Footnote

b KÕMEL̦EL̦E EO KÕN PIJA EO: Kõnke kar kõm̦anm̦an kõj ilo nemãmeen wõt Anij, men in ekõm̦m̦an bwe ruo rippãlele ren maroñ kwal̦o̦k yokwe im tũriam̦o ñan doon im ñan l̦adik ro nejierro. Rippãlele rein rej yokwe Jeova. Im rej kwal̦o̦k aer kaorõk jeraam̦m̦an eo ñan neje ilo aer kipel im lale l̦adik rein nejier ñan yokwe im karejar ñan Jeova. Jemãn im jinen l̦adik rein rej kõjerbal juon pijain alwõj ñan kõmel̦el̦eik er kõn unin an kar Jeova letok nejin Jesus bwe en katok kõn mour eo an. Im rej bar katakin er bwe ilo naaj Pedetaij eo, jenaaj lale im kõjparok lal̦ in im menninmour ko ie ñan indeeo.