KAJJITÕK 7
Ta ko Baibõl̦ ekar kanaan bwe renaaj wal̦o̦k ilo raan kein ad?
“Juon lal̦ enaaj tarin̦aeik bar juon lal̦, im aelõñ enaaj jum̦ae aelõñ . . . Men kein aolep rej ãinwõt eñtaan en̦ im̦aan keotak an juon kõrã.”
Matu 24:7, 8, UBS
“Enaaj kanooj in lõñ rũkanaan riab renaaj wal̦o̦ktok im m̦on̦e elõñ armej. Kõn an naaj l̦apl̦o̦k nana, enaaj m̦õl̦ol̦o̦k yokwe an elõñ armej.”
Matu 24:11, 12, UBS
“Kom̦win jab inepata ñe kom̦ij roñjake ainikien tarin̦ae ko repaak im ennaan kõn tarin̦ae ko rettol̦o̦k. Men kein rej aikuj wal̦o̦k, ijoke ejjab mel̦el̦eir bwe jem̦l̦o̦kin lal̦ in emoottok.”
Mark 13:7, UBS
“Enaaj l̦ap an lal̦ m̦akũtkũt, im ilo jet ãne ewõr ñũta, im nañinmej ko rel̦l̦ap; menin kaamijak ko, im kakõl̦l̦e ko rel̦l̦ap renaaj wal̦o̦k jãn lañ.”
“Ilo raan ko ãliktata, iien ko renana renaaj wal̦o̦ktok. Bwe armej ro renaaj yokwe er make, im renaaj riarõk m̦weiuk, im rijuwal̦õñl̦õñ, im rũkajjirere, im ro rej kipiliia ñan jemãer im jineer, im ro rejjab kam̦m̦oolol, im rinana, im ro rejjab yokwe ro nukwier, im ro relãj, im ro rej kõnnaan naanin riab, ro rejjab kõmmaanwa, rawiia, ro rej dike em̦m̦an, ro rũketak, ro rej kõm̦m̦an jet men m̦okta jãn aer l̦õmn̦ak kake, ro rũkõmmejãje, im ro rej yokwe menin kabuñbũrueer el̦ap jãn aer yokwe Anij, ro rej ãinwõt rõm̦wilin kwõjarjar, ak rej kaarmejjete kajoor eo an.”