Footnote

c Rimmãlõtlõt ro rej l̦õmn̦ak bwe em̦m̦aan rein rar kõm̦m̦ane juon kallim̦ur in Nazerait. (Bõn. 6:1-21) Em̦ool bwe ñe juon armej ear kõm̦m̦ane kain kallim̦ur rot in, ear kõm̦m̦ane ium̦win Kien Moses, juon kien me ejem̦l̦o̦k an jerbal. Meñe ãindein, ak Paul emaroñ kar l̦õmn̦ak bwe ejjab juon men enana ñan an em̦m̦aan ro kajejjete juon kallim̦ur ñan Jeova. Kõn men in, ejjab bõd ñe ej kõl̦l̦ãiki aikuj ko aer im etal ippãer. Jejjab lukkuun jel̦ã ta eo em̦m̦aan ro rar kallim̦ur ñan kõm̦m̦ane. Bõtab ekkã an ri-Nazerait ro katok kõn menninmour ko ñan jol̦o̦k jerawiwi ko aer. Im el̦aññe kar ãindein, jemaroñ lukkuun lõke bwe Paul eban kar bõk kun̦aan ñan kõm̦m̦ane men in. Ãlikin an kar Jesus katok kõn mour eo an eweeppãn, ejjel̦o̦k tokjãn katok in menninmour ko. Jejjab lukkuun jel̦ã ta eo Paul ear kõm̦m̦ane, ak jemaroñ lõke bwe Paul eban kar bõk kun̦aan ilo juon men me ear n̦ae bõklõkõt eo an.