MAYO 6-12

LAWANA NANI 36, 37

**Lawana sjj 87 bara pura sunra | Tâ krikaia bîla nani** (1 min.)

BAIBIL WINA DIARA MANAKIRA BA

1. “Kupiam sauhkpara watawikira nani diara dauki ba kaiki”

(10 min.)

Watawikira nani tâka yawan panis wahwisa bara trabil ailal brisa (Law 36:1-4; w17.04-S 10 baiki s. 4).

“Watawikira nani” dîa dauki ba kaiki wan kupia sauhkaia ba sin ambuk wan munisa (Law 37:1, 7, 8; w22.06 10 baiki s. 10).

Jehova pramiska nani ra kasak lukaia ba âuyapah lâka wankisa (Law 37:10, 11; w03-S 1/12 13 baiki s. 20).

Kristian mairin kum ai teleponka ra naha tasba ra dîa taki ba dukiara sturka nani kaiki uba wari takisa. Naha lilkika nani tilara sa, upla nani praut taki ba, polis kum lâ sauhki ba, suldawa nani raks nani wal bulit nani lulki ba, truk park muni pliska ra waitna kum pistal wal tauki ba, upla nani diara atki pliska wina implikan dukia nani brih wapi ba, tawan ra pulitik bisniska tâwan blahwanka taki ba, truk pana pana prukan pliska ra daktar nani hilp muni ba.

SILP MAMKABI WALS: “¿Watawikira nani dukiara tilivisan ra sturka nani aisi ba ra uba sinski mangkisna ki?”.

2. Spirit dukia walpa manakira pliki sakaia

(10 min.)

Law 36:6. Lawana Nani âiulbra ba win: Jehova kasakka lâka ba “il tarka tara nani bâra ba baku tara sa”. ¿Dîa tânka ra naha bîla nani aisan? (it-2-S 424 baiki s. 3).

Dîa lukisma ba uls
¿Naha wikka Baibil aisi kaikanka ra dîa spirit dukia walpa manakira nani sakram?

Dîa lukisma ba uls

3. Baibil aisi kaikanka ba

(4 min.) Law 37:1-23 (th lisin 10).

SMALKAIA WARKKA RA KAU PAIN RIDI TAKAIA

4. Upla wal aisaia tâ kriks

(3 min.) UTLA UTLA RA SMALKAIA. (lmd sapta 1 numba 5).

5. Upla ra kli wih kaiks

(4 min.) BAN WINA SMALKAIA. Jehova witniska nani wal Baibil stadi takaia want apia kan uplika kum ra Baibil stadika kum tâ krikaia kupia buks (lmd sapta 9 numba 4).

6. Aisanka

(5 min.) ijwbv-S 45. Lalka: ¿Lawana Nani 37:4 bîla nani ba dîa tânka sa? (th lisin 13).

KRISTIAN RAYAKA BA

**Lawana sjj 33**

7. ¿“Trabil yua” nani dukiara ridi sma ki?

(15 min.) Wali nani wal laki kaikbia.

Tasba aiska ra muihni lakri nani ba tasba sauhkanka apia kaka trabil wala nani tâka, ai dukia nani bara ai uplika latwankira nani ba lus tiwisa (Law 9:9, 10). Sari sa kuna, baha sât dukia nani wan takaia sip sa. Baha mita ridi kaia ba tânka tara brisa.

¿Trabil kum mapara ridi kaia dukiara yawan dîa daukaia sip sa?a

Sinskam ridi dauks. Yawan pain nu kaia sa tasba sauhkanka apia kaka trabil nani ba, ban wina takaia sip sa. Baha mita kaina manis wina ridi takaia sma. Pas ba dukiam nani brisma ba ra latwan kaikaia apia sma, baha hilp mai munbia wahbi sakanka pain nani briaia (Bla.St 19:16; Law 36:9). Rayakam kau tara kulkaia bara dîa lus tiwram ba tâwan sari lukaia apia (Law 37:19).
Spirit lainka ra ridi taks. Jehova main mai kaikaia want ba bara daukaia sip sa, kasak lukan lâka brisma ba karna dauks (Law 37:18). Piu bani silp kupiam krauki bas Jehova tâm baikaia sip ba, ai napakanka nani ra hilp muni ba bara ai rayaka ra swaki saki ba (Jir 45:5; Law 37:23, 24).

Jehova pramiska nani ra ban lukisa taim, trabil nani piua ra witin yukuwaika kum baku kabia (Law 37:39).

Lilka nani: “¿Trabil sâtka manis dukiara man pat ridi sma ki?” lilkika wina pîska kum kum. 1. Kristian waitna kum Baibil aisi kaikisa. 2. Kabu ripka tara nani. 3. Prari tara. 4. Lisamra tara takan ba ra, upla nani ai dukia ai lal purara twilki wapisa.

¿Trabil sâtka manis dukiara man pat ridi sma ki? LILKIKA ba mangks. Ningkara makabi wals:

¿Trabil kum takisa piua ra Jehova nahki hilp wan munisa?

Dîa lukisma ba uls
¿Ridi takaia dukiara yawan dîa daukaia sip sa?

Dîa lukisma ba uls
¿Tasba sauhkanka apia kaka trabil kum tâka panis wahwi nani ra yawan nahki hilp munaia sip sa?

Dîa lukisma ba uls

8. Kangrigisan Baibil stadika ba

(30 min.) bt sap. 9 baiki s. 8-16.

Tnata prakaia bîla nani (3 min.) | **Lawana sjj 57 bara pura sunra**

a 2017 ¡Despertad! wauhkataya numba 5, wahia 4-6 aisi kaiks.