Ro Rej Readi Book ko Ad Rej Kajitõk
Ailin in Anij Ej Bed Ke Ilo Buruõm?
Elõñ rainin rej tõmak bwe uak eo ñan kajitõk eo ilõñ ej aet. Ñan wanjoñok, The Catholic Encyclopedia ej ba: “Ailiñ in Anij ej melelen wãwen eo Anij ej iroij ilo buruõd.” Ri tel in kabuñ ko ekkã air katakin armij kin melele in. Bible eo ej lukkun katakin ke bwe Ailiñ eo an Anij ej bed ilo buruen armij ro?
Jet rej lemnak bwe ilo mol Jesus eo moktata ear kawõnmanlok melele eo bwe Ailiñ eo an Anij ej bed ilo buruen armij ro. Jesus ekar ba: “Lo, ailiñ in Anij ej iolapemi.” (Luk 17:21) Jet ukok rej ba kin ijin: “Ailiñ eo an Anij ej bed ibbam” ak “iloam.” Ejimwe ke ukok kein ñan nan eo an Jesus? Ear ke ba lukkun melelen bwe Ailiñ eo an Anij ej bed ilo buruen armij?
Moktata, lemnak kin ta in buruen armij. Ke kar jitõñlok ñane ilo Bible eo, buru in kõkkar eo ej melelen armij eo iloa, eo ej unjen lemnak ko im eñjake ko an juõn armij. Melele eo bwe juõn men ej utiej in wõt Ailiñ in Anij ej bed ilo buruen armij—emaroñ oktak im kautiej armij ro, ñan wanjoñok—emaroñ emõn roñjake, ak ewõr ke bedbed in katak in?
Bible eo ej jiroñ kij: “[Buruen armij] ejelã mon jen men otemjej, ejjelok en emaroñ kemouri jen mij in an.” (Jeremiah 17:9) Jesus make ear ba: “Bwe jen iloan, jen buruen armij ej itok lemnok ko renana, lũñ ko an ro eor beleir, lũñ ko an ro ejelok beleir, uror ko, kwot ko, arõk mweiuk ko, jerawiwi ko.” (Mark 7:20-22) Lemnak mõk: Enañin aolep men ko rekaburomõjmõj jej loe ilo lal in rainin ejjab ke bwe rar itok jen an buruen armij jerawiwi? Inem ewi wãwen Ailiñ eo an Anij ewãppen emaroñ kar itok jen juõn unjen rot in enana? Ilo mol, joñan an buruen armij jab maroñ jebar leen Ailiñ eo an Anij ej einlok wõt an juõn mar kuj ejjab maroñ kalle leen wijki fig ko.—Matthew 7:16.
Kein karuo, lemnak kin jarlepju eo Jesus ear jitõñlok ñan ir ke ear konono kin nan kein kar je ilo Luk 17:21. Eon eo lok iman ej read: “Ke Parisi ro rej kajitõk iben, ñãt ailiñ in Anij ej itok, E uak ir.” (Luk 17:20) Pharisee ro rar ri kijirãt ro an Jesus. Jesus ear ba bwe Pharisee ro, me rar jelã mon, reban deloñe Ailiñ eo an Anij. (Matu 23:13) Kiõ elañe Pharisee ro rar jab deloñ ilo Ailiñ eo an Anij, Ailiñ eo emaroñ ke bed ilo burueir? Jaab! Inem, ta kar melelen nan ko an Jesus?
Ilo air ukõte nan kein an Jesus, juõn oran ukok ko kin Bible eo rej kajerbal ejja nan kein kar loe ilo New World Translation (Ukok in Lal eo Ekãl kin Jeje ko Rekwojarjar). Jet rej ba bwe Ailiñ eo ej ‘bed ibwiljimi’ ak bed “iolapemi.” Ewi wãwen Ailiñ eo an Anij ear bed ibwiljin armij ro ilo ien eo, ekoba Pharisee ro? Eokwe, Jesus ej eo me Jehovah Anij ear kãlete bwe en King in Ailiñ eo. Einwõt King eo emwij Kãlete, Jesus ear bed ilo iolapen armij ro. Ear katakin kin Ailiñ in Anij im bareinwõt kõmman menin bwilõñ ko, ñan lelok ñan ir juõn kamelele ilo tukadu kin ta eo Ailiñ eo enaj kar kõtõbrake. Kin men in, ilo mol, Ailiñ eo ear bed iolapen armij ro.
Alikar, ejelok eon ko ilo Bible rej rejetake tõmak in bwe Ailiñ in Anij ej bed ilo buruen armij ro. Jen men in, ej juõn mol in kien, kien eo me enaj bõktok mol in oktak ko ion lal in, einwõt an kar ri kanan ro kar kanan kake.—Aiseia 9:6, 7; Daniel 2:44.