MOURIN KŨRJIN

Jipañ Armej ro Rejjab Itoklimo kõn Kabuñ bwe Ren Jel̦ã kõn Ri-Kõm̦anm̦an eo Aer

Kwõnañin ke kar jenliklik in kwal̦o̦k naan ñan armej ro rejjab itoklimo kõn kabuñ kõnke kwõj l̦õmn̦ak bwe reban kõn̦aan roñjake? El̦aññe aet, keememej bwe elõñ armej ro me rejjab itoklimo kõn kabuñ—ekoba ro rejjab tõmak bwe ewõr Anij—em̦õj aer oktak im erom Ri-Kõnnaan ro an Jeova. Enañin aolep iien, men eo wõt rekar aikuji ej bwe juon en jipañ er etali kein kam̦ool ko bwe em̦ool an Anij pãd.—Rom 1:20; 10:14.

ALWÕJE PIJA EO ETAN KEEMEMEJ BWE—RO EJJEL̦O̦K AER TÕMAK REMAROÑ OKTAK IM WÕR AER TÕMAK!—RO REJJAB TÕMAK ILO KABUÑ, INNEM UWAAKE KAJJITÕK IN ITULAL̦:

Ewi wãween an bwebwenato eo an Tommaso jipañ eok ñan bõk l̦õmn̦ak eo em̦m̦an ñe kwõj kwal̦o̦k naan ñan armej ro rejjab itoklimo kõn kabuñ?

Uwaak eo am̦

Kilen am̦ kõm̦m̦ane

El̦aññe juon armej ej kwal̦o̦k an jab tõmak ilo Anij, kwal̦o̦k wõt jouj im kautiej ñane, im kwal̦o̦k am̦ itoklimo kõn l̦õmn̦ak im eñjake ko an kõn men eo komiro ej kõnono kake. (2Ti 2:24) Bwebwenato kõn men ko me renaaj kãitoklimoik e. Ej ke m̦õn̦õn̦õ in bwebwenato kõn kein kam̦ool ko me rar jipañ elõñ armej ñan tõmak bwe ewõr juon ri-Kõm̦anm̦an? El̦aññe aet, kõjerbale bok im pijain alwõj ko me kar kõm̦m̦ane ñan wãween in. Em̦õj aer kobaikl̦o̦k brochure ko etaer Was Life Created? im The Origin of Life—Five Questions Worth Asking ñan Nien Kein Jerbal eo Ad ñan Katakin bwe en pidodol̦o̦k ad kõjerbale.

Ilo jinoin, kwõmaroñ jenliklik ñan bwebwenato kõn m̦ool eo ippãn juon armej ejjab tõmak ilo Anij. Etke kwõjjab kajjitõk ippãn juon ri-kwal̦o̦k naan eo ewõr an imminene bwe en jipañ eok? Bareinwõt keememej bwe Jeova emaroñ jipañ kõj ñan tõpar armej ro em̦m̦an bũrueer—meñe ilo kar m̦okta rar jab tõmak bwe em̦ool an pãd.—Jrb 13:48.