Kajitõk ko ñõn katak Aõ Buk in Bwebwenato Ko Jen Baibel

Katak 1

Anij E Jino Kõmõn Men Ko

1. Menko remõn otemjej r’ar itok jen ia, im kwomaroñ ke kwalok juõn wanjoñok?

2. Ta men eo moktata Anij e ar kõmõnmõne?

3. Etke enjel eo moktata kar juõn enjel ejej uan?

4. Kamelele kin kar ewi wãwen lõl in ilo jinoin. (Lale pija eo.)

5. Ewi wãwen an kar Anij jino keboje lõl in ñõn men in mour ko im armij ro?

Kajitõk ko jet:

1. Konono Jeremiah 10:12, “New World Translation.”

   Ta kadkad ko kadkadin Anij men in kõmõnmõn ko an rej kalikari? (Ais. 40:26; Rom 11:33)

2. Konono Dri Kolosse 1:15-17.

   Kar ta jerbal eo an Jisõs ilo ien kõmõnmõn eo, im ewi wãwen men in en jelet lemnak eo ad kin e? (Kol. 1:15-17)

3. Konono Jenesis 1:1-10.

   1. Kar ta jinoin lõl in? (Jen. 1:1)

   2. Ta eo e ar walok ilo ran in kõmõnmõn eo kein kajuõn? (Jen. 1:3-5)

   3. Kamelele kin ta eo e ar walok ilo ran in kõmõnmõn eo kein karuo. (Jen. 1:7, 8)

Katak 2

Juõn Jikin Kallip E Aibujuij

1. Ewi wãwen an kar Anij keboje lõl in bwe en jikin jokwe eo ad?

2. Kamelele kin elõñ kain men in mour ko Anij e ar kõmõnmõni. (Lale pija eo.)

3. Etke jikin kallip in Iden kar juõn jikin einjuõn?

4. Anij e ar kõnan bwe aolepen lõl in en erom ta?

Kajitõk ko jet:

1. Konono Jenesis 1:11-25.

   1. Ta eo Anij e ar kõmõnmõne ilo ran in kõmõnmõn eo kein kajilu? (Jen. 1:12)

   2. Ta eo e ar walok ilo ran in kõmõnmõn eo kein kemen? (Jen. 1:16)

   3. Kain men in mour rot ko Anij e ar kõmõnmõni ilo ran in kõmõnmõn eo kein kalalem im kajiljino? (Jen. 1:20, 21, 25)

2. Konono Jenesis 2:8, 9.

   Ta wijki ko ruo ejejuair Anij e ar kalbwini ilo jikin kallip eo, im ta eo rej kõkkar kaki?

Katak 3

Man Im Kõra Eo Moktata

1. Ewi wãwen an pija eo ilo Katak 3 einjuõn jen pija eo ilo Katak 2?

2. Wõn eo e ar kõmõnmõne maan eo moktata, im kar etan emaan in?

3. Ta jerbal eo Anij e ar lelok ñõn Adam bwe en kõmõne?

4. Etke Anij e ar kõmman bwe Adam en ettoñ?

5. Ewi toan an Adam im Iv maroñ kar mour, im ta jerbal eo Jeova e ar kõnan bwe ren kõmõne?

Kajitõk ko jet:

1. Konono Sam 83:18.

   Ta ãt eo etan Anij, im ta jerbal eo an ejejuan? (Jer. 16:21, NW; Dan. 4:17, NW)

2. Konono Jenesis 1:26-31.

   1. Ta jemlok eo e ar walok ilo ran eo kein kajiljino in ran in kõmõnmõn eo an Anij, im ewi wãwen men in kõmõnmõn in e ar einjuõn jen men in mour ko? (Jen. 1:26)

   2. Ta men in letok eo Jeova e ar kõmõne ñõn armij im men in mour ko jimor? (Jen. 1:30)

3. Konono Jenesis 2:7-25.

   1. Jerbal eo an Adam ñõn likit ãt ko etan men in mour ko e ar kitibuj ta? (Jen. 2:19)

   2. Ewi wãwen an Jenesis 2:24 jibañ kij ñõn melele kin ta lemnak eo an Jeova kin mare, jenolok jen don, im jebel? (Matu 19:4-6, 9)

Katak 4

Unin Airro Kar Luji Jo Jikiir

1. Ilo pija eo, ta eo ej walok ñõn Adam im Iv?

2. Etke Jeova e ar kajeik ir?

3. Ta eo serpent eo e ar jiroñ Iv?

4. Wõn eo e ar kamakit serpent eo bwe en konono ibben Iv?

5. Etke Adam im Iv r’ar luji Paredais eo jikin jokwe eo air?

Kajitõk ko jet:

1. Konono Jenesis 2:16, 17 im 3:1-13, 24.

   1. Ewi wãwen kajitõk eo an serpent eo ñõn Iv e ar riap nae Jeova? (Jen. 3:1-5; 1 Jon 5:3)

   2. Ewi wãwen Iv kar juõn joñok in kakkõl ñõn kij? (Pil. 4:8; Jem. 1:14, 15; 1 Jon 2:16)

   3. Ilo wãwen et eo Adam im Iv r’ar likjap in bõk eddo eo kin menko r’ar kõmmani? (Jen. 3:12, 13)

   4. Ewi wãwen an kar kerub ko me r’ar jutak iturear in jikin kallip in Iden kautiej iroij eo an Jeova? (Jen. 3:24)

2. Konono Reveles̃õn 12:9.

   Kar ewi joñan tõbrak eo an Setan ilo an kamakit armij ñõn jumae iroij eo an Anij? (1 Jon 5:19)

Katak 5

Ejino Juõn Wãwen Mour E Bin

1. Kar ewi wãwen mour eo an Adam im Iv ilikin jikin kallip in Iden?

2. Ta eo e ar jino walok ñõn Adam im Iv, im etke?

3. Etke ajiri ro nejin Adam im Iv renaj kar rittolok im mij?

4. Elañe Adam im Iv r’ar bokake Jeova, mour eo air im ro nejiir enaj kar einwõt ta?

5. Ewi wãwen kiblia eo an Iv e ar kaeñtan e?

6. Kar ta ãt ko etan likao ro ruo moktata nejin Adam im Iv?

7. Kar wõn ajiri ro jet ilo pija eo?

Kajitõk ko jet:

1. Konono Jenesis 3:16-23 im 4:1, 2.

   1. Ewi wãwen an lia eo an ene eo kar jelet mour eo an Adam? (Jen. 3:17-19; Rom 8:20, 22)

   2. Etke ãt in Iv, melelen “Eo Ej Mour Wõt,” ej juõn ãt ekkar? (Jen. 3:20)

   3. Ewi wãwen an kar Jeova kwalok bwe e ar lemnak wõt kin Adam im Iv elikin air jerawiwi? (Jen. 3:7, 21)

2. Konono Reveles̃õn 21:3, 4.

   Ta ian “men ko mokta” kwoj kijoror in lo air joko ilo ran ko rej itok?

Katak 6

Juõn Likao Emõn, im Juõn Eo Enana

1. Ta jerbal ko an Kein im Ebel?

2. Ta men in lelok ko Kein im Ebel rej bõklok ñõn Jeova?

3. Etke Jeova e ar buñburuen kake men in lelok eo an Ebel, im etke ejjab ibben men in lelok eo an Kein?

4. Kar kain armij rot Kein, im ewi wãwen an kar Jeova kajimwe e?

5. Ta eo Kein ej kõmõne ke ej bed ibben jatin ilo melaj eo?

6. Kamelele kin ta eo e ar walok ñõn Kein elikin an kar mõne jatin.

Kajitõk ko jet:

1. Konono Jenesis 4:2-26.

   1. Ewi wãwen an kar Jeova kamelele kin kauwatata eo Kein e ar bed ie? (Jen. 4:7)

   2. Ewi wãwen an kar Kein kwalok kin ta eo e ar bed ilo buruen? (Jen. 4:9)

   3. Ta lemnak eo an Jeova kin katorlok bõtõktõk? (Jen. 4:10; Ais. 26:21)

2. Konono 1 Jon 3:11, 12.

   1. Etke Kein e ar illu, im ewi wãwen men in emaroñ juõn men in kakkõl ñõn kij rainin? (Jen. 4:4, 5. Ken. 14:30; 28:22)

   2. Ewi wãwen Baibel eo ej kwalok bwe meñe aolep ro uan family eo ad remaroñ jumae Jeova, jemaroñ debij wõt ad tiljek? (Sam 27:10; Matu 10:21, 22)

3. Konono Jon 11:25.

   Ta eo Jeova ej kallimur kake ñõn aolep ro rej mij kin wãnik? (Jon 5:24)

Katak 7

Juõn Eman E Beran

1. Ewi wãwen an kar Inõk einjuõn?

2. Etke armij ro ilo ran ko an Inõk r’ar kõmman elõñ menko renana?

3. Ta menko renana armij ro r’ar kõmmani? (Lale pija eo.)

4. Etke Inõk e ar aikwij beran?

5. Kar ewi aetokin mour eo an armij ro ilo ien eo, ak kar ewi aetokin mour eo an Inõk?

6. Ta eo e ar walok elikin an Inõk mij?

Kajitõk ko jet:

1. Konono Jenesis 5:21-24, 27.

   1. Kain kõtan rot eo e ar wõr ikõtan Inõk im Jeova? (Jen. 5:24)

   2. Ekkar ñõn Baibel eo, kar wõn armij eo erittotata, im kar ewi dettan ke e ar mij? (Jen. 5:27)

2. Konono Jenesis 6:5.

   Kar ewi joñan an nana wãwen ko ilo lõl elikin mij eo an Inõk, im ewi wãwen ad maroñ keidi men in ibben ran kein ad? (2 Tim. 3:13)

3. Konono Dri Hibru 11:5.

   Ta kadkad eo kadkadin Inõk e ar “kabuñburuen Anij,” im ta tokjen eo e ar walok? (Jen. 5:22)

4. Konono Jud 14, 15.

   Ewi wãwen an Dri Christian ro ilo ran kein maroñ kajeoñe beran eo an Inõk ñe jej kakkõl armij ro kin ien an tarinae in Armageddon ej itok? (2 Tim. 4:2; Hib. 13:6)

Katak 8

Ro Re Inea Ilo Lõl

1. Ta eo e ar walok ke jet ian enjel ro an Anij r’ar roñjake Setan?

2. Etke jet ian enjel ro r’ar kabõjrak air jerbal ilañ im wanlaltak ñõn lõl in?

3. Etke e ar jab juõn men ejimwe bwe enjel ro ren wanlaltak ñõn lõl im kõnak enbwinin armij?

4. Ta men eo e ar einjuõn ibben ajiri ro nejin enjel ro?

5. Ñe kwoj lale pija in, ta eo ajiri ro nejin enjel ro r’ar kõmõne ke r’ar erom dri inea ro?

6. Elikin Inõk, emaan ta eo emõn e ar mour ion lal, im etke e ar yokwe e?

Kajitõk ko jet:

1. Konono Jenesis 6:1-8.

   Ta eo Jenesis 6:6 ej kwalok kin ewi wãwen an mwilid maroñ jelet eñjake eo an Jeova? (Sam 78:40, 41; Ken. 27:11)

2. Konono Jud 6.

   Ewi wãwen an enjel ro me r’ar “jab kejbãrok air utiej” ilo ran eo an Noa maroñ einwõt juõn men in kakememej ñõn kij ilo ran kein? (1 Kor. 3:5-9; 2 Pit. 2:4, 9, 10)

Katak 9

Noa Ej Jek Juõn Wa

1. Jete ro uan family eo an Noa, im kar etan likao ro jilu nejin?

2. Ta men eo einjuõn Anij e ar kajitõkin Noa bwe en kõmõne, im etke?

3. Ewi wãwen an kar ro dri turin Noa emmakit ke e ar jiroñ ir kin wa eo?

4. Ta eo Anij e ar jiroñ Noa bwe en kõmõne ñõn men in mour ko?

5. Elikin Anij e ar kil wa eo, ta eo Noa im family eo an r’ar aikwij kõmõne?

Kajitõk ko jet:

1. Konono Jenesis 6:9-22.

   1. Ta eo e ar kõmman bwe Noa en juõn dri kabuñ eo elap an Anij eo emol? (Jen. 6:9, 22)

   2. Ewi lemnak eo an Jeova kin kowadoñ, im ewi wãwen an men in jelet wãwen ad kãlet men in kamõnõnõ ko? (Jen. 6:11, 12; Sam 11:5)

   3. Ewi wãwen ad maroñ kajeoñe Noa ñe jej bõk nan in jiroñ ko an Jeova? (Jen. 6:22; 1 Jon 5:3)

2. Konono Jenesis 7:1-9.

   Ewi wãwen mol eo bwe Jeova e ar watõk Noa eo ejjab wãppen einwõt juõn dri wãnik emaroñ rejañ kij ilo ran kein? (Jen. 7:1; Ken. 10:16; Ais. 26:7)

Katak 10

Ibij Liplip Eo

1. Etke ejelok armij emaroñ kar deloñ iloan wa eo elikin an kar jino wũt?

2. Iumin jete ran im boñ ko Jeova e ar kõmman bwe en ut im kar ewi joñan utiejen den ko?

3. Ta e ar walok ñõn wa eo ke den ko r’ar kalibubuik lal?

4. Dri inea ro r’ar ellã ke im mour jen Ibij liplip eo, im ta eo e ar walok ñõn ro jemen dri inea ro?

5. Ta eo e ar walok ñõn wa eo elikin lalem alliñ ko?

6. Etke Noa e ar kõtlok juõn bao raven jen wa eo?

7. Ewi wãwen an kar Noa jelã bwe den ko ion lõl r’ar meralok?

8. Ta eo Anij e ar ba ñõn Noa elikin e im family eo an bed iloan wa eo elõñlok jen juõn yiõ?

Kajitõk ko jet:

1. Konono Jenesis 7:10-24.

   1. Kar ewi joñan jorrãn eo e ar walok ñõn mour ion lal? (Jen. 7:23)

   2. Kar ewi toan ñõn an den ko jen Ibij liplip eo bããtlok? (Jen. 7:24)

2. Konono Jenesis 8:1-17.

   Ewi wãwen an Jenesis 8:17 kwalok bwe karõk eo jinointata an Jeova kin lõl in ejañin oktak? (Jen. 1:22)

3. Konono 1 Piter 3:19, 20.

   1. Ke enjel ro rej jumae r’ar jeblak ñõn lañ, ta ekajet eo r’ar bõke? (Jud 6)

   2. Ewi wãwen an bwebwenato eo kin Noa im family eo an kakajurlok tõmak eo ad kin maroñ eo an Jeova ñõn kanemkwoj armij ro an? (2 Pit. 2:9)

Katak 11

Iia Eo Moktata

1. Einwõt ilo pija eo, ta men eo moktata Noa e ar kõmõne elikin wõt an diojlok jen wa eo?

2. Ta kien eo Anij e ar lelok ñõn Noa im family eo an elikin Ibij liplip eo?

3. Ta kallimur eo Anij e ar kõmõne?

4. Ñe jej lo juõn iia, ej kakememej kij kin ta?

Kajitõk ko jet:

1. Konono Jenesis 8:18-22.

   1. Ilo ran kein ewi wãwen ad maroñ lelok juõn “bwin enno” ñõn Jeova? (Jen. 8:21; Hib. 13:15, 16)

   2. Ta eo Jeova e ar loe kin buruen armij, im ta nan in kakkõl eo jej aikwij bõke? (Jen. 8:21; Matu 15:18, 19)

2. Konono Jenesis 9:9-17.

   1. Ta bujen eo Jeova e ar kõmõne ibben armij otemjej? (Jen. 9:10, 11)

   2. Ewi toan an bujen iia eo naj bed im jerbal? (Jen. 9:16)

Katak 12

Armij Rekkal Juõn Imõn Bar E Utiej

1. Kar wõn Nimrod, im kar ewi lemnak eo an Anij kin e?

2. Ilo pija eo, etke armij ro r’ar kõmman birõk ko?

3. Etke Jeova e ar jab buñburuen kin jerbal in ekkal eo?

4. Ewi wãwen an kar Anij kabõjrak air kalek imõn bar eo?

5. Kar etan jikin kwelok eo, im kar ta melelen?

6. Ta eo e ar walok ñõn armij ro elikin an Anij bwokwoje kajin ko air?

Kajitõk ko jet:

1. Konono Jenesis 10:1, 8-10.

   Ta kadkad ko kadkadin Nimrod e ar kwaloki, im ta eo ej kakkõl kij kake? (Ken. 3:31)

2. Konono Jenesis 11:1-9.

   Ta unin air kar kalek imõn bar eo, im etke jerbal in e ar likjap jen jinoin? (Jen. 11:4; Ken. 16:18; Jon 5:44)

Katak 13

Ebream—Juõn Eo Jeran Anij

1. Kain armij rot ro r’ar jokwe ilo jikin kwelok in Ur?

2. Wõn emaan eo ilo pija eo, ñããt eo e ar lotak, im ia eo e ar jokwe ie?

3. Ta eo Anij e ar jiroñ Ebream bwe en kõmõne?

4. Etke kar naetan Ebream jeran Anij?

5. Wõn ro r’ar etal ibben Ebream ke e ar illok jen Ur?

6. Ta eo Anij e ar jiroñ Ebream ke e ar tõbar enen Kenean?

7. Ta eo Anij e ar kallimuri Ebream kake ke e ar 99 an yiõ?

Kajitõk ko jet:

1. Konono Jenesis 11:27-32.

   1. Teen Ebream ibben Lot? (Jen. 11:27)

   2. Meñe r’ar ba bwe Tira e ar kamakit family eo an ñõn Kenean, ewi wãwen ad jelã bwe ilo mol Ebream e ar kamakit ir, im etke e ar kõmman eindein? (Jen. 11:31; Jerbal 7:2-4)

2. Konono Jenesis 12:1-7.

   Ta wãwen eo elaplok Jeova e ar jerbale bujen Ebream ñõn e elikin an kar Ebream tõbar enen Kenean? (Jen. 12:7)

3. Konono Jenesis 17:1-8, 15-17.

   1. Ta oktak eo kin etan Abram e ar bõke ke e ar tõbar 99 an yiõ, im etke? (Jen. 17:5)

   2. Ta jerammõn ko kin ran ko tokelik Jeova e ar kallimure Sera kake? (Jen. 17:15, 16)

4. Konono Jenesis 18:9-19.

   1. Ilo Jenesis 18:19, ta eddo ko jemen ajiri ro rej aikwij ineki? (Dut. 6:6, 7; Ep. 6:4)

   2. Ta bwebwenato eo kin Sera ej kwalok bwe jejjab maroñ noje jabdewõt men jen Jeova? (Jen. 18:12, 15; Sam 44:21)

Katak 14

Anij Ej Melejoñ Tõmak An Ebream

1. Ta kallimur eo Anij e ar kallimuri Ebream kake, im ewi wãwen an kar Anij kajejjet kitien kallimur eo an?

2. Einwõt ilo pija eo, ewi wãwen Anij e ar melejoñe tõmak eo an Ebream?

3. Ta eo Ebream e ar kõmõne, meñe e ar jab kanuij melele kin unin kien eo an Anij?

4. Ta eo e ar walok ke Ebream e ar kwalok bakbõk eo ñõn mõn likao eo nejin?

5. Kar ewi joñan kajur in tõmak eo an Ebream kin Anij?

6. Ta eo Anij e ar lelok ñõn Ebream bwe en katok kake, im ewi wãwen?

Kajitõk ko jet:

1. Konono Jenesis 21:1-7.

   Etke Ebream e ar mwijit ladik eo nejin ilo ran eo kein ka ralitõk? (Jen. 17:10-12; 21:4)

2. Konono Jenesis 22:1-18.

   Ewi wãwen an kar Aisak e ar kõttãik e ñõn Ebream, eo Jemen, im ewi wãwen men in e ar kõkkar kin juõn men elaplok an aorõk im enaj walok ilo ran ko tokelik? (Jen. 22:7-9; 1 Kor. 5:7; Pil. 2:8, 9)

Katak 15

Lio Belen Lot E ar Reilik

1. Etke Ebream im Lot r’ar jebel jen don?

2. Etke Lot e ar kãlet in jokwe ilo Sodom?

3. Kar ewi wãwen mour eo an dri Sodom ro?

4. Ta nan in kakkõl eo enjel ro ruo r’ar lelok ñõn Lot?

5. Etke lio belen Lot e ar erom juõn jurõn salt?

6. Ta eo jemaroñ katak jen joñok eo an lio belen Lot?

Kajitõk ko jet:

1. Konono Jenesis 13:5-13.

   Ikijen kamadmõde abañ ko ikõtan armij ro, ta eo jemaroñ katak jen Ebream? (Jen. 13:8, 9; Rom 12:10; Pil. 2:3, 4)

2. Konono Jenesis 18:20-33.

   Ewi wãwen makitkit ko an Jeova ibben Ebream rej kabin tõmak eo ad bwe Jeova im Jisõs renaj ekajet ilo jimwe. (Jen. 18:25, 26; Matu 25:31-33)

3. Konono Jenesis 19:1-29.

   1. Ta eo bwebwenato in Baibel ej kwalok ikijen lemnak eo an Anij ñe juõn emaan ej babu ibben juõn emaan? (Jen. 19:5, 13; Liv. 20:13)

   2. Ta oktak ko jej loi ilo wãwen ko Lot im Ebream r’ar uake nan in jiroñ eo an Anij, im ta eo jemaroñ katak jen men in? (Jen. 19:15, 16, 19, 20; 22:3)

4. Konono Luk 17:28-32.

   Kar ta buruen lio belen Lot kin mweiuk ko, im ewi wãwen an men in maroñ einwõt juõn men in kakkõl ñõn kij? (Luk 12:15; 17:31, 32; Matu 6:19-21, 25)

5. Konono 2 Piter 2:6-8.

   Ilo kajeoñe Lot, en ewi lemnak eo ad kin lõl in enana ibelakid? (Ezek. 9:4, NW; 1 Jon 2:15-17)

Katak 16

Aisak E Bõk Juõn Belen Emõn

1. Wõn leo im lio ilo pija in?

2. Ta eo Ebream e ar kõmõne ñõn kabukõt lio belen nejin, im etke?

3. Ewi wãwen jar eo an leo dri karejaran Ebream kar uak?

4. Ta uak eo Rebeka e ar lelok ke r’ar kajitõkin e elañe e ar kõnan belek Aisak?

5. Ta eo e ar bar kamõnõnõik Aisak?

Kajitõk ko jet:

1. Konono Jenesis 24:1-67.

   1. Ta kadkad ko Rebeka ar kwalok ke e ar wõnmae dri karejaran Ebream iturin aebõjlõl eo? (Jen. 24:17-20; Ken. 31:17, 31)

   2. Karõk eo an Ebream kin Aisak ej letok wanjoñok et eo emõn ñõn Dri Christian ro ilo ran kein? (Jen. 24:37, 38; 1 Kor. 7:39; 2 Kor. 6:14)

   3. Etke jej aikwij bukõt ien ñõn kalmenlokjen, einwõt an kar Aisak kõmõne? (Jen. 24:63; Sam 77:12; Pil. 4:8)

Katak 17

Bo Ro Me R’ar Einjuõn Jen Dron

1. Kar wõn Iso im Jekob, im ewi wãwen r’ar einjuõn jen don?

2. Kar ewi dettan Iso im Jekob ke Ebream eo jimmairro ar mij?

3. Ta eo Iso e ar kõmõne im e ar kaburomõj jinen im jemen kake?

4. Etke Iso e ar lap an illu ibben Jekob, eo jatin?

5. Ta nan in jiroñ ko Aisak e ar lelok ñõn Jekob eo nejin?

Kajitõk ko jet:

1. Konono Jenesis 25:5-11, 20-34.

   1. Ta eo Jeova e ar kanan kake ikijen ajiri ro ruo nejin Rebeka? (Jen. 25:23)

   2. Kar ta oktak eo ikõtan lemnak eo an Iso im Jekob ikijen Manje eo? (Jen. 25:31-34)

2. Konono Jenesis 26:34, 35; 27:1-46; im 28:1-5.

   1. Ewi wãwen an kar Iso kalikar bwe e ar jab kamolol kin menko lor jitõb? (Jen. 26:34, 35; 27:46)

   2. Ñan kõmman bwe Jekob en bõk jerammõn eo an Anij, ta eo Aisak e ar jiroñ e bwe en kõmõne? (Jen. 28:14)

3. Konono Dri Hibru 12:16, 17.

   Ta eo jej katak kake jen joñok eo an Iso ikijen men eo ej walok ñõn ro rej dike menko rekwojarjar?

