KATAK KO RAORÕK JÃN NAANIN ANIJ | JEREMAIA 51-52
Naan ko Otemjej An Jeova rej Jejjet Kũtieer
Ear jejjet im m̦ool an Jeova kwal̦o̦k ta ko renaaj kar wal̦o̦k
“Kõjjatõltõli m̦ade ko”
51:11, 28
RiMidia im RiPõrsia ro rar lukkuun jel̦a kilen lippo̦n̦ innem eñin kein tarin̦ae eo el̦ap aer kar kõjerbale. Rar kõjjatõltõli ak jeme m̦ade ko aer bwe ren kajju lõlõ
“Ro rekajoor an Babil̦on rar bõjrak jãn aer tarin̦ae”
51:30
Jeje in bwebwenato ko an Nabonidus rej ba: “jarin tarin̦ae eo an Sairõs ear jab aikuj tarin̦ae ñan aer maroñ del̦o̦ñe Babil̦on.” Mel̦el̦ein bwe ejjel̦o̦k men en̦ ear kapañe aer del̦o̦ñ im nitbwili jikin in, innem ear jejjet kanaan eo an Jeremaia
‘Babil̦on enaaj erom ejojin dekã im enaaj jeepepl̦o̦k ñan indeeo’
51:37, 62
Ilo jinoin iiõ eo 539 M̦okta jãn Kũraij, ear dikl̦o̦k an Babil̦on buñbuñ. Alexander eo El̦ap ear kõn̦aan kõm̦m̦an bwe Babil̦on en kiãptõl eo an, ak ear jidimkij an mej. Ilo jinoin kar iien ko an Kũrjin ro, ear wõr wõt kumi in RiJu ro rar pãd ijin, innem eñin unin rijjilõk Piter ear lol̦o̦k Babil̦on. Bõtab ilo kar iiõ ko 300 jim̦a, jikin in ear jeepepl̦o̦k im jako