Footnote

c Areopegõs ear pãd ituiõñ turilikin Acropolis, im ear ijo ri-tõl ro rel̦l̦ap an Atens rar kweilo̦k ippãn doon ie. Naan in “Areopegõs” emaroñ jitõñl̦o̦k ñan kumi in ri-tõl ro, ñe ejjab, emaroñ bar jitõñl̦o̦k ñan lukkuun tol̦ eo Areopegõs ear pãd ie. Kõn men in, rimmãlõtlõt ro rejjab lukkuun jel̦ã el̦aññe rar bõkl̦o̦k Paul ñan tol̦ in ak ñan juon jikin iturin tol̦ in. Rejjab bar jel̦ã el̦aññe rar bõkl̦o̦ke ñan juon kweilo̦k ippãn ri-tõl ro ilo bar juon jikin, bõlen ilo jikin wia eo.