn am̦ pepe in m̦are, kwõn bõk iien ñan lukkuun jel̦ã kõn eo me enaaj pãleem.