PÎSKA 7

¿Jisas ba ya kan ki?

Jehova Jisas ra naha tasba ra blikan (1 Jan 4:9)

Jisas bâra sa Gad aihkika sait ra hibin ra

Yawan Jehova kupia lilia daukaia want sa kaka, ai Luhpia bîla walaia sa. Jehova Adam ra paskras kainara, insal karnakira kum paskan.

Meri kwihra sa ba wina pat Jisas aisuban

Piu luan ba ra, Jehova yaban naha insalka Betlehem tawanka wina tiara yamni kum nina Meri bâk aisubi takbia. Baha tuktan nina ba Jisas mâkan (Jan 6:38).

Jisas upla nani ra Jehova tânka ba smalkisa

Jisas naha tasba ra iwan piua ra, Jehova daukanka painkira nani kasak pali marikan. Witin upla pain kan bara latwan lâka marikan, baha mita upla nani ba witin wal kaia want kan. Bara sibrin âpukira Jehova tânka ba smalkan.

Jisas diara yamni daukan, sakuna upla nani mita ban misbara kaikan (1 Pita 2:21-24)

Jisas ba tukta mairin pruan ba wina bukisa bara waitna kum ra ai sikniska wina rakisa

Jisas upla siknis nani ra rakan bara upla pruan kum kum ra sin bukan.

Rilidian tâ bri uplika nani ba Jisas ra misbara kaiki kan, kan witin nani ai kuninka, bara ai daukanka saura nani param sakan.

Rilidian tâ bri uplika nani ba yaban Roman wihtka nani ba Jisas ra rau sauhki ikan.