Bok eo an Anij​—Juon Bok Eaorõk

1. Ewõr juon bok me ej make wõt aorõk,

Eo ej letok lañlõñ im aenõm̦m̦an.

Naan ko ie rekajoor im rej jerbal;

Rej jipañ kõj ñan lo juon mour em̦m̦an.

Bok in ej Baibõl̦ eo, bok eo an Anij.

Ikijjeen jetõb kwõjarjar eo an,

Ear kõm̦akũt jet em̦m̦aan ro ñan jeje,

Rar yokwe e im kõm̦m̦an ankilaan.

2. Rar kwal̦o̦k kõn menin kõm̦anm̦an ko an,

Im kõn wãween an kar lal̦ in wal̦o̦k.

Rar bar kwal̦o̦k kõn an kar armej weeppãn,

Lal̦ ear juon pedetaij, ak ear jem̦l̦o̦k.

Ewõr juon enjel̦ ear jum̦aik Jeova

Im ear wal̦o̦k jerawiwi im mej,

Bõtab Anij ej kallim̦ur bwe enaaj

Jol̦o̦k eñtaan im nana otemjej.

3. Jej reim̦aanl̦o̦k ñan juon ’ien ekalañlõñ

Ñe Nejin Anij ej kiiñ im tõl kõj.

Kiiõ jej kwal̦o̦k naan kõn Aelõñ eo an

Im reim̦aanl̦o̦k ñan bõk ad ãjinkõj.

Jej lo men kein jãn ad riiti Naan ko an;

Ej juon jeraam̦m̦an el̦ap ñan kõj wõj.

Juon bok el̦ap an aorõk ñan ad riiti;

Ej jipañ kõj im letok anemkwõj.