Katak 18

Jekob Ej Ilok Ñõn Heran

1. Wõn jiroñ eo ilo pija eo, im ta eo Jekob e ar kõmõne ñõn e?

2. Ta eo Jekob e ar bojak in kõmõne ñõn mare Rejel?

3. Ta eo Leban e ar kõmõne ke emottok ien ñõn an Jekob belek Rejel?

4. Ta eo Jekob e ar errã in kõmõne ñõn bõk Rejel einwõt lio belen?

Kajitõk ko jet:

1. Konono Jenesis 29:1-30.

   1. Meñe Leban e ar mone e, ewi wãwen an kar Jekob kwalok e make einwõt juõn armij emol, im ta eo jemaroñ katak jen men in? (Jen. 25:27; 29:26-28; Matu 5:37)

   2. Ewi wãwen an joñok eo an Jekob kwalok oktak eo ikõtan yokwe eo ekkar im eo ejõkkar ak mijkaie? (Jen. 29:18, 20, 30; Al. 8:6)

   3. Wõn limaro emen r’ar erom ro uan family eo an Jekob im tokelik kar wõr nejiir? (Jen. 29:23, 24, 28, 29)

Katak 19

Juõn Famili Elap An Jekob

1. Kar ta ãt ko etan ladik ro jiljino nejin Jekob ro me Lia lio kein ka juõn e ar keotak ñõn e?

2. Likao et ro ruo Zilpa lio dri karejaran Lia e ar keotak ñõn Jekob?

3. Kar ta ãt ko etan ladik ro ruo nejin Bila leo dri karejaran Rejel eo e ar keotak ñõn Jekob?

4. Kar ta ãt ko etan ladik ro ruo nejin Rejel, ak ta eo e ar walok ke ladik eo kein karuo nejin e ar lotak?

5. Ekkar ñõn pija eo, jete ladik ro kar nejin Jekob, im ta eo e ar walok jen ir?

Kajitõk ko jet:

1. Konono Jenesis 29:32-35; 30:1-26; im 35:16-19.

   Einwõt emwij kalikar kake ibben ladik ro joñoul im ruo nejin Jekob, ewi wãwen air kar emakijkij in naetan ladik dri Hibru ro ilo ien etto?

2. Konono Jenesis 37:35.

   Meñe Baibel ej kwalok wõt kin Daina, ewi wãwen ad jelã bwe ebar wõr ledik ro nejin Jekob? (Jen. 37:34, 35)

Katak 20

Daina E Jorran

1. Etke Ebream im Aisak r’ar jab kõnan bwe ajiri ro nejiiro ren mareik armij ro jen enen Kenean?

2. Jekob e ar mõnõnõ ke kin an ledik ro nejin jimjeraik ledik in Kenean ro?

3. Wõn leo ej kalimjek Daina ilo pija eo, im ta men eo enana e ar kõmõne?

4. Ta eo Simion im Livai likao ro jein Daina r’ar kõmõne ke r’ar roñ kin ta eo e ar walok?

5. Jekob e ar errã ke ibben Simion im Livai kin men eo kar kõmõne?

6. Ewi wãwen an kar aolep abañ kein ilo family in jinoe?

Kajitõk ko jet:

1. Konono Jenesis 34:1-31.

   1. Kar juõn wõt alen ke Daina e ar kobalok ibben jiroñ ro nejin armij ro jen enen Kenean? Joij im kamelele. (Jen. 34:1)

   2. Etke Daina e ar aikwij bõk eddo eo kin an luji an erreo einwõt juõn virgin? (Gal. 6:7)

   3. Ewi wãwen jodikdik ro ran kein remaroñ kwalok bwe rej bõk ñõn burueir joñok in kakkõl in an Daina? (Ken. 13:20; 1 Kor. 15:33; 1 Jon 5:19)

Katak 21

Lõmaro Jein Josep Rej Kijirat E

1. Etke ro jein Josep r’ar junmade e, im ta eo r’ar kõmõne?

2. Ta eo ro jein Josep r’ar kõnan kõmman ñõn e, ak ta eo Ruben e ar ba?

3. Ta eo e ar walok ke Dri Ismeel dri wia ro r’ar itok?

4. Ta eo lõmaro jein Josep rej kõmõne ñõn kamakit Jemeir ñõn lemnak bwe Josep e ar mij?

Kajitõk ko jet:

1. Konono Jenesis 37:1-35.

   1. Ewi wãwen an Dri Christian ro maroñ anõk joñok eo an Josep ñe rej reporte bwid ko ilo congregation eo? (Jen. 37:2; Liv. 5:1; 1 Kor. 1:11)

   2. Ta eo e ar kamakit lõmaro jein Josep bwe ren kijirãte e? (Jen. 37:11, 18; Ken. 27:4; Jem. 3:14-16)

   3. Ta eo Jekob e ar kõmõne im eo ej mõttan mantin buromõj? (Jen. 37:35)

Katak 22

Josep Ej Ber Ilo Prisõn

1. Ewi dettan Josep ke r’ar ãñinlok ñõn Egypt, im ta eo ej walok ke ej tõbraklok ijo?

2. Etke Josep e ar bed ilo kalbuj?

3. Ta eddo eo r’ar lelok ñõn Josep ilo jikin kalbuj eo?

4. Ilo jikin kalbuj, ta eo Josep ej kõmõne ñõn dri ititõk eo im dri kõmat eo?

5. Ta eo ej walok elikin air kõtlok dri ititõk eo jen kalbuj?

Kajitõk ko jet:

1. Konono Jenesis 39:1-23.

   Meñe ekar ejelok kien jen Anij nae lũñ ilo ran eo an Josep, ta eo e ar kamakit e bwe en ko jen lio belen Potipar? (Jen. 2:24; 20:3; 39:9)

2. Konono Jenesis 40:1-23.

   1. Ilo tukaduin kamelele kin ettõnak eo an dri ititõk eo im ukok Jeova e ar lelok ñõn Josep. (Jen. 40:9-13)

   2. Kar ta ettõnak eo an dri kõmat eo, im kar ta melelen? (Jen. 40:16-19)

   3. Ewi wãwen an kar dri karejar eo etiljek im meletlet ilo ran kein kajeoñe lemnak eo an Josep? (Jen. 40:8; Sam 36:9; Jon 17:17; Jerbal 17:2, 3)

   4. Ewi wãwen an Jenesis 40:20 kalikar ta lemnak eo an Christian ikijen kwojkwoj in kemem ko? (Ekk. 7:1; Mark 6:21-28)

Katak 23

Tõnak Ko An Pero

1. Ta eo ej walok ñõn Pero juõn boñ?

2. Etke dri ititõk eo ej kab kememej kin Josep?

3. Einwõt an kar pija eo kwalok, ta ettõnak ko ruo an Pero?

4. Ta eo Josep ej ba kin ta melelen ettõnak ko?

5. Ewi wãwen an kar Josep erom emaan eo eaorõktata elikin Pero ilo Egypt?

6. Etke lõmaro jein Josep r’ar itok ñõn Egypt, im etke rejjab kile e?

7. Ta ettõnak eo Josep ej kememeje, im ta eo ej kamakit e bwe en melele kake?

Kajitõk ko jet:

1. Konono Jenesis 41:1-57.

   1. Ewi wãwen an kar Josep tel armij ro ñõn Jeova, im ilo wãwen et eo Dri Christian ro ran kein rej kajeoñe joñok eo an? (Jen. 41:16, 25, 28; Matu 5:16; 1 Pit. 2:12)

   2. Ewi wãwen yiõ ko remãttõk ilo Egypt im yiõ in ñitta ko elikin rej keidi ilo jejjet ibben wãwen ko ilo jitõb ibben armij ro an Jeova ilo ran kein ibben wãwen ko an Christendom? (Jen. 41:29, 30; Amos 8:11, 12, NW)

2. Konono Jenesis 42:1-8 im 50:20.

   Enana ke bwe dri kabuñ ro an Jeova ren badikdik iman juõn emaan ñõn kautiej maroñ eo an elañe ej juõn manit ekkar ñõn mantin ailiñ eo? (Jen. 42:6)

Katak 24

Josep Ej Melejoñ Lõmaro Jein

1. Etke Josep e ar naruin lõmaro jein einwõt dri iaroñroñ ro?

2. Etke Jekob ej kõtlok Benjamin, nejin eo ediktata, ñõn an etal ñõn Egypt?

3. Ewi wãwen an kar cup silver eo an Josep bed ilo ieb eo an Benjamin?

4. Ta eo Juda ekõnan lelok ñõn kanemkwoj Benjamin?

5. Ewi wãwen an kar lõmaro jein Josep einjuõn jen mokta?

Kajitõk ko jet:

1. Konono Jenesis 42:9-38.

   Ewi wãwen nan ko an Josep ilo Jenesis 42:18 ej juõn nan in kakememej emõn ñõn ro ewõr air eddo ko air ilo dolul eo an Jeova ilo ran kein? (Nih. 5:15; 2 Kor. 7:1, 2)

2. Konono Jenesis 43:1-34.

   1. Meñe Ruben kar manje, ewi wãwen ej alikar bwe Juda e ar dri konono eo ñõn aolep ro jein? (Jen. 43:3, 8, 9; 44:14, 18; 1 Kron. 5:2)

   2. Ewi wãwen an kar Josep melejoñe lõmaro jein Josep, im etke? (Jen. 43:33, 34)

3. Konono Jenesis 44:1-34.

   1. Einwõt ñõn noje wõn kar e iman mejen lõmaro jein, Josep e ar kalikar emake einwõt ta? (Jen. 44:5, 15; Liv. 19:26)

   2. Ewi wãwen an kar lõmaro jein Josep kwalok bwe jitõb in junmade eo air mokta e ar joko kiõ? (Jen. 44:13, 33, 34)

Katak 25

Famili Eo Ej Emõkit Nõn Ijipt

1. Ta eo e ar walok ke Josep ej kalikar ñõn lõmaro jein im jatin wõn e?

2. Ilo joij ta eo Josep ej kamelele kake ñõn lõmaro jein im jatin?

3. Ta eo Pero ej ba ke ej roñ kin lõmaro jein im jatin Josep?

4. Kar jete ro uan family eo an Josep ke r’ar emmakitlok ñõn Egypt?

5. Ta eo r’ar naetan family eo an Jekob, im etke?

Kajitõk ko jet:

1. Konono Jenesis 45:1-28.

   Ewi wãwen bwebwenato in Baibel eo kin Josep ej kwalok bwe Jeova emaroñ ukõt jorrãn ko rej buñõt ro dri karejaran ñõn juõn jerammõn ilo jemlokin? (Jen. 45:5-8; Ais. 8:10; Pil. 1:12-14)

2. Konono Jenesis 46:1-27.

   Ta kallimur eo Jeova e ar lelok ñõn Jekob ke ej etal ñõn Egypt? (Jen. 46:1-4, ftn.)

Katak 26

Job E Tiljek Ñõn Anij

1. Kar wõn Job?

2. Ta eo Setan e ar kajeoñ in kõmõne, ak e ar tõbrak ke?

3. Ta eo Jeova e ar kõtlok bwe Setan en kõmõne, im etke?

4. Etke lio belen Job e ar jiroñ e bwe en “karmijete Anij im mij”? (Lale pija eo.)

5. Einwõt am loe ilo pija eo kein karuo, ewi wãwen an kar Jeova kajerammõn Job, im etke?

6. Elañe jej tiljek ñõn Jeova, einwõt Job, ta jerammõn ko jenaj bõki?

Kajitõk ko jet:

1. Konono Job 1:1-22.

   Ewi wãwen an Dri Christian ro rainin maroñ kajeoñe Job? (Job 1:1; Pil. 2:15; 2 Pit. 3:14)

2. Konono Job 2:1-13.

   Ilo wãwen et ko ruo reinjuõn jen don Job im lio belen r’ar uake matõrtõr eo an Setan? (Job 2:9, 10; Ken. 19:3; Mic. 7:7; Mal. 3:14)

3. Konono Job 42:10-17.

   1. Ta menko eirlok wõt jemaroñ keidi ikõtan jinekjej ko Job e ar bõki im ko me Jisõs e ar bõki kin an mour ion lõl ilo tiljek? (Job 42:12; Pil. 2:9-11)

   2. Ewi wãwen jemaroñ bõk rejañ jen jerammõn ko an Job kin an tiljek wõt ñõn Anij? (Job 42:10, 12; Hib. 6:10; Jem. 1:2-4, 12; 5:11)

Katak 27

Juõn Kiñ E Nana Ej Iroij Ilo Ijipt

1. Ilo pija eo, wõn emaan eo ej jibwe kein deñdeñ eo, im wõn eo ej deñõte?

2. Elikin an kar Josep mij, ta eo e ar walok ñõn Dri Israel ro?

3. Etke Dri Egypt ro r’ar mijake Dri Israel ro?

4. Ta kien eo Pero e ar lelok ñõn limaro ro rekin jibañ kõrã in Israel ro ke r’ar keotak ajiri ro nejiir?

Kajitõk ko jet:

1. Konono Exodus 1:6-22.

   1. Ilo wãwen et eo Jeova e ar jino kajejjet kitien kallimur eo an ñõn Ebream? (Ex. 1:7; Jen. 12:2; Jerbal 7:17)

   2. Ewi wãwen an dri Hibru dri keit ro kautiej kwojarjar in mour eo? (Ex. 1:17; Jen. 9:6)

   3. Ewi wãwen dri keit ro r’ar lo jerammõn kin tiljek eo air ñõn Jeova? (Ex. 1:20, 21; Ken. 19:17)

   4. Ewi wãwen an kar Setan kajeoñ in kokkure karõk eo an Jeova ikijen Inen kallimur eo an Ebream? (Ex. 1:22; Matu 2:16)

Katak 28

Wãwen Kar Lomoren Niñniñ Eo Moses

1. Wõn niñniñ eo ilo pija eo, im ej jibwe addi pein wõn?

2. Ta eo jinen Moses e ar kõmõne ñõn lomoren e jen mij?

3. Wõn ledik eo ilo pija eo, im ta eo e ar kõmõne?

4. Ke lio nejin Pero e ar lo niñniñ eo, ta eo Miriam e ar jiroñ e?

5. Ta eo leroij eo e ar ba ñõn jinen Moses?

Kajitõk ko jet:

1. Konono Exodus 2:1-10.

   Ta ien eo emõn e ar bellok ñõn an jinen Moses katakin Moses ke e ar ajiri, im ta wanjoñok eo ej letok ñõn jemen im jinen ajiri ro ilo ran kein? (Ex. 2:9, 10; Dut. 6:6-9; Ken. 22:6; Ep. 6:4; 2 Tim. 3:15)

Katak 29

Unin An Kar Moses Ko

1. Ia eo Moses e ar rittolok ie, ak ta eo e ar jelã kake kin jemen im jinen?

2. Ta eo Moses e ar kõmõne ke e ar 40 an yiõ?

3. Ta eo Moses e ar ba ñõn juõn Dri Israel eo e ar ire, im ewi wãwen leo e ar uake?

4. Etke Moses e ar ko jen Egypt?

5. Moses e ar ko ñõn ia, im wõn eo e ar wõnmae ijo?

6. Ta eo Moses e ar kõmõne iomin 40 yiõ ko elikin an kar ko jen Egypt?

Kajitõk ko jet:

1. Konono Exodus 2:11-25.

   Meñe e ar jolok elõñ yiõ ko ñõn bõk meletlet jen ekkatak ko an Dri Egypt ro, ewi wãwen an kar Moses kwalok tiljek eo an ñõn Jeova im armij ro an? (Ex. 2:11, 12; Hib. 11:24)

2. Konono Jerbal 7:22-29.

   Ta eo jemaroñ katak kake jen an Moses atartar ion emake ñõn kanemkwoj Israel jen Egypt? (Jerbal 7:23-25; 1 Pit. 5:6, 10)

Katak 30

Wijki Eo Ej Urur

1. Ta ãt eo etan tol eo ilo pija eo?

2. Kalikar kin ta men in bwilõñ eo Moses e ar loe ke e ar etal ñõn tol eo ibben men in mour in sheep ko an.

3. Ta eo juõn ainikien e ar ba jen wijki eo eurur, im kar ainikien wõn eo?

4. Ewi wãwen an kar Moses uak ke Anij e ar jiroñ e bwe enaj tel armij ro an Anij jen Egypt?

5. Ta eo Anij e ar jiroñ Moses bwe en ba elañe armij ro r’ar kajitõkin e kin wõn eo e ar jilkintok e?

6. Ewi wãwen an kar Moses kamol bwe Anij e ar jilkintok e?

Kajitõk ko jet:

1. Konono Exodus 3:1-22.

   Ewi wãwen bwebwenato eo kin Moses ej kaberan kij ñõn jelã bwe meñe jej eñjake bwe jejjab maroñ kajejjet kitien jerbal eo ad, Jeova enaj jurake kij? (Ex. 3:11, 13; 2 Kor. 3:5, 6)

2. Konono Exodus 4:1-20.

   1. Ta oktak eo ilo lemnak eo an Moses e ar walok iomin 40 yiõ ko e ar bed ilo Midian, im ta eo ro rej jibadõk jerammõn ko an congregation eo remaroñ katak jen men in? (Ex. 2:11, 12; 4:10, 13; Mic. 6:8, NW; 1 Tim. 3:1, 6, 10)

   2. Meñe Jeova ej kajeik kij ikijen dolul eo an, joñok eo an Moses ej kaberan kij ñõn ta? (Ex. 4:12-14; Sam 103:14; Hib. 12:4-11)

Katak 31

Moses Im Aron Rej Iion Pero

1. Ewi wãwen an men in bwilõñ ko Moses im Aron r’ar kõmõni jelet Dri Israel ro?

2. Ta eo Moses in Aron r’ar jiroñ Pero, im ewi wãwen an kar Pero uak?

3. Einwõt ilo pija eo, ta eo e ar walok ke Aron e ar jolallok alal eo an?

4. Ewi wãwen an kar Jeova katakin Pero, im ewi wãwen an kar Pero uak?

5. Ta eo e ar walok elikin men in kaeñtan eo kein kajoñoul?

Kajitõk ko jet:

1. Konono Exodus 4:27-31 im 5:1-23.

   Kar ta melelen nan ko an Pero ke e ar ba: “Wõn Jeova bwe In eoroñ ainiken im kõtlok dri Israel? I jaje Jeova, im bareinwõt I jamin kõtlok Israel”? (Ex. 5:2; 1 Sam. 2:12; Rom. 1:21)

2. Konono Exodus 6:1-13, 26-30.

   1. Ilo wãwen et eo Jeova e ar jab kwalok emake ñõn Abream, Aisak, im Jekob? (Ex. 3:13, 14; 6:3; Jen. 12:8)

   2. Ewi lemnõk eo ad ñe jej jelã bwe Jeova e ar kajerbale wõt Moses, meñe Moses e ar lemnõk bwe kar ejelok an maroñ ñõn kõmõn jerbal eo Anij e ar lelok ñõn e? (Ex. 6:12, 30; Luk 21:13-15)

3. Konono Exodus 7:1-13.

   1. Ke Moses im Aron r’ar beran in kwalok nan in ekajet ko ñõn Pero, ta wanjoñok eo r’ar likit ro dri karejaran Anij ran kein? (Ex. 7:2, 3, 6; Jerbal 4:29-31)

   2. Ewi wãwen an kar Jeova kwalok utiej eo an ilañin anij ko an Ijipt? (Ex. 7:12; 1 Kron. 29:12)

Katak 32

Men In Kaiñtan Ko 10

1. Ilo kajerbale pija ko ijin, kwon kamelele kin men in kaeñtan ko jilu itujinoin Jeova e ar bõktok ion Ijipt.

2. Kar ta oktak eo ikõtan men in kaeñtan ko jilu itujinoin jen men in kaeñtan ko jet?

3. Kar ta men in kaeñtan eo kein k’emen, kalalem, im kajiljino?

4. Kamelele kin men in kaeñtan eo kein kajiljilimjuõn, karalitok, im karatimjuõn.

5. Ta eo Jeova e ar jiroñ Dri Israel ro bwe ren kõmõne mokta jen men in kaeñtan eo kein kajoñoul?

6. Kar ta men in kaeñtan eo kein kajoñoul, im ta eo e ar walok elikin?

Kajitõk ko jet:

1. Konono Exodus 7:19–8:23.

   1. Meñe priest ro an Ijipt r’ar anõk men in kaeñtan ko ruo moktata an Jeova, ta eo r’ar aikwij kile kake kin men in kaeñtan eo kein kajilu? (Ex. 8:18, 19; Matu 12:24-28)

   2. Ewi wãwen an kar men in kaeñtan eo kein k’emen kalikare maroñ eo an Jeova ñõn kejbãrok armij ro an, im ilo air jelã kin men in ewi wãwen an armij ro an Anij lemnõk ñe rej jelmae “eñtan eo elap” eo emwij kanan kake? (Ex. 8:22, 23; Rev. 7:13, 14; 2 Kron. 16:9)

2. Konono Exodus 8:24; 9:3, 6, 10, 11, 14, 16, 23-25; im 10:13-15, 21-23.

   1. Ta kumi ko ruo Men in Kaeñtan ko Joñoul r’ar kajerwawaiki, im ewi wãwen an men in jelet lemnõk eo ad kin kumi kein ruo ilo ran kein? (Ex. 8:10, 18, 19; 9:14)

   2. Ewi wãwen an Exodus 9:16 jibañ kij melele kin etke Jeova ej kõtlok Setan bwe en bed ñõn kiõ? (Rom. 9:21, 22)

3. Konono Exodus 12:21-32.

   Ewi wãwen kwojkwoj in Kijone e ar kabellok ial in lomor eo ñõn elõñ armij, im Kijone eo e ar jitõñlok ñõn ta? (Ex. 12:21-23; Jon 1:29; Rom. 5:18, 19, 21; 1 Kor. 5:7)

