DICIEMBRE 22-28
AISEYA 11-13
Lawana sjj 14 bara pura sunra | Tâ krikaia bîla nani (1 min.)
1. ¿Baibil ba Misaya dukiara dîa smalkisa?
(10 min.)
Jesé kiamka wina bal takbia ai luhpia Debit bâk (Ais 11:1; ip-1-S 159 baiki s. 4, 5).
Jehova Gâd spiritka ba ai purara ban takaski kabia bara Gâd ra sibrin luki kabia (Ais 11:2, 3a; ip-1-S 159 baiki s. 6; 160 baiki s. 8).
Wihta kasakkira kum kabia bara umpira kaikan lâka marikbia (Ais 11:3-5; ip-1-S 160 baiki s. 9; 161 baiki s. 11).
SILP LUKI KAIKAIA DUKIARA: ¿Dîa muni naha tasba wihta nani ba wal Jisas ba kau yamni sa?
2. Spirit dukia walpa manakira pliki sakaia
(10 min.)
Ais 11:10. ¿Naha prapit dahra aisanka ba nahki aimakan sa? (ip-1-S 165, 166 baiki s. 16-18).
¿Naha wikka Baibil aisi kaikanka ra dîa spirit dukia walpa manakira nani sakram?
3. Baibil aisi kaikanka ba
(4 min.) Ais 11:1-12 (th lisin 11).
4. Upla wal aisaia tâ kriks
(3 min.) UTLA UTLA RA SMALKAIA. (lmd smalkanka 2 numba 5).
5. Upla ra kli wih kaiks
(4 min.) UPLA AILAL LUI PLISKA RA SMALKAIA. Wan Internet pliska jw.org yus muns uplika makabi walanka ansa munaia dukiara (lmd smalkanka 8 numba 3).
6. Disaipil nani dauks
(5 min.) Baibil stadi tatakrikam ra hilp muns man wal ridi takaia utla utla ra smalkaia dukiara (lmd smalkanka 11 numba 4).
Lawana sjj 57
7. ¿Upla lâka daukisma taim, kasak lâka ra daukisma ki?
(15 min.) Wali nani wal laki kaikbia.
Yu bani upla nani dukiara yawan lukanka sât sât briaia sip sa, sam taim wan dara walraskira. Ban kra wan nakra ni dîa kaiki wal baman mahka upla lâka daukisa. Kuna wan Smasmalkra Jisas ba upla lâka daukaia tnatka wala brisa (Ais 11:3, 4). Witin ba wan kupia ra dîa bri ba kaikaia sip sa. Wan dara walanka ba bara wan lukanka nani sin pain tânka brisa. Jisas karnika bri ba yawan lika âpu sa, sakuna karna trai munaia sip sa ai daukanka nani ba nina blikaia. Witin ba naku smalkan: “Man nani upla mawan kulki lâ daukpara. Lâ daukisma ba ra, wapni kat lâ ba dauks” (Jn 7:24).
Upla mawan kulki lâka daukisa kaka, wan smalkaia warkka ra param kaikbia: Yawan lilia apia kabia bara wan warkka sin pain daukbia apia. Naha ra luki kaiks: ¿Kiamka apia kaka rilidian wala bri uplika nani ra wih smalkaia karna mai munisa ki? ¿Upla lalahkira iwi pliska ra bara upla umpira nani iwi pliska wal sim kulkanka yabisa ki? Wan nakra ni dîa kaiki wal baman, ¿Yawan lukisa ki uplika ba sturi yamni walaia want apia kabia? Gâd kupia lâka sa “upla sut ba swaki sakan kabia, kasak tânka ba sin witin nani kakaira taki banhbia” (1Ti 2:4).
La Atalaya wina lan takaia: Upla mawan kulki lâka daukaia apia LILKIKA ba mangks. Ningkara makabi wals:
¿Lilkika ra nahki upla mawan kulki lâka dauki kan?
¿Kangrigisan bilara upla mawan kulkaia lâka takbia swisa kaka, nahki muihni lakri nani ra ambuk munaia sip sa?
¿Lilkika ra taki muihni lakri nani ra dîa hilp munan upla mawan kulki lâka daukaia apia dukiara?
¿La Atalaya ulbanka ba wina dîa smalkanka nani sakaia sip kapram?
8. Kangrigisan Baibil stadika ba
(30 min.) lfb smalkanka 46, 47.