MAYO 27–JUNIO 2

LAWANA NANI 42-44

**Lawana sjj 86 bara pura sunra | Tâ krikaia bîla nani** (1 min.)

BAIBIL WINA DIARA MANAKIRA BA

1. Jehova smalkanka wina yamnika aiska bris

(10 min.)

Muihni lakri nani aikuki Jehova ra mayunaia sanska kumi sin lus tiwpara (Law 42:4, 5; w06-S 1/6 9 baiki s. 4).

Gâd Bîla stadi takras kainara puram suns (Law 42:8; w12-S 15/1 15 baiki s. 2).

Bara Baibil wina dîa lan takisma ba rayakam aiska ra alki brih dauks (Law 43:3).

Aidrubanka tara kum ra kristian mairin nani ba aman walisa bara dîa wali ba ulbi brisa.

Jehova wina smalkanka nani bali ba karnika wankisa traika kaikanka nani mapara bapi buaia, bara ban kaia ra witin ra wan rayaka yabaia pramiska alki daukaia (1Pi 5:10; w16.09-S 5 baiki s. 11, 12).

2. Spirit dukia walpa manakira pliki sakaia

(10 min.)

Law 42:10, 11. ¿Upla nani wan lawaska kikisa taim dîa muni Jehova ra bîla kaikaia sa? (ijwbq-S 179 baiki s. 2, 3).

Dîa lukisma ba uls
¿Naha wikka Baibil aisi kaikanka ra dîa spirit dukia walpa manakira nani sakram?

Dîa lukisma ba uls

3. Baibil aisi kaikanka ba

(4 min.) Law 44:2-23 (th lisin 11).

SMALKAIA WARKKA RA KAU PAIN RIDI TAKAIA

4. Upla wal aisaia tâ kriks

(4 min.) UTLA UTLA RA SMALKAIA. Baibil stadika kum tâ kriks (lmd sapta 5 numba 5).

5. Disaipil nani dauks

(5 min.) UTLA UTLA RA SMALKAIA. Uplika ra wik tnata aidrubanka ra upla sut dukiara aisanka walaia paiws. ¿Wan aidrubanka nani ba nahki sa? lilkika ba mangks (lmd sapta 7 numba 5).

6. Aisanka

(3 min.) lmd ulbanka tâka 1 numba 4. Lalka: Naika piua ra upla kumi sin siknis takbia apia (th lisin 2).

KRISTIAN RAYAKA BA

**Lawana sjj-S 21**

7. Skul dimi dîa sât warkka briaisma ba pain laki kaiks

(15 min.) Wali nani wal laki kaikbia.

Lilka nani: Kristian wahma kum ba Baibil aisi kaikisa bara skul danh takbia ningkara dîa daukaia luki kaikisa. 1. Witin skul watla ra maestru kum wal aisisa. 2. Witin King lâka Sturka Smalki nani Skulka ra wisa. 3. Kuntri wala ra smalkisa.

Wahma tiara nani, skul kau dimisma kaka, ¿danh takma taim dîa daukaia pat luki kaikram ki? Ban kra tâura smasmalkra takaia dukiara pat warkka kum ra lukisma. Apia kaka baha dukiara kau skul dimaia nit sa lukisma. ¡Naha wahbi sakanka nani ba rayakam ra diara tara kum sa! Bara ban kra diara manis sinskam ra bali ba mita wari takaia sip sma. Apia kaka wala nani dîa daukma taibi mai muni ba baku damra walisma. ¿Wahbi sakanka pain kum daukaia dukiara dîa ba hilp mai munaia sip sa?

Matiu 6:32, 33 aisi kaiks. Ningkara makabi wals:

Skul dimaia apia kaka wark kum briaia laki kaikisma piua ra ¿spirit lainka ra dîa warkka daukaia want sma ba sinskam ra briaia dîa muni tânka tara brisa?

Dîa lukisma ba uls
¿Aisa yapti nani ba ai luhpia nani Matiu 6:32, 33 smalkanka nani alki daukbia hilp munaia dukiara dîa daukaia sip sa? (Law 78:4-7).

Dîa lukisma ba uls

Lalahkira takaia apia kaka upla tilara kulkanka tara briaia brinka ba wahbi sakankam nani ra ambuk munbia swipara (1Jn 2:15, 17). Kupiam krauks upla lalahkira nani mapara Gâd Kingka lâka sturka yamni nani ai kupia ra briaia karna munaia sip sa (Lk 18:24-27). Lalahkira takaia want uplika ba spirit lainka ra pâwaia sip apia sa, kan naha dukia nani ba aikuki asla sip waras sa (Mt 6:24; Mk 8:36).

¡Aihwaki kaiki bas! Diara bahki nani ra kasak lukpara: Lalah LILKIKA ba mangks. Ningkara makabi wals:

¿Wahbi sakanka pain nani daukaia dukiara Sins Lâka 23:4, 5 nahki hilp mai munaia sip sa?

Dîa lukisma ba uls

8. Kangrigisan Baibil stadika ba

(30 min.) bt sap. 10 baiki s. 5-12.