Katak 33

Ellã Jen Lomalo Ekilmir

1. Jete Dri Israel lõmaro, koba limaro, im ajiri ro, r’ar ilok jen Ijipt, im bar wõn ro r’ar ilok ibbeir?

2. Kar ewi lemnõk eo an Pero elikin an kõtlok Dri Israel ro, im ta eo e ar kõmõne?

3. Ta eo Jeova e ar kõmõne ñõn bõpraek Dri Ijipt ro jen air jumae armij ro an?

4. Ta eo e ar walok ke Moses e ar erlokwe jokwon eo an ion Lomalo Ekilmir, im ta eo Dri Israel ro r’ar kõmõne?

5. Ta eo e ar walok ke Dri Ijipt ro r’ar ettõrlok ibulen lomalo eo im kõple Dri Israel ro?

6. Ewi wãwen an kar Dri Israel ro kalikar air mõnõnõ im kamolol ñõn Jeova kin air lomor?

Kajitõk ko jet:

1. Konono Exodus 12:33-36.

   Ewi wãwen Jeova e ar kõmõn bwe ren nawõnãn armij ro an kin aolep yiõ ko r’ar dri kamakoko ñõn Dri Ijipt ro? (Ex. 3:21, 22; 12:35, 36)

2. Konono Exodus 14:1-31.

   Ewi wãwen an nan ko an Moses ilo Exodus 14:13, 14 jelet ro dri karejaran Jeova ran kein ñe rej wõnmae tarinae in Armageddon eo ej itok? (2 Kron. 20:17; Sam. 91:8)

3. Konono Exodus 15:1-8, 20, 21.

   1. Etke dri karejar ro an Jeova rej aikwij al al in nebar ko ñõn e? (Ex. 15:1, 2; Sam. 105:2, 3; Rev. 15:3, 4)

   2. Ta wanjoñok eo kin nebar Jeova Miriam im kõrã ro iturin Lomalo Ekilmir r’ar likit ñõn Kristin kõrã ro ran kein? (Ex. 15:20, 21; Sam. 68:11)

Katak 34

Juõn Men In Mõña Ekãl

1. Ilo pija eo, ta eo armij ro rej bõke jen lal, im ta eo rej naetan?

2. Ta eo Moses ej jiroñ armij ro kake kin air bõk manna eo?

3. Ta eo Jeova ej jiroñ armij ro ilo ran eo kein kajiljino, im etke?

4. Ta men in bwilõñ eo Jeova ej kõmõne ñe manna eo ej bedwõt ñõn ran eo kein kajiljilimjuõn?

5. Ewi toan an Jeova najidik armij ro kin manna eo?

Kajitõk ko jet:

1. Konono Exodus 16:1-36 im Bwinbwin 11:7-9.

   1. Ta eo Exodus 16:8 ej kwalok kake kin aikwij eo ñõn kautiej ro me Anij e ar kãlet ilo congregation in Kristin eo? (Hib. 13:17)

   2. Ilo ene jemaden eo, ewi wãwen an kar Dri Israel ro bõk nan in kakememej ko ran otemjej ñõn atartar ion Jeova? (Ex. 16:14-16, 35; Dut. 8:2, 3)

   3. Ilo kõkkar ta melele eo Jisõs e ar letok kin manna eo, im ewi wãwen jej bõk tokjen jen “manna ilõñ”? (Jon 6:31-35, 40)

2. Konono Joshua 5:10-12.

   Jete yiõ ko Dri Israel ro r’ar aikwij mõñã manna, ewi wãwen an kar men in juõn melejoñ ñõn ir, im ta eo jemaroñ katak kake jen bwebwenato in? (Ex. 16:35; Bwin. 11:4-6; 1 Kor. 10:10, 11)

Katak 35

Jeova Ej Lelok Kien Ko An

1. Enañin ruo alliñ ko elikin air diojlok jen Ijipt, Dri Israel ro r’ar camp ia?

2. Ta eo Jeova ej ba bwe armij ro ren kõmõne, im ewi wãwen air uak?

3. Etke Jeova ej lelok ñõn Moses ruo dekã ko reflat?

4. Ijellokin Kien ko Joñoul, bar ta kien ko Jeova e ar liloki ñõn Dri Israel ro?

5. Ta kien ko ruo Jisõs e ar naetair kien ko relaptata?

Kajitõk ko jet:

1. Konono Exodus 19:1-25; 20:1-21; 24:12-18; im 31:18.

   Ewi wãwen an nan ko ilo Exodus 19:8 jibañ kij melele kin ta menko rej kitibuji ñõn wujleplok einwõt juõn Kristin? (Matu 16:24; 1 Pit. 4:1-3)

2. Konono Duteronomi 6:4-6; Livitikõs 19:18; im Matu 22:36-40.

   Ewi wãwen an Dri Kristin ro kwalok air yokwe ñõn Anij im ro dri turid (Mark 6:34; Jerbal 4:20; Rom. 15:2)

Katak 36

Kon In Kau Gold Eo

1. Ilo pija eo, ta eo armij ro rej kõmõne, im etke?

2. Etke Jeova ej illu, im ta eo Moses ej kõmõne ke ej lo men eo armij ro rej kõmõne?

3. Ta eo Moses ej jiroñ jet emaan bwe ren kõmõne?

4. Ta eo bwebwenato in en katakin kij kake?

Kajitõk ko jet:

1. Konono Exodus 32:1-35.

   1. Ewi wãwen bwebwenato in ej kwalok kin lemnõk eo an Jeova ikijen kobaik kabuñ waan iben kabuñ eo emol? (Ex. 32:4-6, 10; 1 Kor. 10:7, 11)

   2. Ta eo Dri Kristin ro ren ekkõl kake ikijen jokãlet eo air kin men in kamõnõnõ ko, einwõt al im eb? (Ex. 32:18, 19; Ep. 5:15, 16; 1 Jon 2:15-17)

   3. Ewi wãwen bwijin Levi e ar kõmõn juõn joñok emõn ikijen jutak kin wãnik? (Ex. 32:25-28; Sam. 18:25)

Katak 37

Juõn Imõn Kaber In Kabuñ

1. Ta eo rej naetan mweo ilo pija in, im r’ar kajerbale ñõn ta?

2. Etke Jeova e ar jiroñ Moses bwe en kõmõne imõn kabbed eo ilo juõn wãwen ebidodo air jelate?

3. Ta box eo ej bed ilo room eo edik i jabõn in imõn kabbed eo, im ta eo kobban box eo?

4. Jeova e ar kãlet wõn eo bwe en priest eo eutiej, im ta eo ej kõmõne?

5. Kwalok jilu menko rej bed ilo room eo elaplok ilo imõn kabbed eo.

6. Ta menko ruo rej bed ilo melan in imõn kabbed eo, im rej kajerbali ñõn ta?

Kajitõk ko jet:

1. Konono Exodus 25:8-40; 26:1-37; 27:1-8; im 28:1.

   Cherub ko ion “dipdip in kalimur eo” r’ar jutak kin ta? (Ex. 25:20, 22; Bwin. 7:89; 2 Kiñ 19:15)

2. Konono Exodus 30:1-10, 17-21; 34:1, 2; im Dri Hibru 9:1-5.

   1. Etke Jeova e ar kalikar kin aorõkin air kejbãrok air erreo ilo kanniek ñõn priest ro rej jerbal ilo imõn kabbed eo, im ewi wãwen men in en jelet kij rainin? (Ex. 30:18-21; 40:30, 31; Hib. 10:22)

   2. Ewi wãwen dri jilek Paul e ar kwalok bwe imõn kabbed eo im bujen Kien eo emor e ar jako ilo ien eo e ar je letter eo an ñõn Kristin Dri Hebrew ro? (Hib. 9:1, 9; 10:1)

Katak 38

Dri Aroñroñ Ro 12

1. Ta eo kwoj lo kin urur in grape ko ilo pija in, im ia eo r’ar itok jen e?

2. Etke Moses e ar jilkinlok 12 dri aroñroñ ro ñõn enen Kenean?

3. Ta eo joñoul ian dri aroñroñ ro r’ar jiroñ Moses?

4. Ewi wãwen ruo ian dri aroñroñ ro rej kwalok air liki Jeova, im ta ãt ko etair?

5. Etke Jeova ej illu, im ta eo ej jiroñ Moses?

Kajitõk ko jet:

1. Konono Bwinbwin 13:1-33.

   1. Wõn ro kar kãlet ir ñõn wate ene eo, im ta ien eo emõn e ar wõr ibbeir? (Bwin. 13:2, 3, 18-20)

   2. Etke e ar oktak lemnõk eo an Joshua im Keleb jen dri aroñroñ ro jet, im ta eo ej katakin kij? (Bwin. 13:28-30; Matu 17:20; 2 Kor. 5:7)

2. Konono Bwinbwin 14:1-38.

   1. Ta nan in kakkõl eo jej aikwij bokake ikijen konono nae ro rej jutak kin Jeova ion lal? (Bwin. 14:2, 3, 27; Matu 25:40, 45; 1 Kor. 10:10)

   2. Ewi wãwen Bwinbwin 14:24 ej kwalok bwe Jeova ej kwalok an itoklimo kin kajjojo dri karejar ro an? (1 Kiñ 19:18; Ken. 15:3)

Katak 39

E Nar Jokwõn Eo An Aron

1. Wõn ro rej jumae maroñ eo an Moses im Aron, im ta eo rej ba ñõn Moses?

2. Ta eo Moses ej jiroñ Kora im ro mõttan 250 bwe ren kõmõne?

3. Ta eo Moses ej ba ñõn armij ro, im ta eo ej walok mwijin wõt an konono?

4. Ta eo ej walok ñõn Kora im 250 ro mõttan?

5. Ta eo Iliezar, leo nejin Aron, ej kõmõne kin nien kijeek ko an lõmaro remij, im etke?

6. Etke Jeova ej kõmõn bwe en nar jokon eo an Aron? (Lale pija eo.)

Kajitõk ko jet:

1. Konono Bwinbwin 16:1-49.

   1. Ta eo Kora im ro mõttan r’ar kõmõne, im etke e ar juõn men in jumae nae Jeova? (Bwin. 16:9, 10, 18; Liv. 10:1, 2; Ken. 11:2)

   2. Ta lemnõk eo ebwid Kora im 250 “iroij an jar eo” r’ar kaddeke? (Bwin. 16:1-3; Ken. 15:33; Ais. 49:7)

2. Konono Bwinbwin 17:1-11 im 26:10.

   1. Nar in jokwon eo an Aron e ar kalikar ta, im etke Jeova e ar jiroñ ir bwe ren kejbãrok tebteb eo? (Bwin. 17:5, 8, 10)

   2. Ta men eo eaorõk jemaroñ katak jen kakõlle eo kin jokon eo an Aron? (Bwin. 17:10; Jerbal 20:28; Pil. 2:14; Hib. 13:17)

Katak 40

Moses Ej Dreñlokwe Dreka Eo

1. Ewi wãwen Jeova ej kejbãrok Dri Israel ro ke r’ar bed ilo ene jemaden eo?

2. Ta eo Dri Israel ro r’ar aol kake ke r’ar kakije ilo Kadesh?

3. Ewi wãwen Jeova ej lelok den ñõn aolep armij im menin mour ko?

4. Ilo pija eo, wõn armij eo ej jitõñlok ñõn e make, im etke ej kõmõn eindein?

5. Etke Jeova ej illu iben Moses im Aron, im ewi wãwen ej kajeik ir?

6. Ta eo ej walok ilo Tol Hor, im wõn eo ej erom priest eo eutiej an ailiñ in Israel?

Kajitõk ko jet:

1. Konono Bwinbwin 20:1-13, 22-29 im Duteronomi 29:5.

   1. Ta eo jemaroñ katak jen wãwen eo Jeova e ar kejbãrok Dri Israel ro ilo ene jemaden eo? (Dut. 29:5; Matu 6:31; Hib. 13:5; Jem. 1:17)

   2. Ewi kar lemnõk eo an Jeova kin likjap eo an Moses im Aron ñõn kaibujuij e iman Dri Israel ro? (Bwin. 20:12; 1 Kor. 10:12; Rev. 4:11)

   3. Ta eo jemaroñ katak jen wãwen eo Moses e ar emmakit ñõn kaje eo e ar bõke jen Jeova? (Bwin. 12:3; 20:12, 27, 28; Dut. 32:4; Hib. 12:7-11)

Katak 41

Serpent Jinibõrõrõ Eo

1. Ilo pija eo, ta eo ej bouti alal eo, im etke Jeova e ar jiroñ Moses ñõn likiti ijo?

2. Ewi wãwen an armij ro jab kamolol kin menko otemjej Anij e ar kõmõni ñõn ir?

3. Ta eo armij ro rej kajitõk bwe Moses en kõmõne elikin an Jeova kajeik ir ilo an jilkinlok serpent ko repoison?

4. Etke Jeova ej jiroñ Moses ñõn kõmõn juõn serpent jinibõrõrõ?

5. Ta eo jemaroñ katak jen bwebwenato in?

Kajitõk ko jet:

1. Konono Bwinbwin 21:4-9.

   1. An Dri Israel ro aol kin men in letok ko jen Jeova ej kakkõl kij kin ta? (Bwin. 21:5, 6; Rom. 2:4)

   2. Elõñ ebeben ko tokelik, ewi wãwen Dri Israel ro r’ar kajerbal serpent jinibõrõrõ eo, im ta eo King Hezekiah e ar kõmõne? (Bwin. 21:9; 2 Kiñ 18:1-4)

2. Konono Jon 3:14, 15.

   Air likit serpent jinibõrõrõ eo ion juõn alal ewi wãwen e ar jejjet an pijaik air dilaik Jisõs Christ? (Gal. 3:13; 1 Pit. 2:24)

Katak 42

Juõn Kiru Ass Ej Konono

1. Wõn in Belak, im etke ej kir Beleam bwe en itok?

2. Etke kidu ass eo nejin Beleam ej babu ilo ial eo?

3. Ta eo Beleam ej roñjake an kidu ass eo ba?

4. Ta eo enjel eo e ar ba ñõn Beleam?

5. Ta eo ej walok ke Beleam e ar kajeoñ in kole Israel?

Kajitõk ko jet:

1. Konono Bwinbwin 21:21-35.

   Etke Israel e ar anjo ion King Sihon an Dri Amorite im King Og an Dri Bashan? (Bwin. 21:21, 23, 33, 34)

2. Konono Bwinbwin 22:1-40.

   Ta unin an kar Beleam kajeoñ in kole Israel, im ta eo jemaroñ katak jen men in? (Bwin. 22:16, 17; Ken. 6:16, 18; 2 Pit. 2:15; Jud 11)

3. Konono Bwinbwin 23:1-30.

   Meñe Beleam e ar konono einwõt e ar juõn dri kabuñ an Jeova, ewi wãwen makitkit ko an r’ar kwalok bwe e ar jab? (Bwin. 23:3, 11-14; 1 Sam. 15:22)

4. Konono Bwinbwin 24:1-25.

   Ewi wãwen bwebwenato in ilo Bible ej kakajurlok tõmak eo ad bwe karõk eo an Jeova enaj jejjet kitien? (Bwin. 24:10; Ais. 54:17)

Katak 43

Joshua Ej Erõm Dri Tel Eo

1. Ilo pija eo, wõn emaan ro ruo rej jutak iben Moses?

2. Ta eo Jeova ej jiroñ Joshua?

3. Etke Moses ej wanliñlok ñõn jabõn Tol Nibo, im ta eo Jeova ej ba ñõn e?

4. Kar ewi dettan Moses ke e ar mij?

5. Etke armij ro rej buromõj, ak ta un eo unin air maroñ mõnõnõ?

Kajitõk ko jet:

1. Konono Bwinbwin 27:12-23.

   Ta jerbal eo eddo Joshua e ar bõke jen Jeova, im ewi wãwen Jeova ej kwalok an kejbãrok armij ro an rainin? (Bwin. 27:15-19; Jerbal 20:28; Hib. 13:7)

2. Konono Duteronomi 3:23-29.

   Etke Jeova e ar jab kõtlok bwe Moses im Aron ren deloñ ilo enen kallimur eo, im ta eo jemaroñ katak jen men in? (Dut. 3:25-27; Bwin. 20:12, 13)

3. Konono Duteronomi 31:1-8, 14-23.

   Ewi wãwen nan in kajemlok ko an Moses ñõn Israel rej kwalok bwe e ar ilo ettã buru bõk kaje eo jen Jeova? (Dut. 31:6-8, 23)

4. Konono Duteronomi 32:45-52.

   Ewi wãwen Nan in Anij en jelet mour ko ad? (Dut. 32:47; Liv. 18:5; Hib. 4:12)

5. Konono Duteronomi 34:1-12.

   Meñe Moses e ar jab lukkun lo Jeova, ta eo Duteronomi 34:10 ej kwalok ikijen kõtan eo an iben Jeova? (Ex. 33:11, 20; Bwin. 12:8)

Katak 44

Rehab Ej Noje Dri Aroñroñ Ro

1. Ia eo Rehab ej jokwe ie?

2. Wõn lõmaro ruo ilo pija eo, im etke rej bed ilo Jeriko?

3. Ta eo king in Jeriko eo ej jiroñ Rehab bwe en kõmõne, im kar ta uak eo an?

4. Ewi wãwen Rehab ej jibañ lõmarein ruo, im ta eo ej kajitõk kake?

5. Ta eo dri aroñroñ ro ruo r’ar kallimur kake ñõn Rehab?

Kajitõk ko jet:

1. Konono Joshua 2:1-24.

   Ewi wãwen kallimur eo an Jeova ilo Exodus 23:28 e ar jejjet kitien ke Dri Israel ro r’ar tarinaik Jeriko? (Josh. 2:9-11)

2. Konono Dri Hibru 11:31.

   Ewi wãwen joñok eo an Rehab ej kwalok kin aorõkin tõmak? (Rom. 1:17; Hib. 10:39; Jem. 2:25)

Katak 45

Ellã Jen River Jordan

1. Ta men in kabwilõñlõñ eo Jeova ej kõmõne bwe Dri Israel ro ren maroñ kijone River Jordan?

2. Ta jerbal in tõmak eo Dri Israel ro rej aikwij kõmõne bwe ren maroñ kijone River Jordan?

3. Etke Jeova e ar jiroñ Joshua bwe en aini 12 dekã ko rekilep jen loan river eo?

4. Ta eo ej walok ke priest ro rej wanliñtak jen Jordan eo?

Kajitõk ko jet:

1. Konono Joshua 3:1-17.

   1. Einwõt ej kwalok kake ilo bwebwenato in, ta eo jej aikwij kõmõne bwe jen bõk jibañ im kajerammõn jen Jeova? (Josh. 3:13, 15; Ken. 3:5; Jem. 2:22, 26)

   2. Kar ta wãwen River Jordan eo ke Dri Israel ro r’ar kijone ñõn deloñ ilo Enen Kallimur eo, im ewi wãwen an men in kaibujuij etan Jeova? (Josh. 3:15; 4:18; Sam. 66:5-7)

2. Konono Joshua 4:1-18.

   Dekã ko 12 me r’ar bõki jen River Jordan im kajutaki ilo Gilgal e ar jerbal kin un et eo? (Josh. 4:4-7)

Katak 46

Worwor In Jeriko

1. Ta eo Jeova ej jiroñ dri tarinae ro im priest ro bwe ren kõmõne iumin jiljino ran?

2. Ta eo lõmaro rej aikwij kõmõne ilo ran eo kein ka jiljilimjuõn?

3. Einwõt kwoj loe ilo pija eo, ta eo ej walok ñõn worwor in Jeriko?

4. Etke juõn to bũrõrõ ej toto jen windo eo?

5. Ta eo Joshua e ar jiroñ dri tarinae ro bwe ren kõmõne ñõn armij ro im jikin kwelok eo, ak ta kin silver, gold, copper, im iron ko?

6. Ta eo kar jiroñ dri aroñroñ ro ruo bwe ren kõmõne?

Kajitõk ko jet:

1. Konono Joshua 6:1-25.

   1. Ke Dri Israel ro r’ar maaj im kabole Jeriko ilo ran eo kein ka jiljilimjuõn, ewi wãwen an einlok wõt jerbal in kwalok nan eo an Dri Kennan ro an Jeova ilo ran kein eliktata? (Josh. 6:15, 16; Ais. 60:22; Matu 24:14; 1 Kor. 9:16)

   2. Ewi wãwen an jejjet kitien kanan eo kar je ilo Joshua 6:26 enañin 500 yiõ ko tokelik, im ta eo ej katakin kij kin nan ko an Jeova? (1 Kiñ 16:34; Ais. 55:11)

Katak 47

Juõn Dri Kwot Ilo Israel

1. Ilo pija eo, wõn lein ej kalbwini mweiuk ko kar bõki jen jikin kwelok in Jeriko, im wõn ro rej jibañ e?

2. Etke men eo Ekan im family eo an r’ar kõmõne e ar lap an aorõk?

3. Ta eo Jeova e ar ba ke Joshua e ar kajitõk kin etke r’ar jab bõk anjo ilo tarinae eo ilo Eai?

4. Elikin air bõktok Ekan im family eo an ñõn iman Joshua, ta eo ej walok ñõn ir?

5. Ta men eo elap ekajet eo an Ekan ej katakin kij kake?

Kajitõk ko jet:

1. Konono Joshua 7:1-26.

   1. Jar ko an Josñua r’ar kwalok ta kin kõtan eo an iben Dri Kõmanman eo an? (Josh. 7:7-9; Sam. 119:145; 1 Jon 5:14)

   2. Ta eo wanjoñok eo an Ekan e ar kwalok kake, im ewi wãwen ej juõn men in kakkõl ñõn kij? (Josh. 7:11, 14, 15; Ken. 15:3; 1 Tim. 5:24; Hib. 4:13)

2. Konono Joshua 8:1-29.

   Ta eddo eo ewõr ibbed ñõn congregation in Kristin eo rainin? (Josh. 7:13; Liv. 5:1; Ken. 28:13)

Katak 48

Dri Gibeon Ro Re Meletlet

1. Ewi wãwen an armij ro ilo jikin kwelok in Gibeon oktak jen Dri Kenean ro ilo jikin kwelok ko rebak?

2. Einwõt ej walok ilo pija eo, ta eo Dri Gibeon ro rej kõmõne, im etke?

3. Ta kallimur eo Joshua im dri tel in Dri Israel ro r’ar kõmõne ñõn Dri Gibeon ro, ak ta eo rej kab jelã kake jilu ran ko tokelik?

