Footnote

c Bwebwenato eo ej kwal̦o̦k kõn ruo waanjoñak ko kõn wãween an kar bũrij ro jab kwal̦o̦k kautiej kõn menin katok ko. M̦oktata, Kien eo an Anij ear kwal̦o̦k ta baat ko ilo menninmour ko rar aikuj lil̦o̦k kijen bũrij ro. (Dt. 18:3, UBS) Bõtab, ilo im̦õn kõppãd eo, bũrij ro renana rar make ejaake juon aer m̦anit me elukkuun oktak jãn ta eo Kien eo ej ba. Rekõn ba ñan rijerbal ro aer bwe ren bõk kein ekkatoto eo, ãinl̦o̦k wõt jibuun bo̦o̦k ak ekilep, im karũm̦l̦o̦ke n̦a ilowaan ainbat eo im wãkare kanniõk eo ke ej kõmat wõt. Innem, ren bõkl̦o̦k jabdewõt baat ko rem̦m̦an im renno̦ ippãer. Kein karuo, ke armej ro rar bõkl̦o̦k menin katok ko aer bwe ren tũli ioon lokatok eo, bũrij ro renana rar jiroñ rijerbal ro aer bwe ren kamijak er im ebbõk kanniõk ukood jãn er meñe rejjañin kar tũli kũriij ko im katok kaki ñan Jeova.​—Lv. 3:3-5; 1 Sa. 2:13-17, UBS.