Katak 5
Ta Karõk eo an Anij kin Lõl in?
Etke Jehovah ear kõmõnmõn lõl in? (1, 2)
Etke lõl in ejjab juõn paradise kiõ? (3)
Ta eo enaj walok ñõn armij ro renana? (4)
Ilo ran ko renaj itok, ta eo Jesus enaj kõmmõne kin ro renañinmij? ritto ro? ro remij? (5, 6)
Ñõn bõk jerammõn kein rej bed imad, ta eo kwoj aikwij kõmmõne? (7)
1. Jehovah ear kõmõnmõn lõl in bwe armij ro ren mour indio ilo mõnõnõ ion. Ear kõnan bwe armij ro rewãnik, im mõnõnõ ren jokwe ion lõl in ilo ien otemjej. (Psalm 115:16; Isaiah 45:18) Lõl in ejamin jako; enaj bed ñõn indio.—Psalm 104:5; Ecclesiastes 1:4.
2. Mokta jen an kar Anij kõmõnmõn armij, Ear kãlet juõn mõttan lõl edik im kõmmõn juõn paradise eaibujuij. Ear naetan jikin kallip in Eden. Kar ijin ear likit maan im kõrã eo moktata, Adam im Eve. Anij ear karõk bwe ren neje im kobrak lõl. Jidik kin jidik rar maroñ ukõt aolepen lõl in bwe en juõn paradise.—Genesis 1:28; 2:8, 15.
3. Adam im Eve rar jerawiwi ilo air kokkure kien eo an Anij ilo jelã kake. Inem Jehovah ear kadioj ir jen jikin kallip in Eden. Paradise eo ear jako. (Genesis 3:1-6, 23) Ak Jehovah ear jab meloklok karõk eo an kin lõl in. Ej kallimur bwe enaj ukõte ñõn juõn paradise, ijo armij ro remaroñ mour ie ñõn indio. Ewi wãwen enaj kõmmõn men in?—Psalm 37:29.
4. Mokta jen an lõl in maroñ erom juõn paradise, armij ro renana rej aikwij jako. (Psalm 37:38) Men in enaj walok ilo Armageddon, ñe tarinae in an Anij enaj kajemlok nana. Jeltokin, enaj kalbuj Satan iumin 1,000 yiõ ko. Melelen men in bwe enaj ejelok jabdewõt ri nana ñõn kokkure lõl in. Armij ro an Anij wõt renaj rõlok.—Revelation 16:14, 16; 20:1-3.
5. Inem Jesus Christ enaj iroij einwõt King ion lõl in iumin 1,000 yiõ ko. (Revelation 20:6) Jidik kin jidik enaj jolok jerawiwi jen lemnak ko ad im enbwiner. Jenaj wãppen einwõt kar Adam im Eve mokta jen air jerawiwi. Inem enaj ejelok bar mij, rittolok, im mij. Ro renañinmij renaj ejmour, im ro reritto renaj einwõt jodikdik.—Job 33:25; Isaiah 33:24; Revelation 21:3, 4.
6. Ilo ien Iroij eo an Jesus iumin Juõn Thousand Yiõ ko, ro retiljek renaj jerbal ñõn ukõt aolepen lõl in bwe en juõn paradise. (Luke 23:43) Bareinwõt, elõñ million ro remij renaj jerkakbiji im mour einwõt armij ro ion lõl. (Jerbal 24:15) Elañe renaj kõmmõn men ko Anij ekõnan bwe ren kõmmõni renaj mour ion lõl ñõn indio. Elañe jaab, inem naj kokkure ir ñõn indio.—John 5:28, 29; Revelation 20:11-15.
7. Karõk eo moktata an Anij kin lõl in enaj jejjet kitien. Kwoj kõnan ke bõk jerammõn kein rej bed imad? Elañe aet, kwoj aikwij wõnmanlok im katak kin Jehovah im bokake kien ko an. Bed ilo kwelok ko ilo Kingdom Hall eo an Ri Kennan ro an Jehovah enaj jibañ yuk bwe kwon kõmmõn men in.—Isaiah 11:9; Hebrew 10:24, 25.
[Pija eo ilo peij 10]
Paradise eo ejako
[Pija ko ilo peij 11]
Elikin Armageddon, lõl in enaj erom juõn paradise