4. Ta eo ej walok ke king ro ilo jikin kwelok ko jet rej roñ bwe Dri Gibeon ro r’ar kõmõn ainemõn iben Israel?

Kajitõk ko jet:

1. Konono Joshua 9:1-27.

   1. Ke Jeova e ar kaiñ ailiñ in Israel “bwe komin kokkure aolepen dru wainene otemjej,” ta kadkad ko kadkadin r’ar alikar ke e ar kejbãrok Dri Gibeon ro? (Josh. 9:22, 24; Matu 9:13; Jerbal 10:34, 35; 2 Pit. 3:9)

   2. Ilo an lor bujen eo e ar kõmõne iben Dri Gibeon ro, ewi wãwen an kar Joshua likit juõn joñok emõn ñõn Dri Kristin ro rainin? (Josh. 9:18, 19; Matu 5:37; Ep. 4:25)

2. Konono Joshua 10:1-5.

   Ewi wãwen jar eo elap rej kajeoñe Dri Gibeon ro, im ilo wãwen in erom kein kõjjeroro kin ta? (Josh. 10:4; Zech. 8:23, NW; Matu 25:35-40; Rev. 12:17)

Katak 49

Al Ejjab Makõtkit

1. Ilo pija eo, ta eo Joshua ej ba, im etke?

2. Ewi wãwen an Jeova jibañ Joshua im dri tarinae ro an?

3. Jete dri kijirãt king ro Joshua ej bõk anjo ion, im ej bõk jete yiõ ko ñõn kõmõne?

4. Etke Joshua ej ajeji enen Kenean?

5. Kar ewi dettan Joshua ke e ar mij, im ta eo ej walok ñõn armij ro tokelik?

Kajitõk ko jet:

1. Konono Joshua 10:6-15.

   Ilo ad jelã bwe Jeova e ar kõmõn bwe al im alliñ eo ren jab makitkit ñõn Dri Israel ro, ta eo jemaroñ liki kake? (Josh. 10:8, 10, 12, 13; Sam. 18:3; Ken. 18:10)

2. Konono Joshua 12:7-24.

   Ilo mol wõn eo e ar lukkun bõk eddo air anjo ion 31 king ro in enen Kenean, im etke men in eaorõk ñõn kij rainin? (Josh. 12:7; 24:11-13; Dut. 31:8; Luk 21:9, 25-28)

3. Konono Joshua 14:1-5.

   Ewi wãwen kar ajeji ene eo ñõn bwij ko an Israel, im ta eo men in ej kalikar ikijen men in jolet ko ilo Paradise? (Josh. 14:2; Ais. 65:21; Ezek. 47:21-23, NW; 1 Kor. 14:33)

4. Konono Dri Ekajet 2:8-13.

   Einwõt Joshua ilo Israel, wõn ro rainin rej jerbal einwõt juõn kein bõprae nae ro rej buñ jen tõmak? (Ekaj. 2:8, 10, 11; Matu 24:45-47; 2 Tes. 2:3-6; Taitõs 1:7-9; Rev. 1:1; 2:1, 2)

Katak 50

Ruo Kõra Re Beran

1. Wõn kar Dri Ekajet ro, im ta ãt eo etan eo moktata?

2. Ta jerammõn eo ejej uan ewõr iben Debora, im men in ej kitibuj ta?

3. Ke King Jebin im kaben in jar in tarinae eo an, Sisera, rej kamijak Israel, ta ennan eo jen Jeova Debora ej lelok ñõn Dri Ekajet eo Berak, im wõn eo ej ba bwe enaj bõk nebar eo?

4. Ewi wãwen an kar Jeel kwalok bwe ej juõn kõrã eberan?

5. Ta eo ej walok elikin mij eo an King Jebin?

Kajitõk ko jet:

1. Konono Dri Ekajet Ro 2:14-22.

   Ewi wãwen Dri Israel ro r’ar bõktok illu eo an Jeova ioir, im ta eo jemaroñ katak jen men in? (Ekaj. 2:20; Ken. 3:1, 2; Ezek. 18:21-23, NW)

2. Konono Dri Ekajet Ro 4:1-24.

   Ikijen tõmak im beran ta ko Kristin kõrã ro rainin remaroñ katak jen wanjoñok ko an Debora im Jeel? (Ekaj. 4:4, 8, 9, 14, 21, 22; Ken. 31:30; 1 Kor. 16:13)

3. Konono Dri Ekajet Ro 5:1-31.

   Ewi wãwen al in anjo eo an Berak im Debora emaroñ jerbal einwõt juõn jar ikijen tarinae eo ebaktok ilo Har—Magedon? (Ekaj. 5:3, 31; 1 Kron. 16:8-10; Rev. 7:9, 10; 16:16; 19:19-21)

Katak 51

Rut Im Neomai

1. Etke Neomai ear emmakit ñõn enen Moab?

2. Wõn rein Rut im Orpa?

3. Ewi wãwen Rut im Orpa r’ar uak ke Neomai ear jiroñ ir ñõn jeblak ñõn jikiir?

4. Wõn Boaz, im ewi wãwen an kar jibañ Rut im Neomai?

5. Ta ãt eo etan ajiri eo nejin Boaz im Rut, im etke jej aikwij kememej e?

Kajitõk ko jet:

1. Konono Rut 1:1-17.

   1. Ta nan ko raibujuij kin yokwe eo etiljek Rut ear kwaloki? (Rut 1:16, 17)

   2. Ewi wãwen lemnõk eo an Rut ej kwalok ilo jejjet kin lemnõk eo an “sheep ro jet” kin dri kabit ro ion lal rainin? (Jon 10:16; Zech. 8:23, NW)

2. Konono Rut 2:1-23.

   Ewi wãwen Rut ej likit juõn joñok emõn ñõn jiroñ ro rainin? (Rut 2:17, 18; Ken. 23:22; 31:15)

3. Konono Rut 3:5-13.

   1. Ewi kar lemnõk eo an Boaz kin an Rut mõnõnõ in mareik e jen likao ro rediklok?

   2. Ta lemnõk eo an Rut ej katakin kij kin tiljek in yokwe? (Rut 3:10; 1 Kor. 13:4, 5)

4. Konono Rut 4:7-17.

   Ewi wãwen Kristin maan ro rainin remaroñ einwõt Boaz? (Rut 4:9, 10; 1 Tim. 3:1, 12, 13; 5:8)

Katak 52

Gideon Im Lõmaro 300 Mõttõn

1. Ewi wãwen im etke Dri Israel ro rej iion elõñ abañ ko?

2. Etke Jeova ej jiroñ Gideon bwe elap an lõñ jar in tarinae eo an?

3. Jete emaan ro rej bed wõt elikin an Gideon jiroñ ro rej mijak bwe ren jeblak?

4. Jen pija eo, kamelele kin ewi wãwen Jeova ear kadiklok oran jar in tarinae eo an Gideon ñõn 300 wõt emaan ro.

5. Ewi wãwen Gideon ej karõk lõmaro 300 mõttan, im ewi wãwen Israel ej bõk anjo ilo tarinae eo?

Kajitõk ko jet:

1. Konono Dri Ekajet Ro 6:36-40.

   1. Ewi wãwen Gideon ej kamole ta eo ankil an Jeova?

   2. Ewi wãwen kij rainin jemaroñ jelã kin ta eo ankil an Jeova? (Ken. 2:3-6; Mat. 7:7-11; 2 Tim. 3:16, 17)

2. Konono Dri Ekajet Ro 7:1-25.

   1. Ta eo jemaroñ katak jen lõmaro 300 me r’ar ekkõl wõt ñe jej keidi iben ro r’ar jab kwalok air ekkõl. (Ekaj. 7:3, 6; Rom. 13:11, 12; Ep. 5:15-17)

   2. Einwõt lõmaro 300 r’ar katak ilo air lale Gideon, ewi wãwen jemaroñ katak ilo ad lale Gideon eo Elaplok, Jisõs Kraist? (Ekaj. 7:17; Mat. 11:29, 30; 28:19, 20; 1 Pit. 2:21)

   3. Ewi wãwen Dri Ekajet Ro 7:21 ej jibañ kij ñõn ad jerbal ilo jokane ilo jabdewõt jikin kar karõke ñõn kij ilo dolul eo an Jeova? (1 Kor. 4:2; 12:14-18; Jem. 4:10)

3. Konono Dri Ekajet Ro 8:1-3.

   Ñe jej aikwij kamadmõde inebata ko iben juõn emaan ak kõrã dri tõmak eo mõttad, ta eo jemaroñ katak jen wãwen eo Gideon ear kamadmõde aitwerõk eo iben Dri Ephraim ro? (Ken. 15:1; Mat. 5:23, 24; Luk 9:48)

Katak 53

Kalimur Eo An Jepta

1. Wõn in Jepta, im ear mour ilo tõre et eo?

2. Ta eo Jepta ear kallimur kake ñõn Jeova?

3. Etke Jepta ear oktak im buromõj ke ear jeblak ñõn mweo imõn elikin an kar anjo ion Dri Amon ro?

4. Ta eo lio nejin Jepta ear ba ke ear jelã kin kallimur eo an jemen?

5. Etke armij rej yokwe lio nejin Jepta?

Kajitõk ko jet:

1. Konono Dri Ekajet Ro 10:6-18.

   Ta eo jen katak jen lokbook eo an Israel kin air jab tiljek ñõn Jeova? (Ekaj. 10:6, 15, 16; Rom. 15:4; Rev. 2:10)

2. Konono Dri Ekajet Ro 11:1-11, 29-40.

   1. Ilo an Jepta lelok lio nejin einwõt juõn “men in katok kijeek” ewi wãwen ad jelã bwe ear jab melelen ear tile e einwõt juõn men in katok? (Ekaj. 11:31; Liv. 16:24; Dut. 18:10, 12)

   2. Ilo wãwen et eo Jepta ear lelok lio nejin einwõt juõn men in katok?

   3. Ta eo jemaroñ katak jen lemnõk eo an Jepta kin kallimur eo an ñõn Jeova? (Ekaj. 11:35, 39; Ekk. 5:4, 5; Mat. 16:24)

   4. Ikijen jibadõk jerbal in kwalok nan full-time, ewi wãwen lio nejin Jepta ej juõn joñok emõn ñõn Kristin jodikdik ro? (Ekaj. 11:36; Mat. 6:33; Pil. 3:8)

Katak 54

Leo E Kajur Tata

1. Etan armij eo ekajurtata eo ear mour ion lal, im wõn eo ear lelok ñõn e kajur eo an?

2. Juõn ien, ta eo Samson ear kõmõne ñõn juõn kidu lion elap, einwõt am maroñ loe ilo pija in?

3. Ta men in ittino eo Samson ej jiroñ Dilaila kake ilo pija in, im ewi wãwen men in ej tellok ñõn an Dri Pilistia ro jibwe e?

4. Ewi wãwen an kar Samson mõn 3,000 dri kijirãt Dri Pilistia ro ilo ran eo ear mij?

Kajitõk ko jet:

1. Konono Dri Ekajet Ro 13:1-14.

   Ewi wãwen Manoah im lio belen rej letok juõn joñok emõn ñõn ro jemen im jinen ikijen kakajiririk ajiri ro nejiir? (Ekaj. 13:8; Sam 127:3; Ep. 6:4)

2. Konono Dri Ekajet Ro 14:5-9 im 15:9-16.

   1. Ta eo bwebwenato ko kin an Samson mõn juõn kidu lion, tũmi to ko rekãl r’ar liãbe kaki, im an kajerbal atlõl in ass koman eo ñõn mõn 1,000 emaan ro kwalok kin wãwen jerbal eo an jitõb kwojarjar an Jeova?

   2. Ewi wãwen jitõb kwojarjar eo ej jibañ kij rainin? (Ekaj. 14:6; 15:14; Zech. 4:6, NW; Jerbal 4:31)

3. Konono Dri Ekajet Ro 16:18-31.

   Ewi wãwen kamao ko renana ear jelet Samson, im ta eo jemaroñ katak jen men in? (Ekaj. 16:18, 19; 1 Kor. 15:33)

Katak 55

Juõn Ladrik Erik Ej Jerbal Ñõn Anij

1. Etan ladik in edik ilo pija in, im wõn ro jet?

2. Juõn ien ta eo Hanna ear jar kake ke ear lolok imõn kabbed eo an Jeova, im ewi wãwen Jeova ej uake jar eo an?

3. Kar ewi dettan Samuel ke r’ar bõklok e ñõn jerbal ilo imõn kabbed eo an Jeova, im ta eo jinen ej kõmõne ñõn e kajjojo yiõ?

4. Ta ãt ko etan lõmaro nejin Ilai, im kain armij rot ir?

5. Ewi wãwen an kar Jeova kir Samuel, im ta ennan eo Ej lelok ñõn e?

6. Samuel ej erom ta ke ej rittolok, im ta eo ej walok ke ear oktak im ritto?

Kajitõk ko jet:

1. Konono 1 Samuel 1:1-28.

   1. Ta joñok eo emõn Elkena ej kõmõne ñõn ro bõran family ko ikijen tel ilo kabuñ eo emol? (1 Sam. 1:3, 21; Mat. 6:33; Pil. 1:10)

   2. Ta eo jemaroñ katak jen wanjoñok eo an Hanna ikijen kamadmõde juõn abañ ekabwokbwok? (1 Sam. 1:10, 11; Sam 55:22; Rom. 12:12)

2. Konono 1 Samuel 2:11-36.

   Ewi wãwen an kar Ilai kautiej lõmaro nejin elaplok jen Jeova, im ewi wãwen an men in maroñ jerbal einwõt juõn nan in kakkõl ñõn kij? (1 Sam. 2:22-24, 27, 29; Dut. 21:18-21; Mat. 10:36, 37)

3. Konono 1 Samuel 4:16-18.

   Ta nan in jerata eo emen miãñõn ej itok jen jar in tarinae eo, im ear jelet Ilai ilo wãwen et?

4. Konono 1 Samuel 8:4-9.

   Ewi wãwen Israel ear lap an kaillu Jeova, im ewi wãwen jemaroñ tiljek in jurake Ailiñ eo an rainin? (1 Sam. 8:5, 7; Jon 17:16; Jem. 4:4)

Katak 56

Saul—Kiñ Eo Moktata An Israel

1. Ilo pija eo, ta eo Samuel ej kõmõne, im etke?

2. Etke Jeova ej buñburuen kake Saul, im kain armij rot e?

3. Ta ãt eo etan leo nejin Saul, im ta eo nejin ej kõmõne?

4. Etke Saul ej pija men in katok eo im jab kõttar an Samuel itok im kõmõne?

5. Ta men ko jemaroñ katak jen bwebwenato eo kin Saul?

Kajitõk ko jet:

1. Konono 1 Samuel 9:15-21 im 10:17-27.

   Ewi wãwen lemnõk in ettã buru eo an Saul ej jibañ e ñõn bõprae an emmakit ilo mõkaj ke jet emaan ro r’ar konono nae e ilo ejelok kautiej? (1 Sam. 9:21; 10:21, 22, 27; Ken. 17:27)

2. Konono 1 Samuel 13:5-14.

   Ta jerawiwi eo Saul ear kõmõne ilo Gilgal? (1 Sam. 10:8; 13:8, 9, 13)

3. Konono 1 Samuel 15:1-35.

   1. Ta jerawiwi eo elap Saul ear kõmõne ikijen Agag, king in Dri Amalek ro? (1 Sam. 15:2, 3, 8, 9, 22)

   2. Ewi wãwen Saul ear kajeoñ in kowãnik jerbal ko an im naruõn ro jet? (1 Sam. 15:24)

   3. Ñe rej letok ñõn kij nan in kakabilek ko rainin ta nan in kakkõl eo jen lore? (1 Sam. 15:19-21; Sam 141:5; Ken. 9:8, 9; 11:2)

Katak 57

Anij Ej Kãlet Devid

1. Etan ladik eo ilo pija in, im ewi wãwen ad jelã bwe ej juõn armij eberan?

2. Ia eo Devid ej jokwe ie, im ta ãt ko etan jemen im jimman?

3. Etke Jeova ear jiroñ Samuel ñõn etal ñõn imõn Jesse ilo Betleem?

4. Ta eo ej walok ke Jesse ear ãñintok lõmaro jiljilimjuõn nejin ñõn iben Samuel?

5. Ke rej kadeloñ Devid, ta eo Jeova ej jiroñ Samuel?

Kajitõk ko jet:

1. Konono 1 Samuel 17:34, 35.

   Ewi wãwen men kein r’ar walok rej kalikar beran eo an Devid im an liki Jeova? (1 Sam. 17:37)

2. Konono 1 Samuel 16:1-14.

   1. Ewi wãwen nan ko an Jeova ilo 1 Samuel 16:7 ej jibañ kij ñõn ad jab lemnõk kin oktan armij im ñõn bõprae ad kwalok kalijeklok ikijen baotok ko an armij? (Jerbal 10:34, 35; 1 Tim. 2:4)

   2. Ewi wãwen wanjoñok eo an Saul ej kwalok bwe ñe Jeova ej bõk jitõb kwojarjar eo an jen juõn armij, juõn jitõb enana, ak juõn kõnan ñõn pija nana emaroñ kobrak e? (1 Sam. 16:14; Mat. 12:43-45; Gal. 5:16)

Katak 58

Devid Im Golaiat

1. Ta aitwerõk eo Golaiat ej bõkmantak ñõn jar in tarinae eo an Dri Israel ro?

2. Ewi aetokin Golaiat, im ta jinekjej eo King Saul ej kallimur kake ñõn armij eo ej mõn Golaiat?

3. Ta eo Devid ej ba ke Saul ej jiroñ e bwe ejjab maroñ ire iben Golaiat kinke Devid ej inono wõt?

4. Ilo uak eo an ñõn Golaiat, ewi wãwen Devid ej kwalok an liki Jeova?

5. Einwõt kwomaroñ loe ilo pija in, ta eo Devid ej kajerbale ñõn mõn Golaiat, im ta eo ej walok ñõn Dri Philistine ro elikin an walok men in?

Kajitõk ko jet:

1. Konono 1 Samuel 17:1-54.

   1. Ta kar unin beran eo an Devid, im ewi wãwen jemaroñ kajeoñe beran eo an? (1 Sam. 17:37, 45; Ep. 6:10, 11)

   2. Etke Dri Kristin ro rej aikwij bõprae juõn jitõb in jiaik don einwõt kar Golaiat ñe rej bõk kunair ilo ikkure ko ak men in kamõnõnõ ko? (1 Sam. 17:8; Gal. 5:26; 1 Tim. 4:8)

   3. Ewi wãwen nan ko an Devid rej kwalok bwe ear liki kejbãrok eo an Anij? (1 Sam. 17:45-47; 2 Kron. 20:15)

   4. Jen an baj kwalok kin juõn jiaik don ikõtan ruo jar in tarinae ko, ewi wãwen bwebwenato in ej kwalok bwe tarinae eo ilo mol kar ikõtan anij wan ko im Anij eo emol, Jeova? (1 Sam. 17:43, 46, 47)

   5. Ewi wãwen bwen dri kabit ro rej kajeoñe wanjoñok eo an Devid kin an liki Jeova? (1 Sam. 17:37; Jer. 1:17-19, NW; Rev. 12:17)

Katak 59

Unin Devid Ej Aikwij in Ko

1. Etke Saul ej junmade Devid, ak ewi wãwen an Jonetan leo nejin Saul oktak?

2. Juõn ien ke Devid ear kajañjañ harp iman Saul ta eo ear walok?

3. Ta eo Saul ej ba bwe Devid ej aikwij kõmõne mokta jen an maroñ bõk Maikal lio nejin einwõt belen, im etke Saul ej ba men in?

4. Ke Devid ej kajañjañ harp iman Saul, ta eo ej walok alen eo kein kajilu, einwõt pija eo ej kwaloke?

5. Ewi wãwen an Maikal jibañ ñõn lomoren mour eo an Devid, im ta eo Devid ear aikwij in kõmõne iumin jiljilimjuõn yiõ?

Kajitõk ko jet:

1. Konono 1 Samuel 18:1-30.

   1. Ewi wãwen yokwe eo ekajur an Jonetan ñõn Devid annañelok yokwe eo ikõtan “sheep ro jet” im “bwij [eo] erik”? (1 Sam. 18:1; John 10:16, NW; Luk 12:32; Zech. 8:23, NW)

   2. Ilo lemnõk kin mol eo bwe Jonetan enaj kar dri jolet eo an Saul, ewi wãwen 1 Samuel 18:4 ej kwalok kõttã eo ekabwilõñlõñ an Jonetan ñõn king eo emwij kãlete?

   3. Ewi wãwen wanjoñok eo an Saul ej kwalok bwe junmad emaroñ tellok ñõn jerawiwi eo elap, im kakkõl et eo men in ej letok ñõn kij? (1 Sam. 18:7-9, 25; Jem. 3:14-16)

2. Konono 1 Samuel 19:1-17.

   Ewi wãwen an kar Jonetan likit mour eo an ilo kauwatata ke ear konono nan ko kar je ilo 1 Samuel 19:4, 5? (1 Sam. 19:1, 6)

Katak 60

Abigeil im Devid

1. Etan kõrã eo ej iten wõnmaik Devid ilo pija in, im kain armij rot e?

2. Wõn in Nebal?

3. Etke Devid ej jilkinlok jet ian lõmaro mõttan ñõn kajitõk jibañ iben Nebal?

4. Ta eo Nebal ej ba ñõn lõmaro mõttan Devid, im ewi wãwen Devid ej emmakit?

5. Ewi wãwen Abigeil ej kwalok bwe ej juõn kõrã emeletlet?

Kajitõk ko jet:

1. Konono 1 Samuel 22:1-4.

   Ewi wãwen family eo an Devid ej letok juõn joñok emõn kin ewi wãwen jej aikwij rejetak don ilo dolul in jimjãn jimjatin an Kristin? (Ken. 17:17; 1 Tes. 5:14)

2. Konono 1 Samuel 25:1-43.

   1. Etke rej kwalok kin Nebal ilo juõn wãwen rej kijirãte? (1 Sam. 25:2-5, 10, 14, 21, 25)

   2. Ta eo Kristin limaro dri belele remaroñ katak jen wanjoñok eo an Abigeil? (1 Sam. 25:32, 33; Ken. 31:26; Ep. 5:24)

   3. Abigeil ear kabõjrak Devid jen an pija ta men ko ruo renana? (1 Sam. 25:31, 33; Rom. 12:19; Ep. 4:26)

   4. Ewi wãwen emmakit eo an Devid ñõn nan ko an Abigeil jibañ lõmaro rainin ñõn bõk lemnõk eo an Jeova kin kõrã ro? (Jerbal 21:8, 9; Rom. 2:11; 1 Pit. 3:7)

Katak 61

Devid Ej Erõm Kiñ

1. Ta eo Devid im Ebishai r’ar kõmõne ke Saul ear kiki ilo camp eo an?

2. Ta kajitõk ko Devid ear kajitõkin Saul kaki?

3. Elikin an ilok jen Saul, Devid ej etal ñõn ia?

4. Ta eo ej lukkun kaburomõj Devid, bwe en kine juõn al eaibujuij?

5. Ewi dettan Devid ke ej erom king ilo Hebron, im ta ãt ko etan jet ian lõmaro nejin?

6. Tokelik Devid ej iroij ia einwõt king?

Kajitõk ko jet:

1. Konono 1 Samuel 26:1-25.

   1. Nan eo an Devid emwij je ilo 1 Samuel 26:11 ej kwalok lemnõk ta eo kin lajrak eo an Anij? (Sam 37:7; Rom. 13:2)

   2. Ñe jej kate kij ñõn kwalok yokwe im joij ak iion juõn uak ejjab kwalok an kamolol, ewi wãwen nan ko an Devid jemaroñ loi ilo 1 Samuel 26:23 ej jibañ kij ñõn kejbãrok juõn lemnõk ejimwe? (1 Kiñ 8:32; Sam 18:20)

2. Konono 2 Samuel 1:26.

   Ewi wãwen Dri Kristin ro rainin remaroñ kaddeklok air “kanuij yokwe dron” einwõt kar Devid im Jonetan? (1 Pit. 4:8; Kol. 3:14; 1 Jon 4:12)

3. Konono 2 Samuel 5:1-10.

   1. Iumin jete yiõ ko Devid ear iroij einwõt king, im ewi wãwen jemaroñ ajeje ien in? (2 Sam. 5:4, 5)

   2. Utiej eo an Devid ear itok ikijen ta, im ewi wãwen ej jerbal einwõt juõn nan in kakememej ñõn kij rainin? (2 Sam. 5:10; 1 Sam. 16:13; 1 Kor. 1:31; Pil. 4:13)

Katak 62

E Walok Jorran Ilo Mweo Imõn Devid

1. Kin jibañ jen Jeova, ta eo eliktata ej walok ñõn enen Kenean?

2. Ta eo ej walok juõn jota ke Devid ej bed ion bõrwoj in mweo imõn?

3. Etke Jeova ekanuij illu iben Devid?

4. Ilo pija eo, wõn eo Jeova ej jilkinloke ñõn jiroñ Devid kin jerawiwi ko an, im ta eo armij in ej ba enaj walok ñõn Devid?

