Kwalok Yokwe ñõn ro rej Aikwij
CHRISTIAN ro ewor air eddo im jerammõn jimor ñõn kwalok yokwe ñõn maan im kõra ro jeiir im jatiir rej bed ilo aikwij. (1 John 3:17, 18) Ri jilek Paul ear je: “Jen jerbale emõn ñõn armij otemjej, im elaplok ñõn ro rej ber ilo nukin tõmak.” (Galetia 6:10) Juõn jimjen jimjatin maan eo ear karejar ñõn Jehovah iumin enañin eñoul yiõ ko ilo ien kein ear lo yokwe in jimjen jimjatin eo an Christian ilo ien eo ear nañinmij kõra eo ibben im tokelik ke ear mij. Ej jeje:
“Jen ien eo ke iar lale kõra eo ibba ilo ien eo ej nañinmij, iar jab maroñ jerbal ilo jikin jerbal eo enañin ruo alliñ. Kar juõn menin jibañ iõ ke ro jera ilo congregation eo rar mõnõnõ in iten jibañ kimro! Elõñ menin jibañ ko rar litok ikijen money—‘ñõn jibañ kõllã expense ko,’ einwõt an card ko rar itok ibben kar kwaloke—kõllã kadikdiklok eo kajjojo alliñ ikijen muri eo an mweo, jarom, den, im expense ko jet.
“Ruo week ko moktalok jen an kõra eo ibba mij, circuit overseer eo am ear itok im kõmmõn juõn lotok in kakajur. Ear kwalok slide ko congregation eo enaj kar lali ilo jemlok in week eo. Kim ar maroñ roñjake kwelok ko ilo telephone—ekoba kwelok ko ñõn jerbal in kwalok nan me circuit overseer eo ej kõmmõni. Ilo juõn ian kwelok kein, ear ba ñõn aolep ro rej bed ñõn kwalok nan bwe ren ba ‘yokwe,’ ñõn kõra eo ibba. Kin menin, meñe ear ettolok jen ir ilo enbwin, a ear jab eñjake an make ian.
“Iloan wõt juõn awa elikin an mij, enañin aolep elder ro in congregation eo rar bed ilo mweo imõ. Elõñlok jen jibuki jimjen jimjatin maan im kõra rar bõjrak tok imweo ilo baj ran eo wõt. Ion table eo ear obrak kin mõñã ko jimjen jimjatin ro rar joij im bõkitok im rar bwe ñõn aolep ro rar bed ilo ien eo ñõn air mõñã. Ijjab maroñ bwine aolep menin letok ko, joij im yokwe, nan in kainemõn ko, im jar ko rar kwaloki kin tokjen eo ñõn iõ. Rar lukkun menin kakajuror iõ! Eliktata iar aikwij in kajitõk ibben ro jeiõ im jatiõ bwe ren bõjrak jen air jibañ kin mõñã im karreoik mweo!
“Bar ia elañe ejjab ilo dolul eo an Jehovah jej maroñ lo eñjake in joij rot in ejjab kibbon, lemnak kin ro jet, im yokwe? Elõñ wõt armij rainin remaroñ bwine ilo juõn pã oran ro rej lukkun jerair. Jehovah ear kajerammõn kij kin juõn family elap im jeded in jimjen jimjatin ro ilo jitõb maan im kõra!”—Mark 10:29, 30.