“Jab Kadrebijik Kom ilo Jõkkar”

ÑE KWOJ kalimjek pija in, men in mour kein camel im ox eo rejjab mõnõnõ in jerbal ibben don. Ine eo rej ineke​—⁠eo ej ekkar ñan ruo men in mour ko rej joñair wõt juõn ilo kajur im kilepen​—ej kaeñtan men in mour kein. Kin an inebata kin wãwen mour eo an men in mour kein rej kajerbali, Anij ear jiroñ Ri Israel ro: Jab tiblõl kin juõn ox im juõn ass iben dron.” (Duteronomi 22:10) Ejja kien in wõt ej jerbal ñan juõn ox im juõn camel.

Ekkã an juõn ri kallip jab kabañ men in mour ko an. Ak elañe ear ejelok ruo ox ibben, emaroñ kobaik ruo men in mour ko ibben don. Bõlen, eñin wãwen eo ri kallip eo ilo ebeben eo kein ka 19 ilo pija in ear kõmmane. Kinke men in mour kein rar kajju wãwen jen don ilo joñan kilepen im kajurin, men in mour eo emõjno ear aikwij kate wõt bwe en etetal joñan wõt eo juõn, im eo ear kajurlok ear aikwij kalaplok an ineke ine eo.

Ri jilek Paul ear kajerbal wanjoñok eo kin juõn ine eo ejjab jokkin wõt juõn ñan katakin kij kin juõn katak eaorõk. “Jab kadrebijik kom ilo jakkar iben ro re jab tõmak,” ear jei. “Bwe yokwe õt iben wãnik im jabwanik? Ak kõmao õt an maram iben marok?” (2 Dri Korint 6:​14) Ewi wãwen an juõn Ri Christian maroñ eddeb ilo jõkkar?

Juõn wãwen enaj kar elañe juõn Ri Christian ear belele ibben juõn eo ejjab tõmak. Kain lukluk rot in enaj kabañ leo im lio jimor, kinke rejamin errã kin men ko relap belele eo airro rej bedbed ion.

Ke Jehovah ear kajutak mour in belele eo, ear lelok ñan lio jerbal eo bwe en “rajitan” leo belen. (Jenesis 2:​18) Eindein, ikijen ri kanan eo Malachi, Anij ear jitõñlok ñan lio einwõt “mõttan.” (Malachi 2:​14, NW) Ri Kõmanman eo ad ekõnan bwe maan im kõrã ri belele ro ren jerbal ilo burukuk im ilo ejja ial eo wõt ilo jitõb, im rej jimor inek eddo ko im madmõde tokjen ko remõn.

Ilo an mare “ilo Iroij wõt,” juõn Ri Christian ej kautiej nan in kakabilek eo an Jemeduij ilañ. (1 Dri Korint 7:​39) Ej likit juõn bedbedin belele eo eburukuk, eo emaroñ nebar im kautiej Anij ñe leo im lio jimor rej karejar ñan e einwõt ‘rajitan ro remol ilo inene’ ilo juõn wãwen ejej uan.​—Dri Pilippai 4:3.

[Etan eo ear kõmman pija ilo peij 32]

Camel im ox: Jen book eo La Tierra Santa, Volume 1, 1830