5. Devid ej iion abañ rot?

6. Elikin Devid, wõn eo ej erom king in Israel?

Kajitõk ko jet:

1. Konono 2 Samuel 11:1-27.

   1. Ewi wãwen ad boub ilo jerbal eo an Jeova ej jerbal einwõt juõn kein kejbãrok ñõn kij?

   2. Ewi wãwen Devid ear lorak ilo jerawiwi, im men in ej letok kakkõl ta eo ñõn dri karejar ro an Jeova rainin? (2 Sam. 11:2; Mat. 5:27-29; 1 Kor. 10:12; Jem. 1:14, 15)

2. Konono 2 Samuel 12:1-18.

   1. Ta eo elder ro im ro jemen im jinen remaroñ katak jen wãwen eo Netan ear kebak Devid ñõn lelok nan in kakabilek ñõn e? (2 Sam. 12:1-4; Ken. 12:18; Mat. 13:34)

   2. Etke Jeova ear kwalok tiriamokake ñõn Devid? (2 Sam. 12:13; Sam 32:5; 2 Kor. 7:9, 10)

Katak 63

E Meletlet Kiñ Solomon

1. Ta eo Jeova ej kajitõk iben Solomon, im ewi wãwen an kar uak?

2. Kin an buñburuen kake men eo Solomon ear kajitõk kake, ta ko Jeova ear kallimur bwe enaj lilok ñõn e?

3. Ta abañ eo elap ruo kõrã rej kwaloke ñõn Solomon?

4. Einwõt kwomaroñ loe ilo pija in, ewi wãwen Solomon ej kamadmõde abañ eo?

5. Ewi kar wãwen iroij eo an Solomon, im etke?

Kajitõk ko jet:

1. Konono 1 Kiñ 3:3-28.

   1. Ta eo lõmaro rej bõk eddo ko ilo dolul eo an Anij rainin remaroñ katak jen nan ko jen buruen Solomon ilo 1 Kiñ 3:7? (Sam 119:105; Ken. 3:5, 6)

   2. Ewi wãwen men eo Solomon ear kajitõk kake juõn wanjoñok emõn kin men ko rekkar jemaroñ jar kaki? (1 Kiñ 3:9, 11; Ken. 30:8, 9; 1 Jon 5:14)

   3. Wãwen an kar Solomon kamadmõde akwel eo ikõtan kõrã ro ruo ej pija ad liki ta ikijen iroij eo ilo ran ko rej itok an Solomon eo Elaplok, Jisõs Kraist? (1 Kiñ 3:28; Ais. 9:6, 7; 11:2-4)

2. Konono 1 Kiñ 4:29-34.

   1. Ewi wãwen an kar Jeova uake kajitõk eo an Solomon ikijen juõn buru e jelãlokjen? (1 Kiñ 4:29)

   2. Ilo lemnõk kin jibadbad ko armij r’ar pijai ñõn roñjake meletlet eo an Solomon, ta eo en lemnõk eo ad kin katak kin Nan eo an Anij? (1 Kiñ 4:29, 34; Jon 17:3; 2 Tim. 3:16)

Katak 64

Solomon Ej Kalek Tempel Eo

1. Ewi aetokin ien eo Solomon ej kajerbale ñõn kadedelok an kalek temple eo an Jeova, im etke elap wõnãn ñõn kõmõne?

2. E’ar wõr jete room ko ilo temple eo, im ta eo rej likiti ilo room eo iloan?

3. Ta eo Solomon ej ba ilo jar eo an ke ear dedelok air kõmõne temple eo?

4. Ewi wãwen an Jeova kwalok bwe ear buñburuen kake jar eo an Solomon?

5. Ta eo limaro belen Solomon rej kareel e bwe en kõmõne, im ta eo ej walok ñõn Solomon?

6. Etke Jeova ej illu iben Solomon, im ta eo Jeova ej ba ñõn e?

Kajitõk ko jet:

1. Konono 1 Kronikel 28:9, 10.

   Ilo lemnõk kin nan ko an Devid kar je ilo 1 Kronikel 28:9, 10, ta eo jen kate kij ñõn kõmõne ilo mour ko ad jen ran ñõn ran? (Sam 19:14; Pil. 4:8, 9)

2. Konono 2 Kronikel 6:12-21, 32-42.

   1. Ewi wãwen Solomon ear kwalok bwe Anij Eo Eutiejtata ejjab jokwe ilo juõn em pija in armij? (2 Kron. 6:18; Jerbal 17:24, 25)

   2. Ta eo nan ko an Solomon me jej loi ilo 2 Kronikel 6:32, 33 ej kwalok kin Jeova? (Jerbal 10:34, 35; Gal. 2:6)

3. Konono 2 Kronikel 7:1-5.

   Einwõt lõmaro nejin Israel r’ar emmakit ñõn kwalok nan in nebar ko ñõn Jeova ke r’ar lo aibujuij eo an, ñe jej kalmenlokjen kin kajerammõn eo an Jeova ion armij ro an ewi wãwen en jelet kij rainin? (2 Kron. 7:3; Sam 22:22; 34:1; 96:2)

4. Konono 1 Kiñ 11:9-13.

   Ewi wãwen ial in mour eo an Solomon kwalok kin aorõkin ad tiljek wõt ñõn jemlokin? (1 Kiñ 11:4, 9; Mat. 10:22; 2:10)

Katak 65

E Jibel Ailiñ Eo

1. Ta ãt ko etan lõmaro ruo ilo pija in, im wõn ir?

2. Ta eo Ehaija ej kõmõne kin kobe eo ej kõnake, im ta melelen an kõmõne?

3. Ta eo Solomon ej kajeoñ in kõmõne ñõn Jeroboam?

4. Etke armij ro r’ar kairoij Jeroboam bwe en king ion bwij ko joñoul?

5. Etke Jeroboam ear kõmõne ruo kon in kau gold ko, im ejjabto tokelik ta eo ej walok ñõn ene eo?

6. Ta eo ej walok ñõn ailiñ eo an bwij ko ruo im temple eo an Jeova ilo Jerusalem?

Kajitõk ko jet:

1. Konono 1 Kiñ 11:26-43.

   Kar kain armij rot eo Jeroboam, im ta eo Jeova ear kallimur ñõn e elañe ear bokake kien ko an Anij? (1 Kiñ 11:28, 38)

2. Konono 1 Kiñ 12:1-33.

   1. Jen wanjoñok eo enana an Rihoboam, ta eo ro jemen im jinen im elder ro remaroñ katak ikijen kajerbal maroñ ko air le jen joñan? (1 Kiñ 12:13; Ekk. 7:7; 1 Pit. 5:2, 3)

   2. Wõn ro jodikdik ro rainin ren reilok ñõn ir ñõn bõk nan in tel ko remol ñe rej aikwij pija bebe ko raorõk ilo mour? (1 Kiñ 12:6, 7; Ken. 1:8, 9; 2 Tim. 3:16, 17; Hib. 13:7)

   3. Ta eo ear kamakit Jeroboam ñõn kajutak ruo jikin kabuñ ñõn kon in kau ko, im ewi wãwen an men in kwalok bwe elap an kar jab liki Jeova? (1 Kiñ 11:37; 12:26-28)

   4. Wõn eo ear tel bwij ko joñoul ilo an jumae kabuñ eo emol? (1 Kiñ 12:32, 33)

Katak 66

Jezebel—Juõn Liroij E Nana

1. Wõn in Jezebel?

2. Juõn ien etke King Ehab ear buromõj?

3. Ta eo Jezebel ej kõmõne ñõn bõk bwil in grape eo an Nebot ñõn leo belen, Ehab?

4. Wõn eo Jeova ear jilkinloke ñõn kajeik Jezebel?

5. Einwõt kwomaroñ lo ilo pija in, ta eo ej walok ke Jihu ej tõkeãktok ñõn mweo imõn Jezebel?

Kajitõk ko jet:

1. Konono 1 Kiñ 16:29-33 im 18:3, 4.

   Kar ewi joñan an nana wãwen ko ilo Israel ilo ien eo an King Ehab? (1 Kiñ 14:9)

2. Konono 1 Kiñ 21:1-16.

   1. Ewi wãwen Nebot ear kwalok an beran im tiljek ñõn Jeova? (1 Kiñ 21:1-3; Liv. 25:23-28)

   2. Jen wanjoñok eo an Ehab, ta eo jemaroñ katak ikijen kijenmij kin men ko rej kaburomõj kij? (1 Kiñ 21:4; Rom. 5:3-5)

3. Konono 2 Kiñ 9:30-37.

   Ta eo jemaroñ katak jen kijejeto eo an Jihu ñõn kõmanman ankil an Jeova? (2 Kiñ 9:4-10; 2 Kor. 9:1, 2; 2 Tim. 4:2)

Katak 67

Jihoshapat Ej Liki Jeova

1. Wõn in Jihoshapat, im ej mour ilo ien et eo?

2. Etke Dri Israel ro rej mijak, im ta eo elõñ iair rej kõmõne?

3. Ta uak eo Jeova ej lelok ñõn jar eo an Jihoshapat?

4. Mokta jen tarinae eo ta eo Jeova ej kõmõne bwe en walok?

5. Ta eo jemaroñ katak jen Jihoshapat?

Kajitõk ko jet:

1. Konono 2 Kronikel 20:1-30.

   1. Ewi wãwen an kar Jihoshapat kwalok kin ta eo dri karejar ro retiljek an Anij ren kõmõne ñe rej jelmaik wãwen ko rekamijak? (2 Kron. 20:12; Sam 25:15; 62:1)

   2. Ke ien otemjej Jeova e ar kajerbal juõn ial in communicate ak konono ke e ar jerbal iben armij ro an, ial ta eo ej kajerbale rainin? (2 Kron. 20:14, 15; Mat. 24:45-47; Jon 15:15)

   3. Ñe Anij ej jinoe “tõrinae in ran elap, ran in Anij ekajur otem kajur,” wãwen eo jej jelmae ewi wãwen an naj einlok wõt eo an Jihoshapat? (2 Kron. 20:15, 17; 32:8; Rev. 16:14, 16)

   4. Ilo air kajeoñe Dri Livai ro, kain rot men in jortak ko pioneer ro im missionary ro rainin rej kõmõni ñõn jerbal in kwalok nan eo ibelakin lal? (2 Kron. 20:19; Rom 10:13-15; 2 Tim. 4:2)

Katak 68

Ruo Ladrik Rej Bar Mour

1. Wõn armij ro jilu ilo pija eo, im ta eo ej walok ñõn ladik jidikdik eo?

2. Ta eo Ilaija ej jar kake ikijen ladik eo, im ta eo ej walok tokelik?

3. Ta ãt eo etan dri jibañ eo an Ilaija?

4. Etke kar kir Elaisha bwe en etal ñõn mweo imõn juõn kõrã in Shunem?

5. Ta eo Elaisha ej kõmõne, im ta eo ej walok ñõn ajiri eo emij?

6. Ta kajur eo ebed iben Jeova, einwõt kar kwalok kake ikijen Ilaija im Elaisha?

Kajitõk ko jet:

1. Konono 1 Kiñ Ro 17:8-24.

   1. Ewi wãwen kar melejoñe bokake im tõmak eo an Ilaija? (1 Kiñ 17:9; 19:1-4, 10)

   2. Etke ekabwilõñlõñ tõmak eo an kõrã eo ejako belen ilo Zarepat? (1 Kiñ 17:12-16; Luk 4:25, 26)

   3. Ewi wãwen men eo e ar walok ñõn kõrã eo ejako belen ilo Zarepat kwalok mol in nan ko an Jisõs ilo Matu 10:41, 42? (1 Kiñ 17:10-12, 17, 23, 24)

2. Konono 2 Kiñ Ro 4:8-37.

   1. Ta eo kõrã in Shunem ej katakin kij kin karuwainene? (2 Kiñ 4:8; Luk 6:38; Rom 12:13; 1 Jon 3:17)

   2. Ilo wãwen et ko jemaroñ kwalok jerbal in joij ñõn dri karejar ro an Anij rainin? (Jerbal 20:35; 28:1, 2; Gal. 6:9, 10; Hib. 6:10)

Katak 69

Juõn Ledrik Ej Jibañ Juõn Eman E Kajur

1. Ilo pija eo, ta eo ledik jidikdik eo ej jiroñ kõrã eo kake?

2. Wõn kõrã eo ilo pija in, im ta eo ledik eo ej kõmõne ilo mweo imõn kõrã eo?

3. Ta eo Elaisha ej jiroñ dri karejaran bwe en ba ñõn Neaman, im etke ej illu Neaman?

4. Ta eo ej walok ke Neaman ej eoroñ dri karejar ro an?

5. Etke Elaisha e makoko in bõk men in lelok eo an Neaman, ak ta eo Gihezai ej kõmõne?

6. Ta eo ej walok ñõn Gihezai, im ta eo jemaroñ katak jen men in?

Kajitõk ko jet:

1. Konono 2 Kiñ Ro 5:1-27.

   1. Ewi wãwen wanjoñok eo ledik jidikdik in Israel e ar likiti emaroñ rejañ ro redik rainin? (2 Kiñ 5:3; Sam 8:2; 148:12, 13)

   2. Etke emõn bwe jen lemnõk kin wanjoñok eo an Neaman ñe jej bõk nan in kakabilek ko jen Bible eo? (2 Kiñ 5:15; Hib. 12:5, 6; Jem. 4:6)

   3. Ta menko jemaroñ katak ilo ad keidi wanjoñok eo an Elaisha iben eo an Gihezai? (2 Kiñ 5:9, 10, 14-16, 20; Mat. 10:8; Jerbal 5:1-5; 2 Kor. 2:17)

Katak 70

Jona Im Iik Eo Elap

1. Wõn in Jona, im ta eo Jeova ej jiroñ e bwe en kõmõne?

2. Kinke ejjab kõnan etal ñõn jikin eo Jeova ej jiroñ e bwe en etal ñõn e, ta eo Jona ej kõmõne?

3. Ta eo Jona ej jiroñ jela ro bwe ren kõmõne bwe en jako kõto eo?

4. Einwõt kwomaroñ loe ilo pija in, ta eo ej walok ke Jona ej ruñlõllok i lojet?

5. Ewi toan an kar Jona bed ilo lojien ek eo, im ta eo ej kõmõne ie?

6. Ia eo Jona ej etal ñõn e elikin an kar dioj jen loan ek eo, im ta eo men in ej katakin kij?

Kajitõk ko jet:

1. Konono Jonah 1:1-17, “NW.”

   Alikar, ewi kar eñjake eo an Jona kin jerbal eo an ñõn kwalok nan ñõn Dri Niniva ro? (Jonah 1:2, 3, NW; Ken. 3:7; Ekk. 8:12)

2. Konono Jonah 2:1, 2, 10, “NW.”

   Ewi wãwen men eo Jona e ar iione ej kõmõn ad liki bwe Jeova enaj uak jar ko ad? (Sam 22:24; 34:6; 1 Jon 5:14)

3. Konono Jonah 3:1-10, “NW.”

   1. Kõketak ta eo jej bõke ilo ad jelã bwe Jeova e ar wõnmanlok im kajerbal Jona meñe e ar likjap in kajejjet jerbal eo an ilo jinoin? (Sam 103:14; 1 Pit. 5:10)

   2. Ta eo experience eo an Jona iben Dri Niniva ro ej katakin kij ikijen ekajete armij ro ilo territory eo ad? (Jonah 3:6-9, NW; Ekk. 11:6; Jerbal 13:48)

Katak 71

Anij Ej Kalimur Kin Juõn Paredais

1. Wõn kar Aiseia, ñããt eo e ar mour, im ta eo Jeova e ar kwalok ñõn e?

2. Ta melelen nan in “paredais,” im ej kakememej yuk kin ta?

3. Ta eo Jeova e ar jiroñ Aiseia ñõn an jeje kake kin Paredais eo ekãl?

4. Etke Adam im Iv r’ar luji jikin jokwe eo air eaibujuij?

5. Ta eo Jeova ej kallimur ñõn ro rej yokwe e?

Kajitõk ko jet:

1. Konono Aiseia 11:6-9.

   1. Ewi wãwen Nan in Anij ej kwalok kin ainemõn eo enaj walok ikõtan menin mour ko im armij ro ilo lõl eo ekãl? (Sam 148:10, 13; Ais. 65:25; Ezek. 34:25, NW)

   2. Jejjet kitien ta eo ilo jitõb ej walok kin nan ko an Aiseia ibwiljin armij ro an Jeova rainin? (Rom 12:2; Ep. 4:23, 24)

   3. Wõn eo ej tellokin bõk nebar kin oktak ko kin kadkad ko kadkadin armij kiõ im ilo lõl eo ekãl? (Ais. 48:17, 18; Gal. 5:22, 23; Pil. 4:7)

2. Konono Reveles̃õn 21:3, 4.

   1. Ewi wãwen an Jeje Ko kalikar bwe an Anij bed iben armij ej melelen an bed ilo juõn wãwen kõkkar, im jab lukkun bed ilo enbwin, ion lal? (Liv. 26:11, 12; 2 Kron. 6:18; Ais. 66:1; Rev. 21:2, 3, 22-24)

   2. Kain rot den in kemjalal im metak renaj jako? (Luk 8:49-52; Rom 8:21, 22; Rev. 21:4)

Katak 72

Anij Ej Jibañ Kiñ Hezekaia

1. Wõn emaan eo ilo pija in, im etke ej bed ilo abañ?

2. Ta letter ko Hezekaia e ar likiti iman Anij, im ta eo Hezekaia ej jar kake?

3. Kar kain king rot Hezekaia, im ennan ta eo Jeova ej jilkinlok ñõn e ikijen dri kanan eo Aiseia?

4. Ta eo enjel eo an Jeova ej kõmõne ñõn Dri Assiria ro, einwõt pija in ej kwalok kake?

5. Meñe ailiñ in bwij ko ruo e ar ainemõn iumin juõn ien, ta eo ej walok elikin an kar Hezekaia mij?

Kajitõk ko jet:

1. Konono 2 Kiñ Ro 18:1-36.

   1. Ewi wãwen dri konono eo an Assiria Rabshakeh e ar bukõt ñõn kamõjnoik tõmak eo an Dri Israel ro? (2 Kiñ 18:19, 21; Ex. 5:2; Sam 64:3)

   2. Ñe rej jerbal iben dri jumae ro, ewi wãwen an Dri Kennan ro an Jeova lor wanjoñok eo an Hezekaia? (2 Kiñ 18:36; Sam 39:1; Ken. 26:4; 2 Tim. 2:24)

2. Konono 2 Kiñ Ro 19:1-37

   1. Ewi wãwen armij ro an Jeova rainin rej kajeoñe Hezekaia ilo ien abañ ko? (2 Kiñ 19:1, 2; Ken. 3:5, 6; Hib. 10:24, 25; Jem. 5:14, 15)

   2. Ilo ta wãwen ko jilu King Sennacherib e ar luuj, im ej annañelok wõn eo? (2 Kiñ 19:32, 35, 37; Rev. 20:2, 3)

3. Konono 2 Kiñ Ro 21:1-6, 16.

   Etke jemaroñ ba bwe Manasseh e ar king eo enana tata e ar iroij ilo Jerusalem? (2 Kron. 33:4-6, 9)

Katak 73

Kiñ Eo Emõn Eliktata An Israel

1. Kar ewi dettan Josiah ke e ar erom king, im ta eo e ar jino kõmõne ke e ar king iumin jiljilimjuõn yiõ?

2. Ta eo kwoj lo an Josiah kõmõne ilo pija eo mokta?

3. Ta eo priest eo elap ej loe ke lõmaro rej kõkãle temple eo?

4. Etke Josiah ej kekele nuknuk ko an?

5. Ta ennan eo jen Jeova kõrã dri kanan eo Huldah ej lelok ñõn Josiah?

Kajitõk ko jet:

1. Konono 2 Kronikel 34:1-28.

   1. Ta wanjoñok eo Josiah ej likiti ñõn ro r’ar aikwij kijenmij kin wãwen ko rebin ke r’ar ajiri? (2 Kron. 33:21-25; 34:1, 2; Sam 27:10)

   2. Ta buñten nee ko raorõk Josiah ej bõki ñõn kowõnmanlok kabuñ eo emol ilo yiõ eo kein ka 8, 12 im 18 in an iroij? (2 Kron. 34:3, 8)

   3. Ta eo jemaroñ katak jen wanjoñok ko an King Josiah im Priest eo Elap Hilkiah ikijen kejbãrok jikin kabuñ ko ad? (2 Kron. 34:9-13; Ken. 11:14; 1 Kor. 10:31)

Katak 74

Juõn Eman Me Ejjab Mijõk

1. Wõn leo ilo pija in?

2. Ta lemnõk eo an Jeremiah kin an erom juõn dri kanan, ak ta eo Jeova ej jiroñ e?

3. Ta ennan eo Jeremiah ej jiroñ wõt armij kake?

4. Ewi wãwen priest ro rej kajeoñ in kabõjrak Jeremiah, ak ewi wãwen ej kwalok an jab mijak?

5. Ta eo ej walok ke Dri Israel ro rejjab ukõt wãwen ko air renana?

Kajitõk ko jet:

1. Konono Jeremiah 1:1-8, “NW.”

   1. Einwõt wanjoñok eo an Jeremiah ej kwalok kake, ta eo ej kamaroñ juõn armij bwe en juõn dri jerbal an Jeova? (2 Kor. 3:5, 6)

   2. Wanjoñok eo an Jeremiah ej letok kõketak et eo ñõn Kristin jodikdik ro rainin? (Ekk. 12:1; 1 Tim. 4:12)

2. Konono Jeremiah 10:1-5, “NW.”

   Wanjoñok ta eo ekajur Jeremiah ej kajerbale ñõn kwalok kin jettokjen eo ñõn liki ekjap ko? (Jer. 10:5, NW; Ais. 46:7; Hab. 2:19, NW)

3. Konono Jeremiah 26:1-16, “NW.”

   1. Ke rej kwalok kin ennan in kakkõl eo rainin, ewi wãwen bwen dri kabit ro rej kwalok bwe r’ar bõk ñõn burueir kien eo an Jeova ñõn Jeremiah ‘ñan jab bõk juõn nan jen e’? (Jer. 26:2, NW; Dut. 4:2; Jerbal 20:27)

   2. Ta joñok eo emõn Jeremiah e ar likiti ñõn Dri Kennan ro an Jeova rainin ñõn keañ kin nan in kakkõl eo an Jeova ñõn dri ailiñ ko? (Jer. 26:8, 12, 14, 15, NW; 2 Tim. 4:1-5)

4. Konono 2 Kiñ Ro 24:1-17.

   Ta tokjen ko rekaburomõjmõj r’ar walok kin jab tiljek eo an Judah ñõn Jeova? (2 Kiñ 24:2-4, 14)

Katak 75

Emen Likao Ro Ilo Babilõn

1. Wõn likao ro emen ilo pija in, im etke rej bed ilo Babylon?

2. Ta karõk ko Nebuchadnezzar e ar karõki kin likao rein emen, im ta nan in jiroñ ko ej lelok ñõn dri karejar ro an?

3. Ta eo Daniel ej kajitõk kake ikijen mõñã ko im den in idak ko ñõn e im lõmaro jilu mõttan?

4. Elikin air mõñã men in eddek ko iumin joñoul ran ko, kar ewi wãwen ejmour eo an Daniel im lõmaro jilu mõttan ñe keidi iben likao ro jet?

