Kwõmaroñ Jipañ ñan Kõm̦m̦an bwe En L̦apl̦o̦k an Baam̦le eo Am̦ Lañlõñ

Jeova ekõn̦aan bwe baam̦le ko ren m̦õn̦õn̦õ. (Sam 127:3-5; Ekl 9:9; 11:9) Ijo wõt ke, lañlõñ eo ad emaroñ jorrããn kõn wõt inepata ko jej iiooni ilo lal̦ in, im bareinwõt kõn bõd ko an ro uwaan baam̦le eo ad. Ta eo kajjojo iaan ro uwaan baam̦le eo remaroñ kõm̦m̦ane ñan jipañ kõm̦m̦an bwe en wõr wõt lañlõñ ilo baam̦le eo?

L̦eo rippãlele ej kautiej im kaorõk kõrã eo ippãn. (1Pi 3:7) Ej jol̦o̦k iien ko an ippãn. Ejjab le jãn joñan men ko ej kõtmãne jãn kõrã eo ippãn im ej kwal̦o̦k an kam̦m̦oolol kõn men ko ej kõm̦m̦ani ñan e im baam̦le eo. (Kol 3:15) Ej kwal̦o̦k bwe ej yokwe e im nõbar e.​—JK 31:28, 31.

Juon kõrã rippãlele ej pukot wãween ko ñan an maroñ rejetake l̦eo ippãn. (JK 31:12) Ej kwal̦o̦k an kõttãik e im ej m̦õn̦õn̦õ in jerbal ippãn. (Kol 3:18) Ej kwal̦o̦k jouj ñe ej kõnono ñan e im ñe ej kõnono kake e ñan ro jet.​—JK 31:26.

Jinen im jemãn ajri ro rej jol̦o̦k iien ippãn ajri ro nejier. (Dt 6:6, 7) Rej bar kwal̦o̦k ñan ajri ro nejier bwe rej yokwe er. (Mt 3:17) Ñe rej lel̦o̦k kauwe ñan ajri ro, rej lel̦o̦k ilo yokwe im ilo juon wãween elol̦o̦kjen̦.​—Ep 6:4.

Ajri ro rej kautiej im pokake jemãer im jineer. (JK 23:22) Rej kwal̦o̦k ñan jineer im jemãer l̦õmn̦ak im eñjake ko aer. Rej bõk kauwe jãn jineer im jemãer im kwal̦o̦k kautiej ñan er.​—JK 19:20.

ALWÕJE PIJA EO ETAN CULTIVATE JOY IN YOUR FAMILY, INNEM UWAAKE KAJJITÕK IN ITULAL̦:

Ta eo kajjojo iaan ro ilo baam̦le eo rar kõm̦m̦ane bwe en wõr wõt lañlõñ ilo baam̦le eo aer?