Diciembre 23-29
Ridi takaia wauhkataya (2024) | Noviembre

DICIEMBRE 23-29

LAWANA NANI 119:121-176

Lawana sjj 31 bara pura sunra | Tâ krikaia bîla nani (1 min.)

BAIBIL WINA DIARA MANAKIRA BA

1. ¿Trabil nani wina laihura kaia dukiara dîa daukaia sip sna?

(10 min.)

Gâd lâka nani ra latwan kaikaia (Law 119:127; w18.06-S 17 baiki s. 5, 6).

Diara saura nani ra misbara kaikaia (Law 119:128; w93-S 15/4 17 baiki s. 12).

Jehova bîla walaia bara “dahra yamni walras” nani mistikka ra kauhaia apia (Law 119:130, 133; S.L 22:3).

Lalah mâ ailal bara gul ni paskan dusa nani lamara Baibil kum kwâkan sa.

SILP MAMKABI WALS: “¿Gâd lâka nani ra kau latwan kaikaia bara diara saura nani ra kau misbara kaikaia dukiara dîa dukia nani daukaia sip sna?”.

2. Spirit dukia walpa manakira pliki sakaia

(10 min.)

  • Law 119:160. Lawana Nani 119:160 aisi ba baku ¿diaura yawan kasak lukaia sa? (w23.01 2 baiki s. 2).

  • ¿Naha wikka Baibil aisi kaikanka ra dîa spirit dukia walpa manakira nani sakram?

3. Baibil aisi kaikanka ba

(4 min.) Law 119:121-140 (th lisin 2).

SMALKAIA WARKKA RA KAU PAIN RIDI TAKAIA

4. Upla wal aisaia tâ kriks

(3 min.) UTLA UTLA RA SMALKAIA. (lmd sapta 1 numba 5).

5. Upla ra kli wih kaiks

(4 min.) UTLA UTLA RA SMALKAIA. Uplika ra mariks nahki sip sa wan Internet pliska jw.org ra, witin nu takan dauki tânka kum pliki sakaia (lmd sapta 8 numba 3).

6. Disaipil nani dauks

(5 min.) Man wal Baibil stadi takisa kuna asla aidrubanka nani ra waras uplika wal aisas (lmd sapta 12 numba 4).

KRISTIAN RAYAKA BA

Lawana sjj 121

7. Lalah tâka mita bahki ra pât wahpara

(15 min.) Wali nani wal laki kaikbia.

Upla manis mapara lalah briaia ba ai rayaka ra kau tara sa. Kuna baha tâka mita, ai rayaka nani ba “pât nani taki banhwan sa” (1Ti 6:9, 10). Lalah ra latwan kaikaia bara wan rayaka tâ bribia swisa kaka dîa sât pât wahwanka nani briaia sip ba kaiks:

  • Jehova wal pâna lâka aihwa kum briaia sip apia kabia (Mt 6:24).

  • Yawan dîa bri ba aitani sa aima kumi ra sin lukbia apia (Smas 5:10).

  • Kau isi kabia diara saura kum daukaia, kunin aisaia, implikaia apia kaka upla wala ra saura munaia (S.L 28:20). Bara naha brinka ra kauhbia kaka wan kupia dara walanka ra pâtkira kabia, upla wala nani mita saura wan kulkbia bara Jehova yamnika ba lus tiwbia.

“Lalahkam pain yus munaia lan taks” lilkika wina pîska kum. Wahma kum lalah apahkaia watla kum kwirku talia paskan ba ai mihta ra brisa.

Hibru Nani 13:5 aisi kaiks bara naha makabi walanka ra ansa muns:

  • ¿Lalah tâka bahki ra pât wahwaia apia dukiara ani lukanka ba hilp wan munbia, bara dîa muni?

Yawan lalah ra latwan kaikbia apia kra sin, kuna pain yus munras sa kaka trabil manis briaia sip sa.

Lalahkam pain yus munaia lan taks ULBI DAUKAN LILKA NANI mangks. Ningkara makabi wals:

    “Lalahkam pain yus munaia lan taks” lilkika wina pîska kum. Wahma bara tiara kum dîa nit sa wauhtaya ra ulbi brisa, bara tnaya ra praiska mangkan sa. Wahmika ba ai wauhkataya ra ulbi mangkan sa audifonos, sus, plun bara impakaia pâska mana. Tiara wauhkataya ra ulbi mangkan purs kum, ai mihta watska kum plun bara ai trukka giaska mana.

  • ¿Dîa muni yamni sa lalahkam wal dîa daukaisma ba pain laki kaiki ulbi briaia, bara man naha ba nahki daukaia sip sma?

    • Lalahkam pain yus munaia lan taks” lilkika wina pîska kum . Tiarika ba sumbria wal atkisa kan lî auhisa ba mita, kum ba witin dukiara sa bara wala ba ai lakrika dukiara, kan wahmika ba diara damni atki ai lalahka sut yus munan.

  • ¿Dîa muni lalah wiria kum apahki briaia tânka tara brisa?

    • Lalahkam pain yus munaia lan taks” lilkika wina pîska kum. Wahmika ra bank tarjetika tara tras ra yabi ba kum ai mihta ra priski brisa bara tarjeta wala ba lawaska kikisa.

  • ¿Dîa muni yamni sa tras bahki ra dimaia apia?

8. Kangrigisan Baibil stadika ba

(30 min.) bt sap. 20 baiki s. 1-7 bara pîska 7 tâ krikanka.

Tnata prakaia bîla nani (3 min.) | Lawana sjj 101 bara pura sunra

Ulbanka lalka nani
La Atalaya (stadi takaia dukia) 2024 | Octubre

Stadika 42: Diciembre kati 23-29, 2024

18 Waitna nani prisant nani baku bri ba mita tingkikira lukaia