5. Ewi wãwen Daniel im lõmaro jilu mõttan r’ar itok ñõn bed ilo mweo imõn king eo, im ilo wãwen et eo remõnlok jen priest ro im dri meletlet ro jet?

Kajitõk ko jet:

1. Konono Daniel 1:1-21, “NW.”

   1. Kain jibadbad rot ej men in aikwij elañe jekõnan jumae men in kabo ko im anjo ion mõjno ko ad? (Dan. 1:8, NW; Jen. 39:7, 10; Gal. 6:9)

   2. Ilo wãwen ta ko remaroñ kabo ak jibed jodikdik ro rainin ñõn bo ilo menko rej watõki einwõt “men ko renno“? (Dan. 1:8, NW; Ken. 20:1; 2 Kor. 6:17-7:1)

   3. Ta eo bwebwenato eo ilo Bible kin Dri Hebrew jodikdik ro emen ej jibañ kij kile kake ikijen bõk jelãlokjen ko an lal? (Dan. 1:20, NW; Ais. 54:13; 1 Kor. 3:18-20)

Katak 76

E Jeebeplok Jerusalem

1. Ta eo ej walok ñõn Jerusalem im ñõn Dri Israel ro einwõt ej walok ilo pija in?

2. Wõn in Ezekiel, im ta menko renana Jeova ej kwaloki ñõn e?

3. Kinke Dri Israel ro rejjab kautiej Jeova, ta eo ej kallimur kake?

4. Ta eo King Nebuchadnezzar ej kõmõne elikin Dri Israel ro rej jumae e?

5. Etke Jeova ej kõtlok bwe kokkure in elap en walok ñõn Dri Israel ro?

6. Ewi wãwen enen Israel e ar ejelok armij ro ie, im ie toan?

Kajitõk ko jet:

1. Konono 2 Kiñ Ro 25:1-26.

   1. Wõn kar Zedekiah, ta eo e ar walok ñõn e, im ewi wãwen men in e ar kajejjet kitien kanan eo ilo Bible? (2 Kiñ 25:5-7; Ezek. 12:13-15, NW)

   2. Wõn eo Jeova e ar naruõn kin aolep men in jab tiljek ko Israel e ar kõmõni? (2 Kiñ 25:9, 11, 12, 18, 19; 2 Kron. 36:14, 17)

2. Konono Ezekiel 8:1-18, “NW.”

   Ewi wãwen Christendom e ar kajeoñe Dri Israel dri buñ jen tõmak ro me r’ar kabuñ ñõn al? (Ezek. 8:16, NW; Ais. 5:20, 21; Jon 3:19-21; 2 Tim. 4:3)

Katak 77

R’ar Makoko In Buñbero

1. Ta kien eo Nebuchadnezzar, king in Babylon, e ar lelok ñõn armij ro?

2. Etke lõmaro jilu mõttan Daniel rejjab buñbero ñõn ekjap gold eo?

3. Ke Nebuchadnezzar e ar lelok ñõn Dri Hebrew ro jilu bar juõn ien ñõn buñbero ñõn ekjap eo, ewi wãwen rej kwalok air liki Jeova?

4. Ta eo Nebuchadnezzar e ar ba ñõn dri karejar ro an bwe ren kõmõne ñõn Shadrach, Meshach, im Abednego?

5. Ta eo Nebuchadnezzar ej loe ke ej reilok ñõn loan um eo?

6. Etke king eo ej nebar Anij eo an Shadrach, Meshach, im Abednego, im wanjoñok ta eo rej letoke ñõn kij?

Kajitõk ko jet:

1. Konono Daniel 3:1-30, “NW.”

   1. Ta lemnõk eo Dri Hebrew likao ro jilu r’ar kwaloke im dri karejar ro otemjej an Anij rej aikwij kajeoñe ñe rej jelmae melejoñ kin tiljek. (Dan. 3:17, 18, NW; Mat. 10:28; Rom 14:7, 8)

   2. Ta katak eo eaorõk Jeova Anij e ar katakin Nebuchadnezzar kake? (Dan. 3:28, 29, NW; 4:34, 35, NW)

Katak 78

Jeje Ko Ion Kiin Mweo

1. Ta eo ej walok ke king in Babylon eo e ar kõmõne juõn kwojkwoj elap im rej kajerbali cup ko im jãbe ko r’ar bõki jen temple eo an Jeova ilo Jerusalem?

2. Ta eo Belshazzar ej ba ñõn dri meletlet ro an, ak ta eo rejjab maroñ kõmõne?

3. Ta eo jinen king eo ej jiroñ e bwe en kõmõne?

4. Ekkar ñõn ta eo Daniel ej jiroñ king eo, etke Anij e ar jilkintok pã eo bwe en jeje ion kiin mweo?

5. Ewi wãwen Daniel ej kamelele kin melelen nan ko ion kiin mweo?

6. Ta eo ej walok ke Daniel ej konono wõt?

Kajitõk ko jet:

1. Konono Daniel 5:1-31, “NW.”

   1. Keidi mijak eo ekwojarjar iben mijak eo Belshazzar e ar eñjake ke e ar lo jeje eo ion kiin mweo. (Dan. 5:6, 7, NW; Sam 19:9; Rom 8:35-39)

   2. Ewi wãwen an kar Daniel kwalok elap beran ke e ar konono ñõn Belshazzar im dri utiej ro an? (Dan. 5:17, 18, 22, 26-28, NW; Jerbal 4:29)

   3. Ilo wãwen et eo Daniel chapter 5 ej kalikar iroij bõtata eo an Jeova? (Dan. 4:17, 25; 5:21, NW)

Katak 79

Daniel Ilo Roñ in Laiõn

1. Wõn in Darius, im ewi lemnõk eo an kin Daniel?

2. Ta eo jet lõmaro rebanban rej kamakit Darius bwe en kõmõne?

3. Ta eo Daniel ej kõmõne ke ej jelã kin kien eo ekãl?

4. Etke elap an Darius inebata im kõmõn bwe en jaje kiki, im ta eo ej kõmõne ilo jibboñ in ran eo juõn?

5. Ewi uak eo an Daniel ñõn Darius?

6. Ta eo ej walok ñõn lõmaro renana me r’ar kajeoñ in kokkure Daniel, im ta eo Darius ej jeje ñõn aolep armij ro ilo ailiñ eo an?

Kajitõk ko jet:

1. Konono Daniel 6:1-28, “NW.”

   1. Ewi wãwen karõk e ittino nae Daniel ej kakememej kij kin ta ko dri jumae ro r’ar kõmõni ñõn kabõjrak jerbal eo an Dri Kennan ro an Jeova ilo ran kein? (Dan. 6:7, NW; Sam 94:20; Ais. 10:1; Rom 8:31)

   2. Ewi wãwen dri karejar ro an Anij rainin remaroñ kajeoñe Daniel ilo air kiblie ñõn “ro routiej jen ir”? (Dan. 6:5, 10, NW; Rom 13:1; Jerbal 5:29)

   3. Ewi wãwen jemaroñ kajeoñe wanjoñok eo an Daniel kin an kar karejar ñõn Jeova ilo “tiljek”? (Dan. 6:16, 20, NW; Pil. 3:16; Rev. 7:15)

Katak 80

Ro Dron Anij Rej Ilok Jen Babilõn

1. Einwõt ej walok ilo pija in, ta eo Dri Israel ro rej kõmõne?

2. Ewi wãwen an kar Cyrus kajejjet kitien kanan eo an Jeova ikijen Aiseia?

3. Ta eo Cyrus ej jiroñ Dri Israel ro me rejjab maroñ jeblak ñõn Jerusalem?

4. Ta eo Cyrus ej lelok ñõn armij ro ñõn air bõkloki ibbeir ñõn Jerusalem?

5. Ewi toan ñõn an Dri Israel ro tõkeãklok ñõn Jerusalem?

6. Jete yiõ ko kar motlok jen ke kar ejelok armij ro ilo ene eo?

Kajitõk ko jet:

1. Konono Aiseia 44:28 im 45:1-4.

   1. Ewi wãwen Jeova e ar kwalok kin mol in an naj jejjet kitien kanan eo ikijen Cyrus? (Ais. 55:10, 11; Rom 4:17)

   2. Ta eo kanan eo an Aiseia ikijen Cyrus ej kwalok kin maroñ eo an Jeova Anij ñõn kwalok lok iman kin ilju im jeklaj? (Ais. 42:9; 45:21; 46:10, 11; 2 Pit. 1:20)

2. Konono Ezra 1:1-11.

   Ilo lor wanjoñok eo an ro r’ar jab maroñ jeblak ñõn Jerusalem, ewi wãwen kij rainin jemaroñ ‘kakajurlok pein’ ro remaroñ deloñ ilo jerbal in fulltime? (Ezra 1:4, 6; Rom 12:13; Kol. 4:12)

Katak 81

Liki Jibañ Eo Jen Anij

1. Jete armij r’ar kõmõn trip eo eaetok jen Babylon ñõn Jerusalem, ak ta eo rej loe ke r’ar tõbar ie?

2. Ta eo Dri Israel ro rej jino kaleke elikin air tõbar ie, ak ta eo dri kijirãt ro air rej kõmõne?

3. Wõn rein Haggai im Zechariah, im ta eo rej jiroñ armij kake?

4. Etke Tattenai ej jilkinlok juõn letter ñõn Babylon, im ta uak eo ej bõke?

5. Ta eo Ezra ej kõmõne ke e ar jelã kin aikwij eo ñõn kõkãl temple eo an Anij?

6. Ta eo Ezra ej jar kake ilo pija in, ewi wãwen kar uake jar eo an, im ta eo men in ej katakin kij kake?

Kajitõk ko jet:

1. Konono Ezra 3:1-13.

   Elañe jej bed ilo juõn jikin ejelok congregation eo an armij ro an Anij ie, ta eo jen wõnmanlok im kõmõne? (Ezra 3:3, 6; Jerbal 17:16, 17; Hib. 13:15)

2. Konono Ezra 4:1-7.

   Ta wanjoñok eo Zerubbabel e ar likiti ñõn armij ro an Jeova ikijen interfaith (kakoba in tõmak ko an kabuñ ko reoktak jen don)? (Ex. 34:12; 1 Kor. 15:33; 2 Kor. 6:14-17)

3. Konono Ezra 5:1-5, 17 im 6:1-22.

   1. Etke dri jumae ro r’ar jab maroñ kabõjrak jerbal in kalek temple eo? (Ezra 5:5; Ais. 54:17)

   2. Ewi wãwen emmakit eo an lõmaro reritto an Dri Jew ro rejañ Kristin elder ro ñõn bukõt tel eo an Jeova ñe rej jelmae dri jumae ro? (Ezra 6:14; Sam 32:8; Rom 8:31; Jem. 1:5)

4. Konono Ezra 8:21-23, 28-36.

   Mokta jen ad jino ilo juõn ial in emmakit, ta wanjoñok eo an Ezra emõn bwe jen kajeoñe? (Ezra 8:23; Sam 127:1; Ken. 10:22; Jem. 4:13-15)

Katak 82

Mordikeai Im Ester

1. Wõn rein Mordecai im Esther?

2. Etke King Ahasuerus ekõnan juõn belen ekãl, im wõn eo ej kãlete?

3. Wõn eo Haman, im ta eo ej kõmõn an illu?

4. Ta kien eo rej kõmõne, im ta eo Esther ej kõmõne elikin an bõk juõn ennan jen Mordecai?

5. Ta eo ej walok ñõn Haman, im ta eo ej walok ñõn Mordecai?

6. Ewi wãwen kar lomoren Dri Israel ro jen dri kijirãt ro air?

Kajitõk ko jet:

1. Konono Ester 2:12-18.

   Ewi wãwen Esther e ar kwalok kin aorõkin ad kalek juõn “jitõb e inimõn im joij”? (Ester 2:15; 1 Pit. 3:1-5)

2. Konono Ester 4:1-17.

   Einwõt an kar wõr iben Esther juõn ien emõn ñõn jerbal ilo tokjen kabuñ eo emol, ta ien eo emõn ewõr ibbed rainin ñõn kwalok ad kabuñ im tiljek ñõn Jeova? (Ester 4:13, 14; Mat. 5:14-16; 24:14)

3. Konono Ester 7:1-6.

   Ewi wãwen elõñ ian armij ro an Anij r’ar likit ir make ilo kauwatata ñõn bõk matõrtõr, einwõt kar Esther? (Ester 7:4; Mat. 10:16-22; 1 Pit. 2:12)

Katak 83

Worwor Ko i Jerusalem

1. Ewi kar wãwen eñjake eo an Dri Israel ro kin an ejelok juõn worwor ibelakin jikin kwelok eo air Jerusalem?

2. Wõn in Nihimaia?

3. Ta jerbal eo an Nihimaia, im etke eaorõk?

4. Ta ennan eo ej kaburomõj Nihimaia, im ta eo ej kõmõne?

5. Ewi wãwen King Artaxerxes ej kwalok joij ñõn Nihimaia?

6. Ewi wãwen Nihimaia ej karõk jerbal in ekkal eo bwe dri kijirãt ro an Dri Israel rejjab maroñ kabõjrak ir?

Kajitõk ko jet:

1. Konono Nihimaia 1:4-6 im 2:1-20.

   Ewi wãwen Nihimaia e ar bukõt tel eo an Jeova? (Nih. 2:4, 5; Rom 12:12; 1 Pit. 4:7)

2. Konono Nihimaia 3:3-5.

   Ta eo elder ro im ministerial servant ro remaroñ katak jen oktak eo ikõtan dri Tekoa im “ro re utiej iair”? (Nih. 3:5, 27; 2 Tes. 3:7-10; 1 Pit. 5:5)

3. Konono Nihimaia 4:1-23.

   1. Ta eo e ar kamakit Dri Israel ro ñõn wõnmanlok im ekkal meñe r’ar jelmae elap jumae? (Nih. 4:6, 8, 9; Sam. 50:15; Ais. 65:13, 14)

   2. Ilo wãwen et eo wanjoñok eo an Dri Israel ro ej kõketak kij rainin?

4. Konono Nihimaia 6:15.

   Mol eo bwe worwor in Jerusalem e ar dedelok kõmõne iumin ruo alliñ ej kwalok ta ikijen kajur in tõmak? (Sam 56:3, 4; Mat. 17:20; 19:26)

Katak 84

Juõn Enjel Ej Lolok Meri

1. Wõn kõrã eo ilo pija in?

2. Ta eo Gabriel ej ba ñõn Mary?

3. Ewi wãwen an Gabriel kameleleik Mary bwe enaj wõr juõn nejin meñe ejañin belele iben juõn emaan?

4. Ta eo ej walok ke Mary ej lolok Elizabeth nukin?

5. Ta lemnõk eo an Joseph ke ej jelã bwe ebõroru Mary, ak ta eo ej ukõt lemnõk eo an?

Kajitõk ko jet:

1. Konono Luk 1:26-56.

   1. Ta eo Luk 1:35 ej kwalok kake ikijen jabdewõt men in jolet jen Adam kin jab wãppen e ar bed ilo lojien Mary ke kar jilkintok mour eo an Nejin Anij jen ilañ? (Hag. 2:11-13, NW; Jon 6:69; Hib. 7:26; 10:5)

   2. Meñe ejañin kar lotak ewi wãwen an kar Jisõs bõk nebar? (Luk 1:41-43)

   3. Ta wanjoñok eo emõn Mary ej letoke ñõn Dri Kristin ro rainin me rej bõk jerammõn ko ejej uair kin jerbal? (Luk 1:38, 46-49; 17:10; Ken. 11:2)

2. Konono Matu 1:18-25.

   Meñe Jisõs e ar jab bõk ãt in Immanuel, ewi wãwen jerbal eo an einwõt juõn armij e ar kajejjet kitien melelen ãt in? (Mat. 1:22, 23; Jon 14:8-10; Hib. 1:1-3)

Katak 85

Jisõs Ej Lotak Ilo Juõn Stebel

1. Wõn niñniñ eo ilo pija in, im Mary ej kababuik e na ia?

2. Etke Jisõs e ar lotak ilo juõn stable iben menin mour ko?

3. Ilo pija eo, wõn lõmarein rej deloñ ilo stable eo, im ta eo juõn enjel e ar jiroñ ir kake?

4. Etke Jisõs e ar juõn armij ejej uan?

5. Etke jemaroñ naetan Jisõs Nejin Anij?

Kajitõk ko jet:

1. Konono Luk 2:1-20.

   1. Ta kar kunan Caesar Augustus ñõn kajejjet kitien kanan eo ikijen lotak eo an Jisõs? (Luk 2:1-4; Mic. 5:2)

   2. Ewi wãwen juõn armij emaroñ koba ibwiljin ro kar konono kake ir einwõt “armij rõn E buñburuen kin ir”? (Luk 2:14; Mat. 16:24; Jon 17:3; Jerbal 3:19; Hib. 11:6)

   3. Elañe Dri Judea shepherd ro ettã burueir kar wõr unin ñõn air lañliñ kin lotak eo an Dri Lomor eo, ta un eo elaplok ñõn an dri karejar ro an Anij rainin lañliñ kake? (Luk 2:10, 11; Ep. 3:8, 9; Rev. 11:15; 14:6)

Katak 86

Lõmaro Rej Lor Juõn Iju

1. Won lõmarein ilo pija in, im etke juõn iair ej jitõñlok ñõn juõn iju e meram?

2. Etke ej illu King Herod, im ta eo ej kõmõne?

3. Iju eo e meram ej tel lõmarein ñõn ia, ak etke rej jeblak ñõn ailiñ eo air ilo bar juõn ial?

4. Ta kien eo Herod ej kõtelloke, im etke?

5. Ta eo Jeova e ar jiroñ Joseph bwe en kõmõne?

6. Won eo e ar kõmõne bwe iju eo en romak, im etke?

Kajitõk ko jet:

1. Konono Matu 2:1-23.

   Kar ewi dettan Jisõs im ia eo e ar jokwe ie ke dri jedjed ijo ro r’ar lolok e? (Mat. 2:1, 11, 16)

Katak 87

Ladrik Eo Jisõs Ilo Tempel Eo

1. Ewi dettan Jisõs ilo pija in, im ej bed ia?

2. Ta eo Josep ej kõmõne iben family eo an yiõ otemjej?

3. Elikin airro jeblaklok ñõn jikin jokwe eo airro, etke Josep im Meri r’ar bar jeblak ñõn Jerusalem?

4. Ia eo Josep im Meri r’ar lo Jisõs ie, im etke armij ro r’ar bwilõñ?

5. Ta eo Jisõs ej ba ñõn jinen, Meri?

6. Ewi wãwen ad maroñ einwõt Jisõs ñe jej katak kin Anij?

Kajitõk ko jet:

1. Konono Luk 2:41-52.

   1. Meñe Kien eo e ar kaiñi bwe emaan ro wõt ren bed ilo kwojkwoj ko jen yiõ ñõn yiõ, ta joñok eo emõn Josep im Meri r’ar likit ñõn jemen im jinen ajiri ro ran kein? (Luk 2:41; Dut. 16:16; 31:12; Ken. 22:6)

   2. Ewi wãwen an kar Jisõs likit juõn joñok emõn ñõn jodikdik ro ran kein ñõn kõttãik ir ñõn jemeir im jineir? (Luk 2:51; Dut. 5:16; Ken. 23:22; Kol. 3:20)

2. Konono Matu 13:53-56.

   Etan lõmaro emen jatin Jisõs ilo kanniek rej bed ilo Bible eo, im ewi wãwen ruo iair r’ar jerbal tokelik ilo congregation eo an Kristin? (Mat. 13:55; Jerb. 12:17; 15:6, 13; 21:18; Gal. 1:19; Jem. 1:1; Jud 1)

Katak 88

Jon Ej Baptaisi Jisõs

1. Wõn emaan ro ruo ilo pija in?

2. Ewi wãwen an baptaise juõn armij?

3. Ekkã an Jon baptaise wõn ro?

4. Ta un eo ejejuan Jisõs ej kajitõk iben Jon bwe en baptaisi e?

5. Ewi wãwen an Anij kwalok bwe e ar mõnõnõ ke Jisõs e ar baptais?

6. Ta eo ej walok ke Jisõs ej makelok ian ilo juõn jikin iumin 40 ran ko?

7. Wõn dri kalor ro moktata an Jisõs, im ta men in kabwilõñlõñ eo an kein kajuõn?

Kajitõk ko jet:

1. Konono Matu 3:13-17.

   Ta joñok eo Jisõs e ar likit kin baptais eo an dri kalor ro an? (Sam 40:7, 8; Mat. 28:19, 20; Luk 3:21, 22)

2. Konono Matu 4:1-11.

   Ewi wãwen an Jisõs kajerbal Bible ilo kabel ej rejañ kij ñõn keini ad katak Bible eo? (Mat. 4:5-7; 2 Pit. 3:17, 18; 1 Jon 4:1)

3. Konono Jon 1:29-51.

   Dri Baptais Jon ej tel dri kalor ro an ñõn wõn, im ewi wãwen ad maron kajeoñe ilo ran kein? (Jon 1:29, 35, 36; 3:30; Mat. 23:10)

4. Konono Jon 2:1-12.

   Ewi wãwen an men in bwilõñ eo kein kajuõn an Jisõs kwalok bwe Jeova ejjab debij jabdewõt men emõn jen dri karejar ro An? (Jon 2:9, 10; Sam 84:11; Jem. 1:17)

Katak 89

Jisõs Ej Karreoik Tempel Eo

1. Etke r’ar wiakake men in mour ko ilo temple eo?

2. Ta eo ej kaillu Jisõs?

3. Einwõt kwoj loe ilo pija in, ta eo Jisõs ej kõmõne, im ta eo ej kakien emaan ro rej wiakake mule ko?

4. Ke dri kalor ro an Jisõs rej lo men eo ej kõmõne, ej kakememej ir kin ta?

5. Ta bukwon eo Jisõs ej ellã jen e ke ej jeblak ñõn Galilee?

Kajitõk ko jet:

