Al 97

Bõk Jimjera an Jehovah

(Psalm 15:1, 2)

1. Wõn eo, Jehovah Anij, naj bõk jimjera eo am?

Wõn eo naj deloñ ilo am ’mõn kabber im bed indio?

Eo ej karejar ’lo beran im erreo,

Aet, jen buru ej kennan im kõmmõn ko an rej lor mol.

Ñõn wõn, Jehovah Anij, jimjera eo am en ibben?

Wõn naj tellokin jokwe ilo tol eo am ekwojarjar?

Naj eo ej kainemõn ro jet ñe ej kennan im jab kõmmõn lõkatip.

(Chorus)

2. Wõn eo, Jehovah Anij, en jokwe ibbam ñõn indio?

Wõn eo en tellokin jeram, eo kwonaj ibben aolep ien?

En ibben eo emol, meñe en bõk iñtan,

Ej etetal ’lo jimwe kin yokwe, im kõnak mol ibben.

Jimjera am Jehovah, kimij kautiej menin.

Nan ko Am rej kalikar ta men ko kwoj watõki jen kim.

Kim naj aikwij ukwelok, mour ekkar ñõn kiõm bwe kwon Eo Jeram wõt.

(Chorus)

3. Ibbam, Jehovah Anij, kim naj kõnan bedwõt indio.

Am ainemõn ej ellã jen men otemjej, kab lemnak ko.

Ikijen Jesus Christ, kwar bar karol ñõn kim

Kabuñ eo am ej erreo. Im unin elõñ rej yokwe yuk.

Am Anij eutiej, kim naj kaorõk am bed ibbem

Am jimjera en jibañ kim bwe kimin mour im erreo wõt.

Kin juõn wõt buru emol, kim jutak im bin ilo tol am eutiej.

(CHORUS)

Jehovah, kimin jeram ñõn indio wõt.