KATAK 16
Wãween Am̦ L̦õmn̦ak im Kõnnaan En Em̦m̦an im Kõkajoor
Job 16:5
ILO TUKADU: En l̦ap wõt am̦ kwal̦o̦k kõn men ko renaaj kõm̦adm̦õde apañ ko im men ko remaroñ lujur armej ro.
KILEN AM̦ KÕM̦M̦ANE:
En em̦m̦an wãween am̦ l̦õmn̦ak kõn armej ro. Kwõn lõke im tõmak bwe rũttõmak ro jet m̦õttam̦ rekõn̦aan kabuñbũruon Jeova. Ñe kwõj aikuj lel̦o̦k naanin rõjañ ñan armej ro, m̦oktata nõbar er jãn bũruom̦ ilo iien ko repel̦l̦o̦k ñe kwõmaroñ.
En jab tarjen joñan am̦ kõnono kõn apañ im men ko rej kabũrom̦õj armej. Ejjel̦o̦k jorrããn ñe kwõj kõnono kõn apañ im men ko rej jelõt armej el̦aññe enaaj jipañ ñan kaalikkar juon mel̦el̦e. Bõtab aolepen katak eo ak men eo kwõj kõnono kake ej aikuj kõkajoor im kõketak.
Kõjerbal Naanin Anij. Kwal̦o̦k ta eo Jeova ear kõm̦m̦ane ñan armej ro ilo iien ko etto, kiiõ, im ilo naaj ilju im jekl̦aj. Kwõn kaperan armej ro im kõkajoorl̦o̦k kõjatdikdik eo aer.