Tasba ba ai bîla kwâki awalka langkan

Piu luan nani wina, gabamint tâ bri nani ba aima ailal Jehova uplika nani ra hilp munan (Esd 6:1-12; Est 8:10-13). Naiwa piua kat sin yawan kaikan sa “tasba mita” —naha tasba asla takanka nani upla ra hilp muni ba— “awalka” ba ra langkan sa, wibia kaka, Sitan dragun tara wan nina bliki rau sauhkanka ba alki takaskan sa (Par.M 12:16). Jehova sika, “Gâd swaki wan saki ba”, aima ailal gabamint uplika nani bâk hilp wan munan sa (Law 68:20; S.L 21:1).

Sakuna, ¿man kasakkam lukan lâka mita silak ra sma ki? Kupiam krauks, Jehova main mai kaikisa (Bla.St 39:21-23; Law 105:17-20). Kasak pali luks, kasakkam lukan lâka tâwan Gâd yamni mai munbia bara dîa daukisma ba wal tasba aiska muihni bara lakri nani ai kasakka lukan lâka ba sin karna daukbia (Pil 1:12-14; Par.M 2:10).

COREA MUIHKA NANI BA SILAK WATLA WINA PRI TAKISA LILKIKA KAIKBIA NINGKARA, NAHA MAKABI WALANKA NANI LAKI KAIKS:

• ¿Corea del Sur tausin tausin muihka nani ba dîa muni mani ailal silak ra mangkan ki?

• Lâ daukaia watla wihta nani aisanka nani wal, ¿nahki wan muihka nani ra hilp munan kau kainara silak watla wina pri takaia dukiara?

• ¿Naiwa piua ra tasba aiska muihni bara lakri nani silak ra mangkan ba yawan nahki hilp munaia sip sa ki?

• ¿Naiwa piua ra yawan pri lâka bri ba nahki sip sa pain yus munaia?

• ¿Lâ daukaia watla nani ra win takanka yawan brin ba tâwan yaura prana yabaia sa ki?