1. Konono Jon 2:13-25.

   Ñe jej lemnõk kin an Jisõs illu iben dri wia ro ilo temple eo, ta lemnõk eo ejimwe kin wia ilo imõn kwelok eo ak Kingdom Hall eo? (Jon 2:15, 16; 1 Kor. 10:24, 31-33)

Katak 90

Iben Kõra Eo Iturin Aibij Eo

1. Etke Jisõs e ar bõjrak iturin aebõjlõl eo ilo Sameria, im ta eo ej ba ñõn kõra eo ijo?

2. Etke kõrã eo ej bwilõñ, ta eo Jisõs ej ba ñõn e, im etke?

3. Kain den rot eo kõrã eo ej lemnõk bwe Jisõs ej konono kake, ak kain den rot eo ej lukkun konono kake?

4. Etke kõrã eo ej bwilõñ kin men eo Jisõs ej jelã kake kin e, im ewi wãwen e ar bõk jelãlokjen in?

5. Ta menko jemaroñ katak kaki jen bwebwenato eo kin kõrã eo iturin aebõjlõl eo?

Kajitõk ko jet:

1. Konono Jon 4:5-43.

   1. Ñan kajeoñe joñok eo an Jisõs, ta lemnõk eo jej aikwij kwalok ñõn armij ro rej itok jen ailiñ ko jet? (Jon 4:9; 1 Kor. 9:22; 1 Tim. 2:3, 4; Tai. 2:11)

   2. Ta tokjen ko ilo jitõb juõn armij eo ej erom dri kalor eo an Jisõs e ar bõki? (Jon 4:14; Ais. 58:11, NW; 2 Kor. 4:16)

   3. Ewi wãwen ad maroñ kwalok kamolol einwõt kõrã in Sameria eo e ar kijoror in kwalok nan ñõn ro jet kin menko e ar katak kaki? (Jon 4:7, 28; Mat. 6:33; Luk 10:40-42)

Katak 91

Jisõs Ej Katakin Ion Juõn Tol

1. Ilo pija in, ia eo Jisõs ej katakin armij ro ie, im wõn ro rej jijet iturin?

2. Etan dri jilek ro joñoul ruo?

3. Ta Ailiñ eo Jisõs ej kwalok nan kake?

4. Ta menko Jisõs ej katakin armij bwe ren jar kaki?

5. Ta eo Jisõs ej ba kin ta eo armij ro rej aikwij kõmõne ñõn don?

Kajitõk ko jet:

1. Konono Matu 5:1-12.

   Ilo wãwen et ko jemaroñ kwalok bwe jej kabwe men in aikwij ko ad ilo jitõb? (Mat. 5:3; Rom. 10:13-15; 1 Tim. 4:13, 15, 16)

2. Konono Matu 5:21-26.

   Ewi wãwen an Matu 5:23, 24 kalikar bwe kõtan eo ad iben ro jeid im jatid ej jelet kõtan eo ad iben Jeova? (Mat. 6:14, 15; Sam 133:1; Kol. 3:13; 1 Jon 4:20)

3. Konono Matu 6:1-8.

   Ta jet ian wãwen ko kin kowãnik kij make Dri Kristin ro rej aikwij karmijete? (Luk 18:11, 12; 1 Kor. 4:6, 7; 2 Kor. 9:7)

4. Konono Matu 6:25-34.

   Ta eo Jisõs e ar katakin armij kin aikwij eo ñõn liki Jeova bwe en kabwe aikwij ko ad ilo kanniek? (Ex. 16:4; Sam 37:25; Pil. 4:6)

5. Konono Matu 7:1-11.

   Ta wanjoñok eo emõn jej loe ilo Matu 7:5 ej katakin kij? (Ken. 26:12; Rom. 2:1; 14:10; Jem. 4:11, 12)

Katak 92

Jisõs Ej Kajerkakbiji Ro Re Mij

1. Wõn jemen ledik eo ilo pija in, im etke e im lio iben rej inebata?

2. Ta eo Jairõs ej kõmõne ke ej lo Jisõs?

3. Ta eo ej walok ke Jisõs ej etal ñõn mweo imõn Jairõs, im ta ennan eo Jairõs ej bõke ke ej itoitak?

4. Etke armij ro ilo mweo imõn Jairõs rej ettõñ iben Jisõs?

5. Elikin an ãñinlok dri jilek ro jilu im jemen im jinen ledik eo ñõn room eo ledik eo e ar bed ie, ta eo Jisõs ej kõmõne?

6. Bar wõn Jisõs e ar kajerkakbijeik jen mij, im ta eo men in ej kwalok?

Kajitõk ko jet:

1. Konono Luk 8:40-56.

   Ewi wãwen Jisõs e ar kwalok tiriamo im kõmmanwa ñõn kõrã eo etorlok bõtõktõkin, im ta eo Dri Kristin elder ro ran kein remaroñ katak jen men in? (Luk 8:43, 44, 47, 48; Liv. 15:25-27; Mat. 9:12, 13; Kol. 3:12-14)

2. Konono Luk 7:11-17.

   Etke ro r’ar luji jitenburu ro air ilo mij remaroñ bõk kainemõn jen nan ko an Jisõs ñõn kõrã eo ejako leo belen ilo Nein? (Luk 7:13; 2 Kor 1:3, 4; Hib. 4:15)

3. Konono Jon 11:17-44.

   Ewi wãwen an kar Jisõs kwalok bwe ejjab nana ñõn jañ ñe juõn ad jitenburu emij? (Jon 11:33-36, 38; 2 Sam. 18:33; 19:1-4)

Katak 93

Jisõs Ej Najirik Elõñ Armij

1. Ta men eo enana e ar walok ñõn Jon Dri Baptais, im ewi eñjake eo an Jisõs kin men in?

2. Ewi wãwen an Jisõs najidik jar in armij ro r’ar lor e, im ewi joñan bwen mõñã ko?

3. Etke dri kalor ro rej lelñoñ ilo boñ, im ta eo ej walok ñõn Piter?

4. Ewi wãwen an kar Jisõs najidik elõñ thousand armij ro ilo ien eo kein ka ruo?

5. Etke enaj juõn ien emõn ñe Jisõs ej iroij einwõt king eo Anij e ar kãlete?

Kajitõk ko jet:

1. Konono Matu 14:1-32.

   1. Ta eo bwebwenato eo ilo Matu 14:23-32 ej kamelele kake kin kadkadin Piter?

   2. Ewi wãwen bwebwenato eo ilo Bible ej kalikar bwe Piter e ar rittolok ilo jitõb im anjo ion kadkadin wãlok? (Mat. 14:27-30; Jon 18:10; 21:7; Jerb. 2:14, 37-40; 1 Pit. 5:6, 10)

2. Konono Matu 15:29-38.

   Ewi wãwen Jisõs e ar kautiej men in letok ko ilo kanniek jen Jemen? (Mat. 15:37; Jon 6:12; Kol. 3:15)

3. Konono Jon 6:1-21.

   Ewi wãwen Dri Kristin ro rainin rej lor joñok eo an Jisõs ñõn kautiej kien ko an lal? (Jon 6:15; Mat. 22:21; Rom. 12:2; 13:1-4)

Katak 94

Ej Yokwe Ajiri Ro Redrik

1. Ta eo dri jilek ro rej akwel kake ke r’ar rol jen air ito-itak jen jikin eo etolok?

2. Etke Jisõs ej kirtok juõn ajiri jidikdik im kajutak e ibwiljin dri jilek ro?

3. Ilo wãwen et eo dri jilek ro ren kar einwõt ajiri ro?

4. Jejjo alliñ ko tokelik, ewi wãwen Jisõs ej kwalok bwe ej yokwe ajiri ro?

Kajitõk ko jet:

1. Konono Matu 18:1-4.

   Etke Jisõs e ar kajerbal wanjoñok ko ñõn katakin armij? (Mat. 13:34, 36; Mark 4:33, 34)

2. Konono Matu 19:13-15.

   Ta kadkad ko an ajiri ro jej aikwij kajeoñe elañe jekõnan bõk jerammõn ko an Ailiñ eo? (Sam 25:9; 138:6; 1 Kor. 14:20)

3. Konono Mark 9:33-37.

   Ta eo Jisõs e ar katakin dri kalor ro an kin kõnan eo ñõn bõk juõn ãt ebuñbuñ? (Mark 9:35; Mat. 20:25, 26; Gal. 6:3; Pil. 2:5-8)

4. Konono Mark 10:13-16.

   Kar ewi joñan bidodo in an armij ro kebak Jisõs, im ta eo Kristin elder ro remaroñ katak jen joñok eo an? (Mark 6:30-34; Pil. 2:1-4; 1 Tim. 4:12)

Katak 95

Wãwen Jisõs Ej Katakin

1. Ta eo juõn emaan ej kajitõk iben Jisõs, im etke?

2. Ta eo jet ien Jisõs ej kajerbale ñõn katakin armij, im ta eo emwij ad katak kake kin Dri Jew im Sameria ro?

3. Ilo bwebwenato eo Jisõs ej jiroñ kij kake, ta eo ej walok ñõn juõn Dri Jew ej itoitak ilo ial eo lok ñõn jikin kwelok in Jeriko?

4. Ta eo e ar walok ke juõn priest Dri Jew im juõn Dri Livai r’ar wõnmae leo ilo ial eo?

5. Ilo pija eo, wõn eo ej jibañ Dri Jew eo ejorrãn?

6. Elikin an Jisõs kwalok bwebwenato eo, ta eo ej kajitõk, im ewi wãwen an emaan eo uak?

Kajitõk ko jet:

1. Konono Luk 10:25-37.

   1. Jen an uak ilo kajju, ewi wãwen an kar Jisõs jibañ juõn emaan eo e ar meletlet ilo Kien eo bwe en melele ilo kõmmanwa kin juõn katak? (Luk 10:26; Mat. 16:13-16)

   2. Ewi wãwen an kar Jisõs kajerbal wanjoñok ko ñõn katakin ro rej roñjake e bwe ren jab kalijeklok armij? (Luk 10:36, 37; 18:9-14; Tai. 1:9)

Katak 96

Jisõs Ej Kaejmour Ro Dri Nañinmij

1. Ta eo Jisõs ej kõmõne ke ej itoitak iaolepen ene eo?

2. Enañin jilu yiõ ko elikin an Jisõs baptais, ta eo ej jiroñ dri jilek ro an?

3. Wõn armij ro ilo pija eo, im ta eo Jisõs ej kõmõne ñõn kõrã eo?

4. Etke uak ko an Jisõs ñõn nan in jumae ko an dri tel ro an kabuñ kar kajook ir?

5. Ke Jisõs im dri jilek ro an rej kebak Jeriko, ta eo Jisõs ej kõmõne ñõn dri eowor ro ruo rebilo?

6. Etke Jisõs ej kõmman men in bwilõñ ko?

Kajitõk ko jet:

1. Konono Matu 15:30, 31.

   Ta wãwen ko rekabwilõñlõñ kin kajur eo an Jeova r’ar alikar ikijen Jisõs, im ewi wãwen ren kar jelet melele eo an kin ta eo Jeova e ar kallimur kaki ilo 1õ1 eo ekãl? (Sam 37:29; Ais. 33:24, NW)

2. Konono Luk 13:10-17.

   Ad jelã bwe Jisõs e ar kõmman jet ian men in bwilõñ ko remõntata ilo ran in Sabat ewi wãwen ej kwalok kin kain mejelan rot eo enaj bõktok ilo Ien Iroij eo an iumin Juõn Thousand Yiõ Ko? (Luk 13:10-13; Sam 46:9; Mat. 12:8; Kol. 2:16, 17; Rev. 21:1-4)

3. Konono Matu 20:29-34.

   Ewi wãwen bwebwenato in ej kwalok bwe meñe e ar boub Jisõs e ar bõk ien ñõn jibañ armij, im ta eo jemaroñ katak jen men in? (Dut. 15:7; Jem. 2:15, 16; 1 Jon 3:17)

Katak 97

Jisõs Ej Itok Einwõt Kiñ

1. Ke Jisõs ej itok ñõn juõn bukwon edik ebak ñõn Jerusalem, ta eo ej jiroñ dri kalor ro an bwe ren kõmõne?

2. Ilo pija eo, ta eo ej walok ke Jisõs ej kebake jikin kwelok in Jerusalem?

3. Ta eo ajiri ro rej kõmõne ke rej lo an Jisõs kejmoure ro rebilo im ro emij rãjetair?

4. Ta eo Jisõs ej ba ñõn priest ro rellulu?

5. Ewi wãwen ad maron einwõt ajiri ro r’ar nebar Jisõs?

6. Ta eo dri kalor ro rekõnan jelã kake?

Kajitõk ko jet:

1. Konono Matu 21:1-17.

   1. Ewi wãwen ad maroñ keidi wãwen an kar Jisõs deloñlok ilo Jerusalem einwõt King jen an dri utiej dri tarinae ro an Rom deloñ ilo ien ko mokta? (Mat. 21:4, 5; Zech. 9:9, NW; Pil. 2:5-8; Kol. 2:15)

   2. Ta eo jodikdik ro remaroñ katak kake jen Dri Israel ladik ro r’ar elij Sam 118 ke Jisõs e ar deloñ ilo temple eo? (Mat. 21:9, 15; Sam 118:25, 26; 2 Tim. 3:15; 2 Pit. 3:18)

2. Konono Jon 12:12-16.

   Ta eo bwilikõn wijki ko armij ro r’ar kajerbali ñõn wijtake Jisõs kar kõkkar kake? (Jon 12:13; Pil. 2:10; Rev. 7:9, 10)

Katak 98

Ion Tol Oliv

1. Ilo pija eo, wõn ian armij ro ej Jisõs, im wõn ro rej bed iben?

2. Ta eo priest ro r’ar kajeoñ in kõmõne ñõn Jisõs ilo temple eo, im ta eo e ar ba ñõn ir?

3. Ta eo dri jilek ro rej kajitõk iben Jisõs?

4. Etke Jisõs e ar jiroñ dri jilek ro an kin jet ian menko renaj walok ion lõl ñe ej jino jerbal eo an einwõt King ilañ?

5. Ta eo Jisõs e ar ba enaj walok mokta jen an kajemlok nana otemjej ion lal?

Kajitõk ko jet:

1. Konono Matu 23:1-39.

   1. Meñe Jeje ko ilo Bible eo rej kalikar bwe ejjab nana kajerbal title ko ilo jikin jerbal ko, ta eo nan ko an Jisõs ilo Matu 23:8-11 ej kwalok ikijen kajerbal title ko ilo congregation in Kristin? (Jerb. 26:25; Rom. 13:7; 1 Pit. 2:13, 14)

   2. Ta eo Dri Pharisee ro r’ar kajeoñ in kajerbale ñõn bõpraek armij jen air erom Dri Kristin ro, im ewi wãwen dri tel ro an kabuñ ko ilo ran kein r’ar kajerbal wãwen ko einlok wõt? (Mat. 23:13; Luk 11:52; Jon 9:22; 12:42; 1 Tes. 2:16)

2. Konono Matu 24:1-14.

   1. Ewi wãwen an Matu 24:13 kalikar kin aorõkin kijenmij?

   2. Ta melelen nan eo “jemlokõn” ilo Matu 24:13? (Mat. 16:27; Rom. 14:10-12; 2 Kor. 5:10)

3. Konono Mark 13:3-10.

   Ta nan eo ilo Mark 13:10 ej kwalok kin aorõkin kwalok nan kin news eo emõn, im ewi wãwen nan ko an Jisõs ren kar jelet kij? (Rom. 13:11, 12; 1 Kor. 7:29-31; 2 Tim. 4:2)

Katak 99

Iloan Juõn Rum I-Tulõñ

1. Einwõt kar walok ilo pija eo, etke Jisõs im dri jilek ro 12 r’ar bed ilo boõn juõn em?

2. Wõn leo ej kab diojlok, im ta eo enaj kõmõne?

3. Ta kejota eo ejejuan Jisõs ej jinoe elikin kwojkwoj in Kijone eo?

4. Kwojkwoj in Kijone eo e ar kakememej Dri Israel ro kin ta men eo e ar walok, im kejota in ejejuan ej kakememej dri kalor ro an Jisõs kin ta?

5. Elikin Kejota eo an Iroij, ta eo Jisõs ej jiroñ dri kalor ro an, im ta eo rej kõmõne?

Kajitõk ko jet:

1. Konono Matu 26:14-30.

   1. Ewi wãwen an Matu 26:15 kwalok bwe Judas e ar lukkun melele kin ta eo e ar kõmõne ke e ar ketak Jisõs?

   2. Ta un eo ewõr ruo miãñõn unin an kar Jisõs katorlok bõtõktõkin? (Mat. 26:27, 28; Jer. 31:31-33, NW; Ep. 1:7; Hib. 9:19, 20)

2. Konono Luk 22:1-39.

   Ilo wãwen et eo Satan e ar miok iben Judas? (Luk 22:3; Jon 13:2; Jerb. 1:24, 25)

3. Konono Jon 13:1-20.

   1. Ekkar ñõn Jon 13:2, jemaroñ ke naruõn Judas kin ta eo e ar kõmõne, im ta eo dri karejar ro an Anij remaroñ katak kake jen men in? (Jen. 4:7; 2 Kor. 2:11; Gal. 6:1; Jem. 1:13, 14)

   2. Ta katak eo ekajur Jisõs e ar letok? (Jon 13:15; Mat. 23:11; 1 Pit. 2:21)

4. Konono Jon 17:1-26.

   Ilo wãwen et eo Jisõs e ar jar bwe dri kalor ro an ren “juõn wõt”? (Jon 17:11, 21-23; Rom. 13:8; 14:19; Kol. 3:14)

Katak 100

Jisõs Ilo Jikin Kallip Eo

1. Jisõs im dri jilek ro an r’ar etal ñõn ia elikin air to jen bo eo, im ta eo ej jiroñ ir bwe ren kõmõne?

2. Ta eo Jisõs ej loe ke ej jeblaklok ñõn ijo jikin dri jilek ro, im jete alen men in ej walok?

3. Wõn eo ej deloñe jikin kallip eo, im ta eo Judas Iskariõt ej kõmõne, einwõt ad loe ilo pija eo?

4. Etke Judas ej umaik Jisõs, im ta eo Piter ej kõmõne?

5. Ta eo Jisõs ej ba ñõn Piter, ak etke Jisõs ejjab kajitõk iben Anij bwe en jilkintok enjel ro?

Kajitõk ko jet:

1. Konono Matu 26:36-56.

   1. Ilo wãwen et eo Jisõs e ar kakabilek dri kalor ro an ej juõn joñok emõn ñõn Kristin elder ro ilo ran kein? (Mat. 20:25-28; 26:40, 41; Gal. 5:17; Ep. 4:29, 31, 32)

   2. Kar ewi lemnõk eo an Jisõs kin ad kajerbal kein tarinae ko ilo kanniek nae armij ro mõttad? (Mat. 26:52; Luk 6:27, 28; Jon 18:36)

2. Konono Luk 22:39-53.

   Ke juõn enjel e ar weaktok iman Jisõs ilo jikin kallip in Gethsemane ñõn kakajur e, men in e ar kalikar ke bwe Jisõs e ar jino mõjno ilo tõmak ak bere? Kamelele. (Luk 22:41-43; Ais. 49:8, NW; Mat. 4:10, 11; Hib. 5:7)

3. Konono Jon 18:1-12.

   Ewi wãwen an kar Jisõs kejbãrok dri kalor ro an jen dri kijirãt ro, im ta eo jemaroñ katak jen joñok in? (Jon 10:11, 12; 18:1, 6-9; Hib. 13:6; Jem. 2:25)

Katak 101

Re Mõn Jisõs

1. Elaptata wõn eo e ar urõt Jisõs?

2. Ta eo dri jilek ro rej kõmõne ke dri tel in kabuñ ro rej jibwe Jisõs?

3. Ta eo ej walok ilo mweo imõn priest eo elap, Kaiepas?

4. Etke Piter e ar illok im jañ?

5. Elikin air karol Jisõs ñõn Pailat, ta eo priest ro reutiej rej lamõj im ba?

6. Ta eo ej walok ñõn Jisõs ilo raelepen Friday eo, im ta eo ej kallimuri dri nana eo ej toto ion alal eo iturin?

7. Paradise eo Jisõs e ar konono kake enaj bed ia?

Kajitõk ko jet:

1. Konono Matu 26:57-75.

   Ilo wãwen et eo ro uan mõn ekajet eo an Dri Jew r’ar kwalok bwe enana burueir? (Mat. 26:59, 67, 68)

2. Konono Matu 27:1-50.

   Etke jemaroñ ba bwe buromõj eo an Judas e ar mol? (Mat. 27:3, 4; Mark 3:29; 14:21; 2 Kor. 7:10, 11)

3. Konono Luk 22:54-71.

   Ta eo jemaroñ katak kake kin an kar Piter karmijeteik Jisõs ilo boñin eo r’ar ketak e? (Luk 22:60-62; Mat. 26:31-35; 1 Kor. 10:12)

4. Konono Luk 23:1-49.

   Kar ewi lemnõk eo an Jisõs ke r’ar ekajete e ilo jab jimwe, im ta eo jemaroñ katak jen men in? (Luk 23:33, 34; Rom. 12:17-19; 1 Pit. 2:23)

5. Konono Jon 18:12-40.

   Meñe Piter e ar mijak armij iumin jidik ien, kin an ukwelok im erom juõn dri jilek elukkun emõn e ar kamol ta? (Jon 18:25-27; 1 Kor. 4:2; 1 Pit. 3:14, 15; 5:8, 9)

6. Konono Jon 19:1-30.

   1. Ta lemnõk eo ej jokkin wõt juõn kin menko ilo kanniek e ar bed iben Jisõs? (Jon 2:1, 2, 9, 10; 19:23, 24; Mat. 6:31, 32; 8:20)

   2. Ewi wãwen nan ko an Jisõs mokta wõt jen an kar mij kamol bwe e ar tiljek ñõn iroij bõtata eo an Jeova? (Jon 16:33; 19:30; 2 Pit. 3:14; 1 Jon 5:4)

Katak 102

E Mour Jisõs

1. Wõn kõrã eo ilo pija in, wõn lõmaro ruo, im rej bed ia?

2. Etke Pailat ej jiroñ priest ro bwe ren jilkinlok dri tarinae ro ñõn lũp eo lũpen Jisõs im waje?

3. Ta eo juõn enjel ej kõmõne ilo rantak in ran eo kein kajilu elikin an Jisõs mij, ak ta eo priest ro rej kõmõne?

4. Etke jet kõrã rej bwilõñ ke rej etal ñõn lũp eo lũpen Jisõs?

5. Etke Piter im Jon rej ettõrlok ñõn lũp eo lũpen Jisõs, im ta eo rej loe?

6. Ta eo e ar walok ñõn enbwinin Jisõs, ak ta eo ej kõmõne ñõn kwalok ñõn dri kalor ro an bwe ej mour wõt?

Kajitõk ko jet:

1. Konono Matu 27:62-66 im 28:1-15.

   Ilo ien jerkakbiji eo an Jisõs, ewi wãwen an priest ro reutiej, Dri Pharisee ro, im emaan ro reritto kar jerawiwi nae jitõb kwojarjar eo? (Mat. 12:24, 31, 32; 28:11-15)

2. Konono Luk 24:1-12.

   Ewi wãwen an bwebwenato eo kin jerkakbiji eo an Jisõs kwalok bwe Jeova ej kaorõk kõrã ro einwõt dri kennan ro retiljek? (Luk 24:4, 9, 10; Mat. 28:1-7)

3. Konono Jon 20:1-12.

   Ewi wãwen an Jon 20:8, 9 jibañ kij ñõn kile aikwij eo ñõn kwalok meanwõd elañe jejjab lukkun melele kin wãwen an juõn kanan ilo Bible eo jejjet kitien? (Ken. 4:18; Mat. 17:22, 23; Luk 24:5-8; Jon 16:12)

Katak 103

Ñõn Iloan Juõn Rum Ekilõk

1. Ta eo Mary ej ba ñõn juõn emaan eo e ar lemnõk e ar juõn dri kallip, ak ta eo e ar kamakite bwe en jelã bwe leo e ar Jisõs?

