Ulbanka wahia pas ba

PAMALI asla takanka ba naha tasba ra kau piu wihka brisa. Sakuna naiwa piua ra uba trabil brisa. Druga yus munaia lâka ba kau ailal takan, rug takaia lâka ba wahma tiara nani tilara sa. Baha wina, dibors takaia lâka kau pâwisa bara rau munan lâka kau bâra sa. Aisa yapti yakan ai luhpia nani paki ba kau ailal takisa, bara trabil wala nani taki ba mita upla nani lukisa pamali ba danh âpu kabia.

¿Natka kum bâra sa pamali ba asla lâka bara kupia kumi lâka ra iwaia hilp munbia? Âu. Kumi bani pamali liliaka ba nahki pliki sakaia ba tânka briaia sa. Naha tânka ba diara yukukan kum baku apia sa. Mani ailal luan ra ulban bara upla manis ai rayaka ra alki daukan. ¿Naha tânka ba ani sa? Naha bukka, Pamali liliaka ba Nahki pliki sakaia, ansika wankisa. Baku sin, sampla pain nani takisa pamali trabilka nani ba wapnika mangkaia dukiara. ¿Naiwa piua ra upla kum bâra sa ki naha sât ulbi sakanka ba nit apia ba?