KAJJITÕK 5
Ta men eo el̦ap an Baibõl̦ kõnnaan kake?
“Inaaj likũt kõjdat ikõtaam̦ im kõrã eo, im ikõtaan ineem̦ im ineen; enaaj ko̦kkure bõram̦, a kwõnaaj ko̦kkure jim̦win neen.”
Jenesis 3:15
“Ilo ineem̦ riaelõñ otemjej ilal̦ renaaj jeraam̦m̦an, bwe kwaar pokake ainikiõ.”
Jenesis 22:18
“En itok Am̦ aelõñ. Ren kõm̦anm̦an ankilaam̦ ãinwõt ilañ, bareinwõt ioon lal̦.”
“Innem Anij, eo ad unin aenõm̦m̦an, enaaj m̦õkaj an juuri Setan kõn lo̦piden neemi.”
Rom 16:20, UBS
“Ñe em̦õj likũt men otemjej ium̦win kajoor an Kũraij, innem e make, Nejin, enaaj likũt e make ium̦win Anij, eo ear likũt men otemjej ium̦win neen; innem Anij wõt enaaj irooj ioon men otemjej.”
1 Korint 15:28, UBS
“Innem, Anij ear kõm̦m̦ane kallim̦ur ko an ippãn Ebream im ippãn eo ineen . . . , eo ej Kũraij. El̦aññe kom̦ij doon Kũraij, innem kom̦ij armej ro ineen Ebream.”
Galetia 3:16, 29, UBS
“Aelõñ an lal̦ em̦õj an erom aelõñ an am Irooj, im an Kũraij eo An, im Enaaj Kiiñ indeeo im indeeo!”
“Im rar jol̦o̦k tũrãikõn eo el̦ap, jedpãnit erũtto, n̦aetan Tepil̦ im Setan, eo ej m̦on̦e aolepen lal̦, em̦õj jol̦o̦ke ñan lal̦, im em̦õj jol̦o̦k enjel̦ ro an n̦a ippãn.”
“Ear jibwe tũrãikõn eo, jedpãnit in etto eo, eo ej Tepil̦, ak Setan, im ear lukwõje ium̦win juon to̦ujin iiõ.”
Revelesõn 20:2, UBS