¿Israel kuntrika ra Armagedan war aiklabanka ba tâ krikbia ki? | ¿Baibil dîa wisa?

Baibil ba wiras Armagedan war aiklabanka ba plis kumi ra baman takbia, kau ni wisa Gâd tasba aiska gabamintka nani wal war aiklabia.

• “Naha nani sika dibil nani piritka sain tara nani dauki kan ba [...]. Tasba aiska kingka nani asla daukaia taki auya kan, Gâd witinka karnika sut bri ba yua tara warkka ba dukiara [...]. King nani sut plis kumi ra asla daukan, bara pliska ba Hibru bîla ra Armagedan mâkisa” (Param Marikanka 16:14, 16).

Armagedan bîla ba Hibru bîla ra Har Meghiddóhn mâkisa, bara tânka sa “Meguido ilka”. Meguido ba Israel kuntrika ra tawan kum kan baha mita, upla kum kum lukisa Armagedan war aiklabanka ba Israel kuntrika ra tâ krikbia, ban sakuna Meguido tawanka wihki Asia muna tani kuntrika nani sut asla daukbia kra sin, “tasba aiska kingka nani” bara ai suldawika nani sut ba bahara asla takaia sip apia kabia.

Param Marikanka bukka ba ulban taim Gâd âiulbra ra sain tara nani bara yapri sauhkanka aihka nani marikan (Param Marikanka 1:1). Baha mita dîa ulban ba aimakanka tihu kum brisa, tânka kum baku Armagedan wisa taim plis pali kum dukiara aisaras, kau ni naha bîla tânka marikisa naha tasba aiska gabamintka nani sut war aiklabia piua dukiara aisisa (Param Marikanka 19:11-16, 19-21).