2. Ta eo ej walok ñõn dri kalor ro ruo rej etal ñõn bukwon eo Emmeõs?

3. Ta men eo ekabwilõñlõñ ej walok ke ruo dri kalor rej jiroñ dri jilek ro bwe r’ar lo Jisõs?

4. Jete alen an kar Jisõs weaklok iman mejen dri kalor ro an?

5. Ta eo Tomas ej ba ke ej roñ bwe dri kalor ro r’ar lo Iroij eo, ak ta eo e ar walok ralitõk ran ko tokelik?

Kajitõk ko jet:

1. Konono Jon 20:11-29.

   Ilo Jon 20:23 Jisõs e ar ba ke bwe ewõr an armij ro maroñ ñõn jolok bwid ko an armij? Kamelele. (Sam 49:2, 7; Ais. 55:7, NW; 1 Tim. 2:5, 6; 1 Jon 2:1, 2)

2. Konono Luk 24:13-43.

   Ewi wãwen ad maroñ keboje buruõd bwe en bojak in bõk mol ko an Bible? (Luk 24:32, 33; Ezra 7:10; Mat. 5:3; Jerb. 16:14; Hib. 5:11-14)

Katak 104

Jisõs Ej Jeblaklok Ñõn Lõñ

1. Ilo juõn ien jete dri kalor ro r’ar lo Jisõs, im ta eo ej bwebwenato kake ibbeir?

2. Ta in Ailiñ eo an Anij, im ñe Jisõs ej iroij einwõt King iumin juõn thousand yiõ ko, mour ion lõl enaj einwõt ta?

3. Iumin jete ran ko Jisõs e ar weaklok iman mejen dri kalor ro an, ak emottok ien kiõ bwe en kõmman ta?

4. Mokta wõt jen an illok jen dri kalor ro an, ta eo Jisõs ej jiroñ ir bwe ren kõmõne?

5. Ta eo ej walok ilo pija in, im ewi wãwen an Jisõs tilekek jen mejen armij?

Kajitõk ko jet:

1. Konono 1 Dri Korint 15:3-8.

   Etke dri jilek Paul e ar maroñ konono ilo ejelok bere kin kajerkakbiji eo an Jisõs, im Dri Kristin ro remaroñ liki kin ta menko ilo ran kein? (1 Kor. 15:4, 7, 8; Ais. 2:2, 3, NW; Mat. 24:14; 2 Tim. 3:1-5)

2. Konono Jerbal 1:1-11.

   Kar ewi joñan an jerbal in kwalok nan jededlok, ekkar ñõn Jerb. 1:8? (Jerb. 6:7; 9:31; 11:19-21; Kol. 1:23)

Katak 105

Kõttar Ilo Jerusalem

1. Einwõt an pija eo kwalok, ta eo ej walok ñõn dri kalor ro an Jisõs ke rej kõttar ilo Jerusalem?

2. Ta men in bwilõñ eo ro rej lolok Jerusalem rej bõke?

3. Ta eo Piter ej kamelele kake ñõn armij ro?

4. Ewi wãwen an armij ro lemnõk elikin air ronjake Piter, im ta eo ej jiroñ ir bwe ren kõmõne?

5. Jete armij r’ar baptais ilo ran in Pentecost, 33 C.E.?

Kajitõk ko jet:

1. Konono Jerbal 2:1-47.

   1. Ewi wãwen nan ko an Piter ilo Jerbal 2:23, 36 kwalok bwe aolepen ailiñ eo an Dri Jew ro e ar bõk ruõn kin mij eo an Jisõs? (1 Tes. 2:14, 15)

   2. Ewi wãwen an kar Piter likit juõn joñok emõn ñõn kõmmanwa jen Jeje ko? (Jerb. 2:16, 17, 29, 31, 36, 39; Kol. 4:6)

   3. Ewi wãwen an kar Piter kajerbal key eo kein kajuõn ian “ki ko ki in ailiñ in lõñ,” Jisõs e ar kallimur in lelok e? (Jerb. 2:14, 22-24, 37, 38; Mat. 16:19)

Katak 106

Dreor Jen Prisõn

1. Ta eo ej walok ñõn Piter im Jon juõn elikin raelep ke r’ar etal ñõn temple eo?

2. Ta eo Piter ej ba ñõn juõn emaan ekirro, im ta eo ej lelok ñõn e elaplok aorõkin jen money?

3. Etke dri tel ro an kabuñ rej illu, im ta eo rej kõmõne ñõn Piter im Jon?

4. Ta eo Piter ej ba ñõn dri tel ro an kabuñ, im ta nan in kakkõl eo dri jilek ro rej bõke?

5. Etke dri tel ro an kabuñ rej junmade, ak ta eo ej walok ke rej kalbuj dri jilek ro alen eo kein karuo?

6. Ewi wãwen an dri jilek ro uak ke rej ãñinlok ir ñõn imõn ekajet eo Sanhidrin?

Kajitõk ko jet:

1. Konono Jerbal 3:1-10.

   Meñe ejelok ad maroñ ñõn kõmõne men in bwilõñ ko ilo ran kein, ewi wãwen an nan ko an Piter ilo Jerb. 3:6 jibañ kij ñõn kaorõk ennan eo an Ailiñ eo? (Jon 17:3; 2 Kor. 5:18-20; Pil. 3:8)

2. Konono Jerbal 4:1-31.

   Ñe jej wõnmae jumae ilo jerbal in kwalok nan, ilo wãwen et eo jej aikwij kajeoñe Kristin ro jeid im jatid ilo ebeben eo kein kajuõn? (Jerb. 4:29, 31; Ep. 6:18-20; 1 Tes. 2:2)

3. Konono Jerbal 5:17-42.

   Ewi wãwen an ro rejjab Dri Kennan ro an Jeova, ilo ien ko mokta im kiõ, kwalok kõmmanwa ñõn jerbal in kwalok nan? (Jerb. 5:34-39)

Katak 107

Rej Kare Stipen Kin Dreka

1. Wõn in Stipen, im Anij e ar jibañ e bwe en kõmman ta?

2. Ta eo Stipen ej ba im ej kaillu dri tel ro an kabuñ?

3. Ke rej kekaak Stipen ilikin jikin kwelok eo, ta eo r’ar kõmman ñõn e?

4. Ilo pija eo, wõn likao eo ej jutak iturin kobe ko?

5. Mokta jen an mij, ta eo Stipen ej jar kake ñõn Jeova?

6. Ñan kajeoñe Stipen, ta eo jej aikwij kõmõne ñe juõn armij ej kõmman nana nae kij?

Kajitõk ko jet:

1. Konono Jerbal 6:8-15.

   Ta manit ko retao dri tel ro an kabuñ r’ar kajerbali ñõn kabõjrak jerbal in kwalok nan eo an Dri Kennan ro an Jeova? (Jerb. 6:9, 11, 13)

2. Konono Jerbal 7:1-60.

   1. Ta eo e ar jibañ Stipen bwe en bolemen ilo an jojomare news eo emõn iman mejen Sanhedrin, im ta eo jemaroñ katak kake jen joñok eo an? (Jerb. 7:51-53; Rom. 15:4; 2 Tim. 3:14-17, 1 Pit. 3:15)

   2. Ta lemnõk eo jej aikwiji ikijen ro rej jumae jerbal eo ad? (Jerb. 7:58-60; Mat. 5:44; Luk 23:33, 34)

Katak 108

Ilo Ial Eo Ñõn Damaskõs

1. Ta eo Saul ej kõmõne elikin air urõt Stipen?

2. Ke Saul ej etal ñõn Damaskõs, ta men in bwilõñ eo ej walok?

3. Ta eo Jisõs ej jiroñ Saul bwe en kõmõne?

4. Ta nan in jiroñ ko Jisõs ej lelok ñõn Ananias, im ewi wãwen Saul e ar bar lolokjen?

5. Kin ta ãt eo etan Saul r’ar jelã kajjen, im ewi wãwen r’ar kajerbal e?

Kajitõk ko jet:

1. Konono Jerbal 8:1-4.

   Ewi wãwen matõrtõr e ar jelet Kristin congregation eo ekãl e ar kajededlok tõmak eo an Kristin, im ta men eo einlok wõt e ar walok ilo ran kein ad? (Jerb. 8:4; Ais. 54:17, NW)

2. Konono Jerbal 9:1-20.

   Tajerbal eo jilu miãñõn Jisõs e ar kõnan bwe Saul en kõmõne? (Jerb. 9:15; 13:5; 26:1; 27:24; Rom. 11:13)

3. Konono Jerbal 22:6-16.

   Ewi wãwen ad maroñ einwõt Ananias, im etke men in ej aorõk? (Jerb. 22:12; 1 Tim. 3:7; 1 Pit. 1:14-16; 2:12)

4. Konono Jerbal 26:8-20.

   Ewi wãwen oktak eo an Saul ñõn kabuñ in Kristin ej einwõt juõn men in rejañ ñõn ro ewõr dri belele ro mõttair rejjab tõmak ilo ran kein? (Jerb. 26:11; 1 Tim. 1:14-16; 2 Tim. 4:2; 1 Pit. 3:1-3)

Katak 109

Piter Ej Lolok Korniliõs

1. Wõn emaan eo ej bukwelõlõ ilo pija in?

2. Ta eo juõn enjel ej ba ñõn Korniliõs?

3. Ta eo Anij ej kamaroñ Piter bwe en loe ke ej bed ion bõrwoj in mweo imõn Simon ilo Joppa?

4. Etke Piter ej jiroñ Korniliõs bwe en jab bukwelõlõ im kabuñ ñõn e?

5. Etke Dri Jew dri kalor ro iben Piter rej bwilõñ?

6. Ta katak eo eaorõk jemaroñ bõk jen ien eo Piter e ar lolok Korniliõs?

Kajitõk ko jet:

1. Konono Jerbal 10:1-48.

   Ta eo nan ko an Piter ilo Jerb. 10:42 rej kwalok kin jerbal in kwalok nan kin news eo emõn kin Ailiñ eo? (Mat. 28:19; Mark 13:10; Jerb. 1:8)

2. Konono Jerbal 11:1-18.

   Kar ta lemnõk eo an Piter ke lemnõk eo an Jeova kin Dri Gentile ro e ar alikar, im ewi wãwen ad maroñ kajeoñe joñok eo an? (Jerb. 11:17, 18; 2 Kor. 10:5; Ep. 5:17)

Katak 110

Timote—Dri Jibañ Eo Ekãl An Paul

1. Wõn likao eo ilo Pija in, ia eo ej jokwe ie, im etan jinen im jibwin?

2. Ta eo Timote ej ba ke Paul ej kajitõk elañe ekõnan jerbal iben Sailas im Paul im kwalok nan iben armij ro ilo jikin ko retolok?

3. Ia eo moktata r’ar naetan dri kalor ro an Jisõs einwõt Dri Kristin ro?

4. Elikin an Paul, Sailas, im Timote illok jen Antiok, ta jet ian jikin kwelok ko r’ar lolok?

5. Ewi wåwen an Timote jibañ Paul, im ta kajitõk eo jodikdik ro ilo ran kein rej aikwij kaiitõk ibbeir make?

Kajitõk ko jet:

1. Konono Jerbal 9:19-30.

   Ewi wãwen an kar Paul kwalok meletlet ke r’ar jumae e kin an kwalok nan kin news eo emõn? (Jerb. 9:22-25, 29, 30; Mat. 10:16)

2. Konono Jerbal 11:19-26.

   Ewi wãwen an bwebwenato eo ilo Jerb. 11:19-21, 26 kwalok bwe jitõbõn Jeova ej tel jerbal in kwalok nan?

3. Konono Jerbal 13:13-16, 42-52.

   Ewi wãwen an Jerb. 13:51, 52 kwalok bwe dri kalor ro r’ar jab kõtlok bwe jumae en kabwer ir? (Mat. 10:14; Jerb. 18:6; 1 Pit. 4:14)

4. Konono Jerbal 14:1-6, 19-28.

   Ewi wãwen nan eo “rejro [rar] lelok ir ñõn Iroij” ej kejbãrok kij jen jabdewõt inebata ñe jej jibañ ro rekãl? (Jerb. 14:21-23; 20:32; Jon 6:44)

5. Konono Jerbal 16:1-5.

   Ewi wãwen mõnõnõ eo an Timote ñõn kõttãik e bwe en mwijmwij ej kalikar aorõkin kõmõnemõn “men ko otemjej kin news eo emõn”? (Jerb. 16:3; 1 Kor. 9:23, NW; 1 Tes. 2:8)

6. Konono Jerbal 18:1-11, 18-22.

   Ta eo Jerb. 18:9, 10 ej ba kin an Jisõs make tel jerbal in kwalok nan, im ta eo jej liki kake ilo ran kein? (Mat. 28:20)

Katak 111

Ladrik Eo E Ar Kiki

1. Ilo Pija in, wõn ladik eo ej babu ion lal, im ta eo e ar walok ñõn e?

2. Ta eo Paul ej kõmõne ke ej lo bwe emij ladik eo?

3. Paul, Timote, im ro rej itoitak ibbeir rej etal ñõn ia, im ta eo ej walok ke rej bõjrak ilo Miletus?

4. Ta nan in kakkõl eo dri kanan eo Agabus ej lelok ñõn Paul, im ta eo ej walok einwõt an kar dri kanan eo ba?

Kajitõk ko jet:

1. Konono Jerbal 20:7-38.

   1. Ewi wãwen ad maroñ “[er]reo jen bõtõktõkin armij otemjej,” ekkar ñõn nan ko an Paul ilo Jerb. 20:26, 27? (Ezek. 33:8, NW; Jerb. 18:6, 7)

   2. Etke elder ro rej aikwij “drebij wõt nan emol” ñe rej katakin armij? (Jerb. 20:17, 29, 30; Tai. 1:7-9; 2 Tim. 1:13)

2. Konono Jerbal 26:24-32.

   Ewi wãwen an Paul kajerbal maroñ eo an einwõt juõn Dri Rom ñõn kajejjet kitien jerbal in kwalok nan eo an Jisõs e ar lelok ñõn e? (Jerb. 9:15; 16:37, 38; 25:11, 12; 26:32; Luk 21:12, 13)

Katak 112

E Rup Wa Eo Ilo Juõn Ene

1. Ta eo ej walok ñõn wa eo Paul ej uwe ion ke ej ebak ñõn enen Krit?

2. Ta eo Paul ej ba ñõn ro rej uwe ion wa eo?

3. Ewi wãwen an wa eo rup im bedakilkil?

4. Ta eo juõn kapen in dri tarinae ej jiroñ ir, im jete armij rej ellã im mour im wanene lok ñõn ene eo?

5. Etan ene eo rej wanene lok ñõn e, im ta eo ej walok ñõn Paul ke ej emõn lañ?

Kajitõk ko jet:

1. Konono Jerbal 27:1-44.

   Ewi wãwen liki eo ad kin an Bible eo jejjet im jimwe ej kajurlok ñe jej read kin itoitak eo an Paul ñõn Rom? (Jerb. 27:16-19, 27-32; Luk 1:3; 2 Tim. 3:16, 17)

2. Konono Jerbal 28:1-14.

   Elañe ro dri enen Malta r’ar jab “rik air kõmõnemõn joij,” Dri Kristin ro rej aikwij emmakit im kwalok ta im ilo wãwen et eo ejej uan? (Jerb. 28: 1, 2; Hib. 13:1, 2; 1 Pit. 4:9)

Katak 113

Paul Ilo Rom

1. Paul ej kwalok nan iben wõn ro ke e ar bed ilo kalbuj ilo Rom?

2. Ilo pija in, wõn dri lolok eo iturin table eo, im ta eo Paul ej kõmõne?

3. Wõn in Epaprodaitõs, im ta eo ej bõke iben ke ej jeblak ñõn Pilippai?

4. Etke Paul e ar jejelok ñõn Pailimõn eo jeran?

5. Ta eo Paul ej kõmõne ke rej kõtlok e, im ta eo ej walok ñõn e tokelik?

6. Jeova ej kajerbal woñ ñõn jeje book ko eliktata ilo Bible eo, im ta eo book in Reveles̃õn ej jiroñ kij kake?

Kajitõk ko jet:

1. Konono Jerbal 28:16-31 im Dri Pilippai 1:13.

   Ewi wãwen an kar Paul kajerbal ien eo an ke e ar bed ilo kalbuj ilo Rom, im ewi wãwen tõmak eo an e ar jelet Kristin congregation eo? (Jerb. 28:23, 30; Pil. 1:14)

2. Konono Dri Pilippai 2:19-30.

   Ta nan in kamolol ko Paul e ar kwaloki kin Timote im Epaprodaitõs, im ewi wãwen ad maroñ kajeoñe joñok eo an Paul? (Pil. 2:20, 22, 25, 29, 30; 1 Kor. 16:18; 1 Tes. 5:12, 13)

3. Konono Pailimõn 1-25.

   1. Ion bedbed et eo Paul e ar rejañ Pailimõn bwe en kõmman men eo ejimwe, im ewi wãwen men in ej einwõt juõn wanjoñok ñõn elder ro ilo ran kein? (Pail. 9; 2 Kor. 8:8; Gal. 5:13)

   2. Ewi wãwen an nan ko an Paul ilo Pailimõn 13, 14 kwalok bwe e ar kautiej bõklikit eo an armij ro jet ilo congregation eo? (1 Kor. 8:7, 13; 10:31-33)

4. Konono 2 Timote 4:7-9.

   Einwõt dri jilek Paul, ewi wãwen ad maroñ liki bwe Jeova enaj kajerammõn kij elañe jej tiljek wõt ñõn jemlokin? (Mat. 24:13; Hib. 6:10)

Katak 114

Jemlokin Nana Otemjej

1. Etke Bible eo ej konono kin horse ko ilañ?

2. Etan tarinae eo an Anij nae armij ro renana ion lal, im ta unin tarinae in?

3. Jen pija eo, wõn eo ej bed iman tarinae eo, etke ej kõnak juõn belin, im ta melelen jãji eo an?

4. Ñe jej reiliklok ñõn Bwebwenato ko 10, 15, im 33, etke jejjab aikwij bwilõñ bwe Anij enaj kokkure armij ro renana?

5. Ewi wãwen an Bwebwenato ko 36 im 76 kwalok bwe Anij enaj kokkure armij ro renana meñe rej kabuñ ñõn e?

Kajitõk ko jet:

1. Konono Reveles̃õn 19:11-16.

   1. Ewi wãwen an Jeje ko kalikar bwe Jisõs Kraist ej uwe ion horse eo emouj? (Rev. 1:5; 3:14; 19:11; Ais. 11:4, NW)

   2. Ewi wãwen an bõtõktõk eo ej kabõtõktõk nuknuk eo an Jisõs kamol bwe anjo eo an ej jejjet im eyu? (Rev. 14:18-20; 19:13; Ais. 63:1-6, NW)

   3. Bar wõn ro rej koba iben dri tarinae ro rej lor Jisõs ke ej uwe ion horse eo an emouj? (Rev 12:7; 19:14; Mat. 25:31, 32)

Katak 115

Juõn Paredais Ekãl Ion Lõl

1. Ta wãwen ko Bible ej kalikar bwe jenaj lo monõnõ ilo Paredais eo ion lal?

2. Ta kallimur eo Bible ej kwalok kin ro renaj jokwe ilo Paredais?

3. Ñããt eo Jisõs enaj kõmman oktak in ekabwilõñlôñ?

4. Ke Jisõs e ar bed ion lal, ta eo e ar kõmõne ñõn kwalok kin ta eo enaj kõmõne ñe ej King ilo Ailiñ eo an Anij?

5. Ta eo Jisõs im iroij ro mõttan renaj kajejjete ñe rej iroij ion lõl jen lañ?

Kajitõk ko jet:

1. Konono Reveles̃õn 5:9, 10.

   Etke jemaroñ liki bwe ro rej iroij ion lõl iumin Juõn Thousand Yiõ ko renaj einwõt king im priest ro rej joij im tiriamokake armij? (Ep. 4:20-24; 1 Pit. 1:7; 3:8; 5:6-10)

2. Konono Reveles̃õn 14:1-3.

   Ãt eo etan Jemed im etan Lam eo ion deman 144,000 ro rej kõkkar kin ta? (1 Kor. 3:23; 2 Tim. 2:19; Rev. 3:12)

Katak 116

Wãwen Ar Maroñ Mour In Drio

1. Ta eo jej aikwij jelã kake elañe jekõnan mour indio?

2. Ewi wãwen ad maroñ katak kin Jeova im Jisõs, einwõt an ledik eo im ro jeran kõmõne ilo pija eo?

3. Bar ta book eo kwoj loe ilo pija eo, im etke ekkã am aikwij konono jen e?

4. Ijellokin am katak kin Jeova im Jisõs, bar ta eo kwoj aikwiji ñõn bõk mour indio?

5. Ta eo jej katak kake jen Bwebwenato 69?

6. Ta eo joñok eo emõn an Samuel ilo Bwebwenato 55 ej kwalok?

7. Ewi wãwen ad maroñ lore joñok eo an Jisõs Kraist, im elañe jej lore, ta eo jenaj kõmõne ilo ran ko tokelik?

Kajitõk ko jet:

1. Konono Jon 17:3.

   Ewi wãwen an Jeje ko kwalok bwe ad bõk jelãlokjen kin Jeova Anij im Jisõs Kraist elaplok melelen jen ad baj kili katak ko remol? (Mat. 7:21; Jem. 2:18-20; 1 Jon 2:17)

2. Konono Sam 145:1-21.

   1. Ta jet ian un ko unin ad kõnan nebar Jeova? (Sam 145:8-11; Rev. 4:11)

   2. Ewi wãwen an Jeova “emõn ñõn ro otemjej,” im ewi wãwen an men in karuaklok kij ñõn e? (Sam 145:9; Mat. 5:43-45)

   3. Elañe jej yokwe Jeova kin aolepen buruõd, ta eo enaj kamakit kij bwe jen kõmõne? (Sam 119:171, 172, 175; 145:11, 12, 21)